(Dinda MM, mohon maaf atas kelancangan saya meneruskan japri dinda ke Palanta, karena sangat sayang pikiran yang sangat jernih ini hanya saya yang membaca, HDB-SBK)
Tarimo kasi Kakanda HDB St Bandaro Kayo nan tingga di Depok. Kadang-2 tapikie diambo, a kiro-kiro nan bisa awak pabuek untuk mambangun kampuang halaman awak (provinsi Sumatra Barat) di siso-siso umua awak manjalang "dipanggie" nan Kuaso ko, yo? Dalam r@ntau-net ko banyak ambo liek, "ruok-ruok lapeh" nan sabana boneh kutiko inyo dibicarokan. Tapi......, satalah itu, baliek dilupokan......! dek samakin kompleks dan batumpuaknyo permasalahan hiduik & kahidupan nan musti dihadapi masiang-2 individu. Nan acok ambo patanyokan ka "rumpuik nan bagoyang" nan banyak tumbuah di tapi batang aie nan mangalie mulai dari Lambahanai (7 KM dari kampuang Kakanda HDB) taruih ka Kayutanam, Sicincin, Lubuakaluang kamudian masuak ka lauik di tapian barat pasie Tabiang tu, adolah apokoh lai dialog-dialog bernas awak nan lahie di palanta r@ntau net ko dibaco dek Dunsanak kito nan hari ko pegang kendali di Provinsi Summatera Barat tu? Apokoh adoh, aparatur Pemda (baiak di level Kodya, Kabupaten atau Provinsi) nan manjadi anggota r@ntau net ko? Kalau indak, sarupo nan ambo amati dan ranuangkan samanjak ambo aktif di milisko (Juni 2009), akan sio-sio sajo awak bakaruak arang di alam maya, tapi urang nan awak anggap punyo kewewenangan untuak maubah, mambuek atau mang-goal-kan sagalo macam Perbaikan, Perubahan dalam MEWUJUDKAN PEMBANGUNAN BERKESINAMBUNGAN DI SUMATERA BARAT indak panah tahu bahaso 'parlemen' atau 'pakar tangguang' nan sharing di r@ntau net ko, banyak poin-poinnyo nan bisa diambiak dek pamegang keputusan di Sumbar. Di lain pihak, kito di parantauan, nan rato-rato alah pansiun (resmi) dari pamarintahan atau BUMN atau intansi lain, satalah pansiun ko lah baru maraso tabukak mato dan maraso tapanggie untuak babuek manuruik "kamampuan" masiang-masiang. Ado nan mampu jo financial, tanago, pamikiran..., dan ado pulo jo "kaba-kaba angin sarugo" ini itunyo. Sapanjang nan dikaluakan urang awak di parantauan tu, batujuan baiak demi ikuik mambangun ranah minang, tantu kito indak bisa untuak manulak. Tapi......, di saiak krisis kepercayaan maruyak di sagalo lini kahidupan moderen (eksekutif, legislatif dan judikatif) di Pusat dan di daerah (tamasuak provinsi SumBar) apokoh mungkin ide-ide urang rantau nan indak disaratoi jo proposal resmi lai didanga dek para Ka.Da di Minangkabau? Antahlah.................!!! mm*** di Bekasi . -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/