Inti dari thread nan ko, sabananyo adolah masalah pakuak mamakuak. Manuruik ambo pakuak mamakuak iko paliang indak tabagi duo, ado nan tatulih nyato ado nan tatulih indak nyato. Nan di RM Minang ko adolah pakuak nan tatulih indak nyato, sabab tatulih haragonyo lai namun rinciannyo indak jaleh. Sadangkan nan di KFC, TFC, CFC ataupun MD mantun adolah pakuak nan tatulih nyato, sabab salain haragonyo memang maha, tutulih sacaro rinci pulo.
Nan mambuek ambo heran, kito labiah suko dipakuak oleh urang asing atau dengan caro asing pulo. Sabab di bisnis waralaba mantun, alun tagak kadai nan pambali lisensi alah kanai pakuak duluan. Kok disurah mamiliah, ambo labiah suko kanai pakuak di RM Minang, sabab selain nan punyo kadai mandapek, inyo akan mambangun kampuang halamannyo, tagak pulo surau, masajik, tatolong RTM (rumah tangga miskin) di nagari-nagari dan lain sebagainyo & nan bakarajo disinan biasonyo urang awak pulo dapek rasaki untuak mahiduki keluarganyo, dari pado pitih nan kanai pakuak ko tabang kalua nagari. Sabananyo banyak harago nan indak wajar tajadi di Resto, Cafe, Waralaba, Hotel dan lain sebagainyo. Indak masuak aka harago saboto aie mineral 600 ml dijua Rp. 10.000,-. Padahal di kadai, hanyo ambo jua Rp. 2500 nan biaso & nan dingin Rp. 3000,-. Ataupun sacangkia kopi saharago Rp. 20.000,-. Dek karano ado listnyo dari perusahaan nan bausaho, kito tarimo pulo & indak dipermasalahkan bana, mungkin disabuik pulo alasan bahasonyo untuak membuek usaho dalam skala gadang ko paralu investasi nan gadang pulo. Karano itu ambo kiro, thread nan ko tamasuak salah satu thread nan indak boneh di palanta nan ko, sabab hanyo mancaliak gunuang Marapi dari satu sisi sajo. Baa gak hati? wasalam AZ/lk/33th/caniago Padang -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
