Mejuah juah Kila, Renungen sicukup mejile, janah tajam kel ulasen na. Piga piga kali Postingen kerna renungen ibas akhir akhir minggu si i tulisndu, ku baba ku forum diskusi si ni ikuti piga piga pemuda. Renungen enda cukup memacu semangat bas kami nari. Gia cakap cakap dengan i jenda, mungkin lit kari tindak lanjutna (Aplikasi Lapangen), Perkuat pondasi lebe ula mejar jar bas perdalen mekatep ku singetken man teman teman...Emaka Ajarindu Ka Kami...
Mungkin Piga piga wari enda bahan renungen enda banci ka, I baba ku forum diskusi Pemuda Kitik kitik enda. Bujur Permenndu : Eddy Surbakti Setia Menemani para pendengar Radio Karo Access gLobal 24 Jam... 2008/12/14, MU Ginting <gintin...@yahoo.se>: > > Renungan Akhir Minggu > > Piah enggo ka kuakap seh waktuna nibar-nibari perukuren sedekah dua minggu > perpudi enda. Melala mentas bas ukur (refleksi), lit si erkedungen, lit ka > si lahang, si lenga ka terbahan secara sistematis gelah teroge atau > terantusi masyarakat jambur. Tapi kai si enggo kuakap lit sitiklah gia > strukturna kubahan me, gia banci denga kang kari rusur igeser-geserken > tampokna ku benanana atau sebalikna. > > > > *Refleksi teori* > > Teringet aku mulihken kalimat sipernah ka ku postingken ku jambur, emkap > nina Engels (sekalak teoritikus Jerman menam 2 abad silepus) "*a nation**that > wants to climb the pinnacles of science cannot possibly manage without > theoretical thought",** *nina Bapak enda*. *Reh nina bas ukurku, uga dage > nation Karo enda ndai? Rukur-rukur aku janah ndarami teoritikus Karo atau > Batak, Simalungun atau Pakpak. Ih . . . mesera kang ndatkensa. Tapi pasti > lit nge kuakap, ntah bas soal kai gia. Adi i barat atau nation-nation > barat cepat nge si idah uga buena ahli teori enda bas soal kaipe. > > *'erubahan kwantitas ku kualitas'* nina salah sada teori ndai. Entah uga > ka nge ndai maksudna, tapi kalak Jahudi atau kalak Swedia labo kapken > melala, gia bas soal kaipe teridah kang secara teori ndai, atau praktek > kaipe, misalna kemajuan industri atau olah raga. China tuhu melala jelmana, > melala kang bas soal kaipe, tentu cocok nge ras teori adah ndai teku. Jenda > tah payo nge soal perubahan kuantitas ku kualitas adah ndai. Tapi kalak Karo > secara kuantitas la kapken terandalken, tapi uga kin secara kualitas, > niruken Jahudi atau Swedia? Niruken kalak China atau Batak ma la kabo > mungkin teku ka. Atau lalap nge kita la pernah nangkih pinnacle of science > adah ndai? > > Balans atau keseimbangan bas kegeluhen, equilibrium atau 'jerusalem > simbaru' megati itulisken Shodan Purba. Perpudi sedapkel kuakap ngoge > kalimatna bas soal enda nyambungken soal tesis-antitesis-syntes, emkap > '*continuous > reform', ndarami siniterulin la erngadi-ngadi** *nina. Sedap, sedap . . . > senang ukur ngogesa, sebab payo siakap. Bas pengertinku terutama soal enda > fokus ku perukurenta (pikiran), sebab adi ngerana kita soal kegeluhen, > ertina kegeluhen manusia maka pikiren enda me kuakap kuncina. La lit atau > terganggu balans bas perukuren enda, je me kita kari misalna mis meruntus, > merawa atau adon. Adon atau 'gangguan jiwa' ninta biasana, je lanai pernah > tercapai balans adah ndai sope lenga malem adon adah ndai (adi mungkin ka > kin malem). Tapi meruntus atau merawa banci kang pulih ku situasi balans > normal (equilibrium). Bas pengalamen si enggo biasa ka ku perdiateken janah > ku praktekken emkap *ketenangan*, bas ngadapi tiap soal, banci jadi > senjata kuat mempertahankan balans adah ndai. Enda banci kerina kita > ncubakensa. > > Sada nari teku kutambahken kata-kata Engels soal teori ndai: "*In every > epoch, and therefore