Angku Ikbal sarato adidunsanak nan Basamo, Katarak ko, manuruik dotor mato ambo, saumpamo jendela nan kumuah dalam lensa mato awak. Nan kumuah tu, "lemak putiah" manuruik angku, misti dibarasiahkan, atau dibuang, sahinggo lensa tu kosong barasiah saroman samulo. Itu nan dinamokan operasi katarak, mambuang lemak putiah tu.
Nah saroman mambarasiahan jendela, nan lemak tu bisa dikikih dibarasiahan. Tapi sazroman kini ado alat pambarasiah jendela nan dapek malaruikkan kotoran jendela tu, diapuik saketek. Kamungkinan sakali "Bungo Katarak" nan angku sabuik tu punyokakuatan melarutkan "lemak putiah" tu sahinggo tanoa operaso, kumuah-kumaah di dalam lensa tu dapek malaruik dan hilang sandiri. Itu nan tamoak dek Makngah logikano. Barangkali rancak dicari dan ditaliti, baa bana bantuak "Bungo Katarak" tu, dima tumbuahno. Apokoh bungoko lah dikatahui kalangan kesehatan sahinggo dapek diteliti sahinggo nanti dapek dijadikan caro alternatif untuak manangani para pasien katarak ko. Kok ado gambar-gambarno atau kok ado namo latinno rancak disebakan supayo kito basmo-samo di Lapau dapek pulo mancaliak dan mangatahuino. Kok tahu bungo tu,MakNgah sandiri namuah pulo mancubono. Makngah sandiri (kini 76 tahun) lah diojoh-ojohan dotor mato pulo untuak opeasi katarak tu, namun masih gamang ka maadokino. Maklumlah bak kecek amak MakNgah wakatu baliau ka baoperasi dahulu, "ka dicukiano mato awak". Iyo indak lantgeh angan doh. Alun namuah lai. Patang, dotor lah mamareso baliak, MakNgah kecekan baa rasono, bisao kito ago-ago wakatu agak satahun duo? Kecek dotor, nan paralu kito caliak tiok tigo bulan. Sajak 40 tahun nan lalu, MakNgah taruih pareso dotor mato sakali tigo bulan. Amak MakNgah duo tahun indak dapek mancaliak, baliau indak namuah dibawo ka dotor untuak "dicukia" mato baliau. Alasan baliau ka adiak -- wakatu itu ambo indak di Kamoang -- biko bangih-bangih Sjamsir manga mato amak dicukia indak satahuno. Tapi katu MakNgah pulang 1985 sasudah absen 20 tahun indak basuo jo baliau, MakNgah sandiri nan mambawo amak ka dotor. Ambotanyo ka dotor, apo iko operasis barek? Baa manuruk dotor? Manauruik dotor, Dotor Uli (namo panggilan baliau di Bukaittinggi, ejaan namo lupo MakNgah, Khalilul Rahman?) insyaallah lai indak barek do. Samo-samo mandoa kito. Tarimo kasih banyak ka Dr. Uli. Iyo, hasilno, panjang carito, Amak Makngah lai dapek mancaliak dengan elok samoai baliau maningga dalam haribaan MakNgah dan sempat mancaliak MakNgah sampai detik-detik terakhir perpisahan nan sangat mengharukan tahun 1994... Mudah-mudahan Angku Doro Suheimi sukses dalam operasino. Salam, --MakNgah Sjamsir Sjarif --- In rantau...@yahoogroups.com, "Iqbal Rahman" <yesbonbom@...> wrote: > > Pak prof , kakak ambo padusi umua 71 th kaduo matonyo ampiang indak maliek > progresnyo labiah kurang satahun sajak di matonyo normal kemudian timbuah > taka lamak putih dan makiin banyak , nasehat dokter lamak di mato harus di > buang / operasi , tapi manjalang operasi ado nan maagiah bungo putih panjang > ± 5 cm sagadang lidi katonyo namo bungoko bungo katarak caro mamakainyo bungo > dimasuakan ka aie dingin kemudian aie bungo diteteskan dengan bungo itu > sendiri ka kaduo mato sangat padiah kato kakak ko sampai ampiang manangih > dek padiahnyo , Alhamdulillah hanyo dalam 3 hari lamak dimato nyo hampia > hilang dan penglihatnyo ampiang normal.( Kami adiak2nyo seolah indak picayo ) > Pak Prof, hanyo sekadar sharing dari ambo , kok lai pulo namuah mancubo. > Salam > Iqbal Rahman -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/