Sasudah jago paraksiang, sumbayang tahajjud, dan baco postiang Lapau. Tabaco postiang Mak Sati dalam tread Minangkabau Maso Datang; ambo indak mangikuti thread itu. Mungkin tapangaruah dek subyeknyo, mungkin karano ambo indak tukang tanuang.
Ambo tacongang cuma jo topik Sumbayang Subuah nan dikatangahkan dalam postiang Maka Sati jo Joduta. Ambo ingin mangatangahkan pangalaman ambo saketek sakadar nan takana. Lah sabulan ambo indak ka musajik kami di Santa Cruz, California, untuak sumbayang subuah. Mato ambo alah kurang elok manyetir malam; anak ambo Mutiara Halima Sjarif, 16 tahun, nan baru praktek manyetir lah managahkan ambo supayo jan lai manyetir malam hari. Ambo iyokan pitaruah anak gadih ambo. Tapi, sabanta ko mambaco postiang Mak Sati, takan rindu ka pai ka musajik, nan jaraknyo dari rumah dari Pasabando Bukittinggi ka Simpang Biaro. Subuah di Tampek kami 4:52 matohari tabik 6:11. Sasudah sumbayang sunat di rumah ambo cubo bagak-bakaan mato manyetir ka musajik. Hari iyo masih kalam, lambek-lambek hati-hati, karano kadang-kadang ado urang bajalan dan baspeda subuah. Di bulakang ambo dalam pajalanan tu ado oto mairiangkan; ambo raso oto kawan nan biaso sumbayang subuahjo ambo. Tapi katu babelok ka musajik, oto tu taruih. Musajik masih kalam. Ambo bukak pintu, iduikan lampu sadono, tarang, karano awak surang, agak gamang kalau kalam-kalam surang. Sumbayang sunat musajik, azan, dan sikia-sikia, tunggu mudah-mudahan ado kawan datang. Tapi lah 5:15 indak ado juo kawan datang, tinggalah badan sumbayang surang. Bia adi awak, Imam di awak, makmum indak ado... Biasono, kami lai baduo batigo nan sumbayang subuah, tapi acok baduo sajo, namun itu lah mankover daerah Islam nan laweh, agak laweh dari Piaman Laweh, dari Marakesh ka Merauke. Kawan ambo dai Maroko ambo dari Indonesia. Kami kadang-kadang baganti Bilal jo Imam sia nan dahulu datang. Kadang-kadang, iyolah surang pulo, baziak inyo atau pun ambo dengan keuzuran masing-masing. Sakitulah dahulu sakadar laporan ambo dari mamabco postiang Mak Sati. Ambo anjurkan Mak Sati pai pulo ka Musajik di Tabiang, Piutu Kabun, atau Galuang sumbyang subuah. Ambo pun mintak pulo laporan adidunsanak dari musajiknyo dima inyo biaso pai sumbayang subuah sacaro rutin (kok lai biaso pai :) sakadar retrospeksi pangalaman masiang-masiang. Dalam thread tu saketek ambo caliak pulo thread postiang sakali lai; dapek pulo mainokkan apo nan ditulih Angku Mudahar Batuduang Ameh (44) Nan Ba Bandera Sirah dalam mareplai Angku Saaf. Rancak diinokkan. Alah tu, ambo ka pai ka Gym. Salam, -- Inyiak Sunguik Di Tapi Riak nan Badabua --- In rantau...@yahoogroups.com, "Sjamsir Alam" <sjamsiralam@...> wrote: > > Pak Duta nan ambo hormati, > > Dalam skala nan takao, pak Duta lah maadokan "penelitian" ketek. Nah sia nan > amuah manolongi tambahan penelitian? Mungkin tiok urang diantaro kito mancubo > shalat di babarapo musajik nan balain-lain utk babarapo hari dan mancatat a > nan tajadi di sinan, sudah tu mancubo manulihkan di lapau ko. Tantu harus ado > sukarelawan nan mangumpuakan dan malanjuikan analisis datanyo. > > Baa gak ati? > > > > mak Sati (L. 74+2+1) > > asa Galuang, Sungai Pua, Agam > > Jl. Sitawa 25, Tabiang > > 0812 6600 639 Halo > > 0821 70 223 253 Simpati > > 0852 63000 868 As > > 0857 6652 6776, IM3 > > 0819 4757 6979, XL > > > ----- Original Message ----- > From: ajo duta > To: rantaunet@googlegroups.com > Sent: Saturday, April 30, 2011 9:02 AM > Subject: Re: [R@ntau-Net] Minangkabau Maso Datang. > > > Manolah Mak Sati nan ambo hormati, > > Kalau ka maliek gairah beragama disuatu tampek, calieklah surau/musajik > diwaktu subuah. Nan ambo alami di perkotaan cendrung lebih rami daripado > dikampuang. Namun anak-anak jo remaja yo bana indak ado. Di kota Piaman > ambo subuah sekitar 10 urang. Dikampuang ambo Gasan Gadang, disurau > kami sekitar 5 urang. Kadang2 cuma surang imam, surang makmum. Pernah > ambo surang imam dan 2 urang induak2. Bagi ambo info nan ambo lewakan > tantu manapuak aia didulang. Tapi itulah kenyataannyo. > > Pernah suatu pagi ambo oto ambo tasakang di BT, ternyata ado pawai khatam > Alqur'an. Sanang hati mancalieknyo. Tapi adokah ado kelanjutan setelah acara > khatam ko. Ado kabanyo penelitian di Unand, ambo lupo % nyo, tapi labiah 50% > kiro2 mahasiswa Unand indak bisa baco Qur'an. Ado pulo ketentuan nan dibuek, > calon penganten akan di test bisa mengaji atau indak. Kalau indak bisa, > indak > dinikahkan oleh penghulu. > > Iyo ambo kalau pulang acok lalok di Piaman, jadi cuma tahu Piaman. Mak Sati > nan di kampuang cubolah sekali sekali cek waktu subuah diduo tigo tampek. > Oh yo > kami lai sumabahyang subuah di musajik raya di Sulik Aia. Iyo sekitar 15 > urang > indak panuah saf. Kembali itu tadi indak ado anak2 dan remaja. Kebanyakan > gahat sajo. > > Baru2 di acara KN, kami ka sumbayang zuhur di Nagari Talang Babungo. Musajik > lai agak gadang, tapi bakunci. Apo pulo kironyo gajala ko? Surau bakunci. > > Sanang hati Mak Sati agak emosi menanggapi thread ko. Artinyo indak setuju > jo > infoko. Cuma memang ukuran gairah baagamo indak bisa dicaleik waktu > Jumahaik sajo. > > Di Padang waktu ambo pulang baruko, diundang oleh mahasiswa2 IAIN Imam > Bonjol. > untuak baceramah. Kondisi ko ambo sampaikan ke mereka. Sekalian ambo batanyo > sia nan sambayang subuh dimusajik hariko. Iyo indak ado nan angkek tangan. > Salut atas > kejujuran mereka. > > Harapan ambo ka dunsanak nan mambaco postingko, cubo kito cek keadaan > masing masing negeri awak. Kalau kondisi kurang elok, mari kito baniek utk > mamelok-i -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