also in ours, theoretical thought is a historical > product, which at different times assumes very different forms and, > therewith, very different contents. The science of thought is therefore, > like every other, a historical science, the science of the historical > development of human thought. And this is of importance also for the > practical application of thought in empirical fields. Because in the first > place the theory of the laws of thought is by no means an 'eternal truth' > established > once and for all, as philistine reasoning imagines to be the case with the > word "logic". * > > Enda ku kusalinken jenda maksudku gelah nyinggung sitik keruntuhan negeri > sosialis (soviet) bas abad 20 silewat, termasuk ideologi komunisme di > Indonesia yang diwakili oleh PKI. Melala denga kita si 'merasa tabu' > ngeranaken soal enda, sejarah ndai ka, masa lalu ndai si banci rusur > berubah-ubah, sebab masa depan ngenca si enggo jelas pasti. Tapi adi la > siranaken atau la lit simulai ngeranakensa uga ka kin enda mungkin iubah > masa lalu adah ndai? Enda masalah kepentingan ningku pernah bas milista. > Jelas ei me. Tukang bantai pro Suharto tentu mejinsa kapna adi isingetken > proses enda, janah si terbantai trauma ka, sebab adi isingetken lalan ka si > merawa asangken si nuduhken empatina. Uga misalna ningetken pembantaian > gertak lau biang, ise si terbantai, ise si tukang bantaina, gia kerina ka > nge kuakap enggo mate, atau lit denga kin si selamat? Kalak luar (negeri) si > ndai ngajok-ngajok perubaten bangsanta, enggo lanai urusen, kontradiksi > pokok dunia enggo kap berubah. Kalak ngajok enda enggo ka ganti dahin, atau > pindah tempat sesuai ras perkembangan kontradiksi dunia simbaru, 'perang > terrorisme' nina, atau ningku 'perjuangan untuk keadilan' enda nge > kontradiksi pokok dunia gundari. Penderita langsung gundari bas soal masa > lalu enda emkap misalna anak-anak sekolahta, lanai tehna ujung tampok > sejarah nationna. Erbahan sejarah bersama, enda pe perjuangan ndai kang, > ertina termasuk perjuangan untuk keadilan. > > Sada abad lewat enca Marx-Engels nulisken soal idatas (teori sosial), iatek > Lenin atau Stalin dll teori adah ndai 'eternal truth'. Sangana itulis ndai > mungkin jalan adi je idalanken, ertina bagi sikataken Marx man Feurbach, > bahwa teori '*bukan hanya menjelaskan dunia, tapi harus mengubahnya'*. > Tapi uga kin 100 tahun kemudian? Ma kalak enda kang (Marx-Engels) > singajarkensa soal dialektika si menjelasken perubahan ras perkembangan > terus menerus, ertina temasuk teori bagepe pikiran manusia? Bicara mindai > nggeluh denga Marx tentu nina, ih ih . . . timai lebe kawan Lenin, oge kena > sekali nari dialektika adah ndai, ula buru-buru bagena! Tapi Lenin, Stalin, > Trotsky, Mao, Aidit dst bertindak *memonopoli dialektika*, la sada pe > kapna lit jelma beluhen. Encage kerina gagal. Gagal maksudku ijenda labo > man 'ahli-ahli' dialektika enda ndai, tapi man perkembangan kemanusiaan, > kemajuanna bas kerina lapangan kegeluhen. Pemahaman teori ras terutama > dialektika adah ndai kin sebabna? Pasti ningku. > > Sada nari teku kukataken contoh jelas uga dialektika Marx ipake kalak China > erperang ras kalak Vietnam si make dialektika Marx kang, bagepe kalak China > erperang (perbatasan) ras kalak Rusia (Soviet) atau Stalin ras Tito, menam > la lit bedana ras sada golongan islam erjihad merangi golongan islam sideban > bagi i Timur-tengah, Pakistan atau juga Indonesia? Jadi ja ngenda kari > kedungenna? > > Kumilista pernah kutulis: "*Perubahan dasar inilah yang telah mengubah > struktur > kebutuhan dan yang pada gilirannya sangat