|
People
Why are all morals gone in Buganda? UPC why are you
doing this to the land of the Highness? Last week it is jiggers killing left
right and center now women killing their husbands for less than a dollar? UPC
leave Buganda alone please.
Em
| Akubye bba enkumbi n’amutta lwa 1,000/- |
![]()
mulindwa ne Kizza
Bya Eddie
Ssejjoba,
MASAKA
OBUFUMBO bw'abaagalana Paul
Mulindwa ne mukazi we Rosemary Kizza bwasattulukuse omukazi bwe yakutte
enkumbi n'agikuba bba ku mutwe n'amuttirawo lwa kumusaba 1000/- anywe mu
omwenge.
Bino byabadde Kabonera mu Masaka, omukazi okufumbo
Rosemary Kizza bwe yawoleddwa ekibiina ky'abakyala mu kitundu kino
60,000/= azikozese akyole azizzeeyo.
Atwala poliisi mu kibuga
Masaka, Mw. Sakwa Wambi antegeezezza nti Kizza yagabanye 60,000/- okuva ku
bakyala banne ze batereka awamu ne baziwa munnakibiina buli mwezi, era ku
luno omukisa gwakutte Rosemary Kizza ne bazimukwanga.
Kizza
ensimbi yazitutte ew'omubazzi gye yaguze amadirisa g'enju yaabwe kubanga
baludde nga basula mu kyangaala, kyokka nga kino bba tekyamusanyusizza
kubanga yabadde amusabye amuwe ku z'okunywa omwenge.
Yasoose
n'amuwaako 1000/-. Mulindwa atunda ebyenda mu katale k'e Kabonera bwe
yanywedde 1000/- ne ziggwawo n'ayagala afuuke kasomba kaddira.
Yazzeeyo eka n'asaba mukazi we amwongere sente kyokka omukazi
n'agaana kwe kutandika okumukuba.
Omukyala yeetakkuluzza ku bba
n'adduka n'oluvannyuma n'atumya enkumbi ye n'agenda ku lubimbi.
Yabadde yakatemawo enkumbi nga ziizo ne zireeta bba eyamugambye
nti ku luno yabadde ateekwa okumuwa ensimbi ezaafisseewo oba si ekyo
yabadde agenda kumukuba amuleke mu kkubiro.
Kizza yannyonnyodde
bba nga bwe yabadde takyalina nsimbi ng'azirekedde mubazzi abaweemu
amadirisa kyokka Mulindwa olwo n'aluyita lulago kwe kumuviira mu kikonde
kwe yagasse empi.
Oluvannyuma yamuyisizzaako ne kibooko
ekyawalirizza omukyala okukunuukiriza enkumbi gye yasangiddwa nayo ku
lubimbi n'agikuba bba ku mutwe mu butanwa nga yeetaasa.
Published on: Monday, 2nd December,
2002 |
MSN 8 helps ELIMINATE E-MAIL VIRUSES.
Get 2 months FREE*.
|
