Bujug dah, bahasa ente faseh bener.. Ane bacanya kayak orang kagak waras, nyengir dari atas ampe bawah. Hua..ha..ha.. mirip nonton si doel, TOP! kagak ade nyang punya.
Aye mau bikin ente danta kalo aye juga gak anti ame budaya sunda. Lha, bini aye yang pertama dari bandung sonoh. Jadi, emang aye kayak Bekasi juga 'takluk' dah kalau dah ngomong budaya sunda. "Ah, elo baru-baru doang bejegir bawa golok, pas udah masuk dan keluar mah udah ngampleh... " kata teh Juju, sinden Cikarang, bini mudanya manfor Romin nyindirin kite. Kagak kuaaaat.....! *.....hua..ha...ha....ha....mudah2an kagak di ban ini omongan ya, dan jangan ditranslate pake bokep ya*...... Dengan omongan laen, aye sepakat dah ame pikiran ente, kalo budaya sunda bikin iddup kite warna-warni. Inklusif kalo bahasa orang Babelan. Cuman, nyang aye juga mao ada gitu yang perhatian dari dinas pariwisata Bekasih. Pan kalo sekarang ma budaya asli bekasi kayak orang kecekek. Idup kagak, mati juga kagak. Ngos-ngosan. Selaen daripada itu, perlawanan budaya dari para aktivis dan budayawan Bekasi emang rada-rada kendor, buwat bilang kagak ada. Kudunya kan mati-matian kita bela ne budaya dengan cara orang sekolaan. Ada grand skenarionya. Ada infrastruktur publikasi dan komunikasi. Ada donaturnya. Ada ikon. Ada tokoh budayanya. Ada dukungan dari semua stakholder. termasuk Pemda. Nah, ampe ari gini, aye masih mikir, wah...susah bener nyari dukungan buat nyang kayak gini. Ibarat orang jalan kaki, masih kepladug-pladug dah. Di One Centre pernah ada ikhtiar ke arah sono. Kita bangun KOmunitas Budaya Pangkalan Bambu. Cuman energi dan semangat kite bukannya kayak dodol nyang mangkin lama makin keras. Ini mah baru-baru doang semangat, terus meleleh dan kendor lagi. Ampe sekarang melempem dah. Mudah2an momoentum ntar sore bikin lompatan. Cuman sayangnye, ane dah janji mao ke Tanjung Air neh. Mau kasih titiipan buat anak yatim. Kan salah satu donaturnya ade ente, om afip. .....he..he..he...maaf kalo kebanyakan....
