Renungan akhir minggu Mejuah-juah permilis sirulo kerina Tentang Kreasi, aktivitas dan kerja Teroge aku kata-kata Einstein, nina: "The secret to creativity is knowing how to hide your sources." Kalimat enda nge ndai sierbahan turah renungan enda. Aku tak abis pikir ninta kin biasana. Pikir punya pikir . . . ih kalak Karo enda . . . Ndekkah ku ukuri, muat dekkahna muat payahna kuakap. Piah mulgap ka sada perukuren, pertama, entah erjagar nge ndai Einstein. Kedua, entah enda labo kata-kata Einstein tapi kalak sideban erbahan penipuan, nginget bage lalana kutipan kata-katana siterpisah bas saling hubungenna nari, la itteh sumberna (lenga ku dat aslina). Kucubaken meninjau adi enda kata-kata Einstein, sebab enda pe mungkin kang. Maka uga kin enda maksudna situhuna? Adi beluh kita mbuniken sumber 'kreasinta', kreasi kin enda? Atau rahasia kreasi? Adi sitangko kreasi kalak encage sirahasiaken hasil tangkon enda ja nari si dat, enda kin kreasi? Kerina kreasi Einstein adah ndube ja nari kin tangkona? Rahasia? Melala nge mulgap penungkunen bas kata-kata pak Einstein enda nari. Endam yah permilis, enda ka sada kreasi-ngku erbahan "penungkunen mbaru" man bandu permilis Karo kerina ndarami jawaben kai kin maksud pak Einstein enda. Atau banci kin penungkunenku enda igolongken sebagai kreasi atau kreativitas? Silahangna enggo jadi sada 'kesusahan' man banta, la siakap mungkin mencap Einstein pencuri ide. Atau kalimat pak Einstein adah la kin termasuk sada kreasi ka kin nge ndia? Atau entah enggo ka nge lit nai nari singataken bage tapi irahasiakenna? Eak, dage enda ka me sada dalanta ngerenung-renung rasras, terdauhen atau terdeheren gelah lebih simpel lanai terjelasken aku, perbahan kuinget ka kata-kata pak Einsterin enda: "If you can't explain it simply, you don't understand it well enough" nina ka, — enggo ka kuakap aku kenna sidingna, sebab la terjelasken aku simpel bagi sikatakenna. Kuterusken ku cakap sideban si erat ka hubungenna ras kreasi adah ndai. Seorang India nina: "Happiness is a continous creative activity"— Baba Amte (Muralidhar Devdas Amte, 1914-2008), pengikut Mahatma Gandi i India, mbaru mate tahun silepus. Ku ikuti tulisen ras perdalanen geluhna, Baba Amte enda teridah rusur bahagia ngayak akhir geluna, (erkiteken aktivitasna si continuos kreatif adah ndai?). Ku bandingken ka ras kebahagiaan definisi presiden Franklin Roosevelt (1882-1945), nina: "Happiness is not in the mere possession of money; it lies in the joy of achievement, in the thrill of creative effort". Kai sikataken Baba Amte la lit bedana ras kai si enggo pernah ikakataken/itulis presiden Roosevelt, tapi Baba Amte la pernah ngataken buatna bas Roosevelt nari. Bagepe Roosevelt la ngataken ja nari buatna kalimat adah ndai, pasti enggo ka me lit jelma si mulai jalan pikiren sibagenda. Adi kukataken 'kai pe sibahan maka nambah kebahagiaan nge ateta' ningku (pernah kupostingken ku milista. Ja nari kin ku dat enda, tentu banci pasti ikataken, bas dua kalak enda nari. Gia sanga aku nulisken kalimat adah ndai labo perbahan teringet kai si engo itulis kalak enda duana, gia ndai ntah enggo ka nge sempat terbaca, tapi perbahan fokus sepenuhna ku pengalaman hidup sendiri sehari-hari, enggo iyakini janah enggo terbukti bas pengalamen kegeluhen sendiri. Ertina kesimpulen enda ndai kutarik bas pengalamen hidup sendiri nari, kai pe kubahan, tiap detik, tiap wari, labo lit sideban tujuan, selain gelah nambah ukur senang (kebahagiaan), jarang nge atau la pernah gelah nambah ukur gulut (atau ?). Enda kubahan tanda tanya(?) sebab megati kang kubahan sinambah ukur picet. La kutteh entah enda pe gelah nambah kebahagiaan ndai kang ateku (insight). Maka adi sinehen bas kegiatan ras aktivitas Baba Amte bas geluhna ngayak mate, la bo kita ragu pasti nge ia narik kesimpulan bagi sikatakenna adah ndai, pernah atau la pernah ia ngoge kai sienggo leben itulis Roosevelt. Nginget nggeluh enda kapken menam bali ijapape, nai nari pe (?) maka labo kitik kemungkinen melala jelma si menarik erbage kesimpulen kegeluhen si seri atau sejajar. Mekatep nge sibahan kesimpulan intuitif dari pengalaman hidup sendiri tanpa ingat sumber atau sama sekali tidak pernah tahu apa yang sudah pernah dikatakan atau ditulis orang lain. Dikalangan scientist pe melala kang kejadin bagenda. Entah enda nge maksud Einstein "knowing how to hide your sources." idatas adah ndai?. Tetap denga la kutteh pastina! Soal 'nai nari pe' idatas kubahan tanda tanya (?), maksudku zaman berubah, kesimpulen pe banci berubah, kai pe bas gerakan (motion, panta rei). Adi gundari kai pe sibahan gelah nambah kebahagiaanta sekalak-sekalak, mungkin zaman si reh tujuanna lain, entah nambah kebahagiaan kalak sideban, atau gerakan (motion) enda menuju ku kai sipernah ikataken Einstein soal kehidupan: "Only a life lived for others is a life worthwhile", nina. Enda tingkat ideal, gia perpudi enda enggo ka melala janah terus muat lalana si ngelakokensa. Ideal ningku sebab tingkat perkembangan (kesedaran) sigundari atau sipatut siakap gundari emkap ndarami kebahagiaan sekalak-sekalak adah ndai, atau silahangna ula nambah gulut man sideban, ula ngganggu atau ngasak kalak sideban. Atau bagi sienggo biasa ku postingken bas milista: saling mengakui, saling menghormati dan saling menghargai. Ngayak jenda sajape enggo me kuakap seh ulina bas tingkat (level) kesedaran/perkembangan sigundari enda. Melala kesimpulan mejile ibahan Baba Amte, alu dasar praktek sosial si idalankenna meningkatkan hope, dignity and self-respect bagi orang-orang 'terlupakan dan tersisihkan' karena keadaan sosialna. Sada motto atau semboyanna si terkenal emkap nina: "Charity destroys, Work builds". Enda ibahanna jadi konsep luar kepala man kerina anak-didik ras pengikut organisasina. Kerja enda me ndai sienggo berhasil mereken harapan ras harga diri man kalak enda kerina. "Only work could build a whole human being" nina berulang-ulang. Arah enda enggo iberekenna labo ngenca dignity ras self-respect tapi bage ka pe voice man kalak voiceless. Work, work . . . only work builds, everything, and a whole human being. Uga attitude Karo terhadap kerja? Kuakap melala denga perlu siubah. Change . . . . Enda ka lebe Selamat week-end MUG
__________________________________________________________ Låna pengar utan säkerhet. Jämför vilkor online hos Kelkoo. http://www.kelkoo.se/c-100390123-lan-utan-sakerhet.html?partnerId=96915014