Mak Duta sarato angku, mamak, bundo jo adi dunsanak sapalanta RN nan ambo muliakan,
Sabananyo ado banyak/sambuah jalan alternatif pabilo kito handak pai ka Maninjau dari Bukiktenggi, yaitu melalui kampuag pak Firdaus HB di nagari Sianok VI Suku. Caronyo mamak pai ka panorama Ngarai Sianok, lalu turun ka bawah taruih ka ngarai. Susuri sajo jalan mantun sampai ka nagari Sungai Landia, beko ado persimpangan tingo batamu jo jalan lintas Bukiktenggi - Maninjau baliak. Kalaulah kito mengetahui jalan potong nan ado di nagari-nagari indak ka batamu jo macet nan acok tajadi antaro Padangpanjang - Bukiktenggi ataupun Padangpanjang - Kayu Tanam. Bahkan dunsanak kito nan dari Ampek Angkek pabilo ingin ka Batipuah indak paralu manggunokan jalan lintas Padangpanjang Bukiktenggi, sabab alah sambuah jalan di nagari-nagari mulai dari Sungai Pua - Batu Palano - Koto Baru - Aie Angek - Paninjauan - Gunuang - Sabu taruih ka Batipuah. Baitu juo jalan-jalan di nagari-nagari kec. X Koto, Tanah Datar saroman nagari Singgalang, Koto Laweh jo Pandai Sikek nan bisa tembus nagari Padang Laweh - Cingkariang - Sungai Tanang - Pakan Sinayang - Koto Tuo - Guguak Tabek Sarojo - Koto Gadang. Petanyo alah sajak 2 tahun nan lalu ambo lewakan, sahinggo filenyo bisa di print ataupun dipindahkan ka handphone nan bisa dijadikan panduan untuak perantau nan mudik ka ranah minang. Namun iko mungkin alah jadi kebiasaan umum urang awak maupun urang Indonesia, bahasonyo kito acok mambali kulkas, tv, masin cuci tapi indak amuah mambaco buku panduannyo. Baitu pulo file-file peta mantun nan alah ambo lewakan di milist nan ko mauun di situs jejaring sosial facebook saroman Pituah Adat Minangkabau nan ambo admini (kini alah 20736 member). Malah di PAM disabuik pulo peta nan ko rancak untuak nan penggemar geografi... antalah. Bahkan untuk nagari-nagari di kec. X Koto kab. Tanah Datar, Kota Padangpanjang, Kota Bukiktinggi, nagari-nagari di kec.Sungai Pua, kec. Banuhampu, kec. IV Koto kab. Agam alah bisa diakses citra satelit jo google earth, sahinggo jalan - jalan di nagari-nagari bisa dicaliak dengan sedemikian rupa untuak memudahkan kito. Ambo alah marantau 19 tahun di Aceh, Sumut jo Riau. Banyak kawan-kawan nan dari daerah lain kutiko bakunjuang ka Sumbar terkagum-kagum, mancaliak bahasonyo banyak jalan-jalan kampuang di Sumbar (khususnyo di Luhak Nan Tigo jo Padang Pariaman) sudah beraspal mulus. Baa kok urang rantau acok juo mangaluah jalanan macet pabilo hari rayo, sabab indak obeh jalan alternatif nan sambuah di nagari-nagari. Bahkan alah satahun kini pabilo ambo akan ka Pariaman indak paralu malinteh ka Pasa Usang jo Lubuak Aluang, sabab alah ado jalan pinteh mulai dari BIM - Katapiang - Tapakih - Ulakan - Gondoriah - Mangguang - Nareh taruih ka Sungai Limau. Untuak rute Padang ka Bukiktenggi bisa juo melalu Malalak, mulai dari Sicincin - Sungai Sariak - Sungai Durian - Tadikek - Malalak - Balingka. Satu-satunyo rute nan alun ado jalan alternatif hanyolah dari Kota Padang ka Kota Solok, dimano Sitinjau Lauaik sampai kini alun ado persimpangan nan bisa dijadikan jalur alternatif. Sayang saribu kali sayang, kito indak juo memanfaatkannyo, padahal kito mangaku urang minang nan sabana cadiak... antalah... antah sia lah ko nan cadiak, banyak maaf. wasalam AZ/lk/33th/caniago Padang ________________________________ Dari: ajo duta <ajod...@gmail.com> Kepada: rantaunet@googlegroups.com Dikirim: Minggu, 28 Agustus 2011 3:59 Judul: Re: [R@ntau-Net] Shuttle Bus di Bukittinggi. Ah, Kiktinggi. Suatu kali ambo jo anak cucu bamalam Minggu di kota Sanjai ko. Bisuaknyo ari Minggu kami ingin maluncua ka Kelok 44. Kami bainsuik-insuik untuak kalua kota dipagi nan cerah ko. Kok masih pagi alah macet. Ado apo gerangan?. Setelah tanyo2, ternyata ado pawai khatam AlQur'an. Dalam satu hal hebat Kiktinggi punya anak anak nan bisa khatam Qur'an sementaro banyak juo dikampuang anak anak awak nan indak bisa mangaji. Tapi mambuek acara pawai kuliliang kota, sampai manutuik jalan, iyo bana k e t e r l a l u a nnn. Membahagiakan satu pihak tapi merugikan urang lain. Hiduik Kota Dahlia! -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