mempengaruhi (atau satu-satunya > yang mempengaruhi?) kesedaran manusia ketingkat yang lebih tinggi, > termasuk budaya dan politik". (Milis, *Wed Jan 10, 2007 1:06 pm )** > > Gia perumusen enda pe bagi sikukataken idatas "banci denga kang kari rusur > igeser-geserken tampokna ku benanana atau sebalikna", misalna, kebutuhen pe > kapken soal kesedaran kang, tapi ijenda kutekanken teku kebutuhen enda me > sebagai titik tolak ibas discourse perkembangan kemanusiaan kulebe bas era > transisi gundari enda. Perkembangan *kebutuhan, kesedaran, kreasi manusia, > ras kebebasan perorangan *erat hubungenna ras perkembangan teknik produksi > janah bas gilirenna perkembangan ekonomi, pernah kang terbahas bas milista. > Maslow, salah sada pengarang teori kebutuhan th 70-an ningetken bas > pyramidna soal kebutuhan tertinggi 'self actualization', seakan-akan > kebutuhan kemanusiaan sudah berakhir disitu. Enda sitik situmburen ras kai > si kukataken idatas, kebutuhan ras bagekape perkembangan kesedaran > kemanusiaan la erngadi-ngadi saling mempengaruhi janah meningkat lebih > tinggi dan lebih tinggi. > > Saya melihat perkembangan kesedaran manusia atas kebutuhan ini, salah satu > ialah, dulu kebutuhan seorang bisa membawa bergerak orang banyak (kuarapken > psikologi massa juga berubah?), misalnya Lenin rame-rame ngalahkan tsar, > atau Hitler atau Suharto atau Polpot rame-rame nyembelih manusia. Sekarang > juga masih banyak yang berusaha jadi Polpot atau Suharto, tetapi sudah > susahlah. Berapa orang yang mau diajak rame-rame menggulingkan SBY? (kecuali > kalau SBY sendiri berubah pula jadi Polpot atau Suharto tentu). Karena > kebutuhan berubah? Tingkat kesedaran berubah? Masih pertanyaan filosofis, > tapi mengandung kebenaran perkembangan, atau gambaran kandungan > unsur-unsur struktur perubahan dan perkembangan sosial masyarakat. > > Eak parang mbelin, piah teringet ka aku situasi sada grup kalak filsafat si > dahinna sangana ngeranaken sada persoalan abstrak filsafat, kai pe ninta > bas ruang enda, nina sekalak profesor, tapi diluar sana tidak ada yang > berubah nina. Encage Marx ndekah mikir ndungi filsafatna, janggutna pe lanai > terurussa, nakanna ras sewa rumahna pe Engels nanggungsa. Marx katepen > bergehen nggilgil adi musim dingin, rumahna lalit pemanasna (mahal pemanas > sanga e). Engels mbue waktuna sebab bapana pemilik fabrik. Janggutna pe lit > denga simangkassa (lit duitna). Kita enda terpaksa kang kapken ndarami duit > penukur buah nggala pebesur beltek hehehe . . . Dage mgayak jenda yah > soal abstrak enda, down to earth ndai kita. > > > > *Back to earth*** > > "Pokoknya semua bagus.... mantap. > *Tapi yang lebih mantap. komentar Pak Syamsul (GUBSU) katanya : JANGAN > SEMUA BERBAU TAPANULI (TOBA)... agar diingat di Sumut ada 9 ETNIS. > Ini sekedar kenyataan.... kecil," * > > (Per"Baroeng" Peceren). Enda kin nge ndia pencerminan perjuangan abadi > antar entis adah ndai? Mungkin kin sipindoken man kalak TAPANULI bagi ibahan > pak Syamsul gelah sopan sitik ibas perjuangan abadi antar etnis enda? Piah > teringet ka aku sada "teori hierarki" pak Syamsul enda, nina "*Banyak > orang yang pintar di Medan yang lebih layak menjadi Gubsu. Saya ini hanya > orang Brandan yang tukang kue. Tapi perlu diingat, orang bodoh akan > dikalahkan orang pintar, orang pintar dikalahkan orang licik dan orang licik > dikalahkan oleh orang Bertuah. Nah itulah saya, orang yang Bertuah dan > diberkati Allah," *kata Gubsu Syamsul Arifin, (SIB on Juni 18th, 2008). > Ijenda paling atas orang bertuah, dibawahnya ialah orang licik, orang pandai > dan kasta terbawah adalah orang bodoh. Kalak