"Mieling Mang Koko dina Acara Tepung Lawung Alumni Taman Cangkurileung jeung Simpatisan Mang Koko, 24 April 2004"
1. Panganteur
Sakumaha kungsi diiberkeun ti heula, acara Mang Kokoan kaping 24 April 2004 nyaeta �Tepung Alumni jeung Simpatisan Taman Cangkurileung�, Alhamdulillah jadi oge lumangsung dina waktuna. Tempat acara the di padepokan patamanana Saung Angklung Ujo, di wewengkon Cicaheum,
Anu sarumping kana ieu acara kalintang euyeubna. Teu sirikna ti unggal cabang Yayasan Cangkurileung (YC) daerah/kabupaten sarumping wakil-wakilna, kayaning ti Purwakarta, Karawang, Bogor, Sukabumi, Cianjur, Jakarta, Ciamis, Tasikmalaya, Sumedang, Garut jsb., sarumping. Pon kitu deui, inohong-inohong anu parantos moyan dina seni Sunda, utamana seni karawitan, haladir. Upamana bea, RAF, Kang Nano S., Kang Ibing, Ceu Tati Saleh, Kang Eka Gandara, Kang Sonjaya, Kang Dedy Windyagiri, jsb. Atuh teu kakantun anu ngokolakeun Yayasan YC, simpatisan oge palaputra Mang Koko. Ngan Kang Wahyu Wibisana asana anu heunteu katangen sumping the.
Acara the ngawitan ti tabuh 10 enjing-enjing dugi ka tabuh 4 sonten. Acara sagemblengna sacara ringkes: Bubuka ku Kang Tatan Benyamin Koswara salaku pupuhu Yayasan Cangkurileung (YK), diteraskeun ku kakawihan sumbangan ti para alumin, teras sambutan ti Abu (Ibu Iloh Armilah, isteri, 80 tahunan, sobat sagulung-sagalang Mang Koko), teras oga katineung ti murid-murid Mang Koko anu diwakilan ku Kang Nano S, diteraskeun istirahat sareng tuang siang balakecrakan sangu timbel khas Sunda, biantara utama ti Kang Benyamin diselang ku kawih rampak sekar ti pala putra Mang Koko sareng simpatisan sanesna. Panutup acara lelang lagu anu di MC-an ku Kang Ibing, tempatna di aula utama Saung Angklung Mang Ujo anu samemehna dianggo acara ngareuah-reuah tamu kagiatan mieling KAA tea.
Kalaksanakeuna acara patepun lawung para seniman kawih jeung simpatisana dina mangsa kaayaan ekonomi jeung politik urang heunteu pati bengras wuwuh jadi panglipur kana ati. Uluk salam, katineung jeung suasana hate anu raket padeukeut ti antara anu haladir siga anu ngawujudkeun eusi salah sahiji kawih Mang Koko: �Salam Manis�:
Salam Manis
Ieu Salam manis
Manis salam kuring
Nya ieu pisan nu salawasna nyanding
Nyaring����..ngahariring
Ieu salam manis
Manis salam kuring
Nya ieu pisan nu salilana nganteng
Anteng����..kapitineung
Datangkeun kuring deukeutkeun
Deukeutkeun kuring raketkeun
Duh, jungjunan
Datangkeun kuring deukeuatkeun
Deukeutkeun kuring raketkeun
Do you Yahoo!?
Win a $20,000 Career Makeover at Yahoo! HotJobs
Komunitas UrangSunda --> http://www.UrangSunda.or.id
Yahoo! Groups Links
- To visit your group on the web, go to:
http://groups.yahoo.com/group/urangsunda/
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.