Tapanuli sitonton pak Syamsul > adah ndai kalak ertuah nge kuakap, la kabo cocok adi ikataken kalak licik > atau pande, kai denga ka kalak bodoh, la mungkin. > > Adi sibayangken hierarki pak Syamsul enda bagi sada pyramid, io oh mbue > naring kalak bodoh enda. Logisna pe bage kang kuakap. Lang uga ka kin kalak > licik ras kalak pande banci nggeluh adi kalak bodoh la mbue? Ise si muat > nakanna? Adi kalak ertuah tentu perbahan tuahna nge ninta. La pe erdahin adi > ertuah . . . ih . . . piga ka si ertuah. > > Kalak Karo banci kang ikataken 'la ertuah', tentu kita pe la kabo nggit > jadi kalak bodoh, licik, . . .atau pande enggo jelas lahang, terutama adi > soal milih-milih bas pemilihen, katepen milih tempulak bas sumpit, iatek > manuk. Tapi uga ka kin kita mettehsa kai isi sumpit ei adi singembah sumpit > adah ndai pe tempulak. Encage tanehna pe enggo 'sangkumaran', lanai turah > kaipe adi la ipupuki. Pupuk lanai kalak Karo simettehsa, terutama petani > Karo enggo me ndauh terdurun, tapi salin kata pak Syamsul, kalak pande > atau kalak licik adah ndai si mettehsa ras singatursa. * > > * > > *Pemekaran Berastagi* > > Enda soal sindeher janah aktual ka man banta gundari enda, janah enggo ka > piga-piga kali sibahas bas milista. Enda *"**menjadi ajang mendongkrak > popularitas untuk mereput kursi wakil rakyat 2009. . . . orang yang > sepertinya sangat peduli tentang pemekaran . . . "* nina Eddy Surbakti. > Gejala simekatep atau mekatepsa teridah bas masyarakat. Kuinget nai sangana > erjuma denga ikuta, adi majekken lipo Pa Gura, mis melala tempulak > nungkir-nungkir pudi sapona nari, katawari nge kari ibengketi lipo adah ndai > tena. Bagi piramid Syamsul adah ndai, la kabo seri kerina tempulak enda, lit > kang si licik atau lebih licik. Piah lit kang si pang maju nami-nami Pa Gura > perjuma sierbahan lipo adah ndai, mindoken ikut mbantu majekken lipo, gelah > muat cepatna kari dung nina. Merandal nina Pa Gura, kalak bujur la pergogo, > berena man ka pe tempulak adah ndai. Ugakin adi bantuna ka kita. Tapi Pa > Bugan ras kerina Pernanden Beru Manuk tentu lain kang pengidahna, bujursa > kapna Pa Gura adah ndai. Pa Gura mehuli nge ukurna, tapi tempulak adah ndai? > Iiiih . . . > > Enggo melala pro-kontra pikiren bas mbangun pemko Berastagi enda, bas > milista bagepe i masyarakat Karo. Sada siteringet aku rusur emkap soal > penduduk pendatang i Berastagi si jelas muat buena, terutama kalak Teba > Samosir nari, tapi mbue kang sideban. Pemekaran seakan-akan menyerahkan > Berastagi man pendatang, etina la kalak Karo. Enda pemikiren mberat, > psikologis mberat, sebagai etnis Karo pe mberat terutama adi inehen sitik > terdauhen ku lebe perkembangan Karo sebagai entis asli Berastagi. Melala ka > contoh sejarah si la mengenakkan, misalna Medan lanai bo kuta Karo, Siantar > lanai kuta kalak Simalungun, Sidikalang lanai kuta kalak Pakpak atau Karo > (kuinget denga kuta Bakal antara Sidikalang ras Sumbul je nai kalak Karo > simanteksa tapi gundari lanai sada pe je kalak Karo, melala kota-kota i > Kalbar/Kalteng enggo pindah tangan lanai melala kalak Dayak je (sebab utama > pemotongan leher mbarenda), i Sulteng bagepe Maluku melala kang terjadi, > atau KUALA NAMO si enggo 'betat' cakap Karona salin kata Shodan Purba. Jadi > 'betat' ka kin kari kalak Berastagi enda? > > *"Bahasa adalah Jati Diri"*, nina Wagub Gorontalo Gusnar Ismail bas *Kongres > Internasional Bahasa & Adat Gorontalo* Selasa (13/5/08, web Gorontalo), > atas kerjasama pemerintah Provinsi Gorontalo dengan Universitas Negeri > Gorontalo (UNG). Selanjutna nina Wagub, di Sulawesi terdapat 110 bahasa > daerah *36 diambang kepunahan* dan *1 bahasa daerah telah punah*, nina. Rektor > Universitas Negeri Gorontalo (UNG) Prof. Nelson Pomalingo dalam sambutannya > menyatakan ada beberapa faktor yang mempercepat kepunahan suatu bahasa > daerah antara lain nina, generasi sekarang sudah enggan bahkan > *malu*menggunakan bahasa daerah sebagai bahasa keseharian/pergaulan karena > dianggap *kurang "gaul"* dan semacamnya. Enda tuhu payo, kita pe > ngenanamisa kang bas perkembangenta. Maka nina *mulai "dari sekarang perlu > diambil langkah yang tepat untuk menjaga jangan sampai bahasa Gorontalo > sebagai identitas dari etnis Gorontalo akan punah juga".* Sada nari kuakap > sebab penting kepunahan enda ndai (mungkin la teridah i Gorontalo?) emkap > persaingan budaya dan politik (power) antar etnis. Budaya-budaya (bahasa) si > enggo punah atau sibakal punah i Sulawesi adah ndai, pasti la lepas bas > persoalan enda nari ertina perjuangan abadi antar-etnis atau ethnicgroups > self-assertion and struggling for power, territorial or/and state power. > Enda mungkin la jelas i Gorontalo, tapi sangat jelas i Sumut. Tapi perlu > sicontoh langkah-langkah mehuli pemerintah provinsi Gorontalo ras > Universitasna erbahan Kongres Bahasa & Adat Gorontalo. Permulaan simehuli > dan menjangkau panjang. Adi enggo sada waktu kari terlaksana Propinsi Karo > tentu perlu kang ibahan langkah bagenda. Erbahan propinsi Karo ninta ndauh > dengan, tapi kita ka nge singatakensa '*ndauh denga'*, labo kalak sideban, > ndauh ninta maka ndauh ka, lahang ninta, lang ka. Psikologis ndai. Janah > mekatep nge bage siterjadi, *kita nge perlebe ngalangi dirinta, labo kalak > sideban*. Ngayak gundari sidukung penuh kerina usaha sibagenda, bas etnis > siapai nari pe, daerah siapai nari pe. Gia adi rehna bas etnista nari > misalna Propinsi Karo lenga terdukung kita, tapi sitikpe la salah adi > misalna sidukung penuh pembentukan Protap atau Mandailing Tabagsel atau > Nias. La kin seh nge jilena kai siterjadi bas Gorontalo? > > Jadi jelas me enda persoalen serius, soal pemekaran ibas hubungenna ras > soal bahasa ras 'jati diri' adah ndai. Maka labo banci ihadapi alu > jagar-jagar tempulak. Sebab enda persolen serius, terutama simenyangkut masa > depan sada etnis, maka terpaksa nge *iranaken*. Adi isinekken muat > kellekna nge ngenca. *Ngerana kita atau erperang kita*, pernah kukataken. > Zaman lalu kita erperang, menang. La erperang, talu. Zaman gundari kita > terpaksa ngerana, la lit pilihen sideban. La ngerana jelas talu. Pertama > lebe atau siutamaken emkap ngerana sesama kita kalak Karo, rayatna, ras > pemimpinna, tokoh-tokohna atau legislatifna bagepe eksekutifna, Encage > tokoh-tokoh nasional Karo, mbue pengaruhna adi ngerana, sebab secara > nasional. Ma enggo ka me melala contohna uga etnis-etnis si pang ngerana > janah melala ngerana (assertive), uga kebutuhenna secara etnis/daerah > erdalan janah terpenuhi. Bas lapangan pe la kurang aktifitasna, ma siidah > kang bas pemekaran misalna, atau mbangun sekolah, ndarami danana dsb. > Sekolah Tinggi Informasi Laguboti lit kang ngusahaken dana (beasiswa) man > studen kalak Karo. La perlu kita mela erlajar bas kalak enda nari, atau > bas kalak ise nari pe, adi simehuli. > > Tapi kalak pendatang Berastagi enda ndai tempulak kin? > > (bersambung) > > Enda ka lebe, > > Selamat week-end > > Bujur ras mejuah-juah > > MUG > > > > ------------------------------ > Ta semester! - sök efter resor hos Kelkoo. > Jämför pris på flygbiljetter och hotellrum: > http://www.kelkoo.se/c-169901-resor-biljetter.html<http://www.kelkoo.se/c-169901-resor-biljetter.html?partnerId=96914051> > > >
