3. Panineungan ti Kang Nano S.
Kang Nano, dina biantarana, ngadugikeun panineungan anjeuna, boh salaku muridna atanapi panerus Mang Koko dina widang seni karawitan Sunda. Aya hal anu ditandeskeun pisan ku Kang Nano, yen anu pang pentingna tina sajarah jeung �sepak-terjang�-na Mang Koko saleresna sanes jumlah kawih ciptaan anjeuna oge sanes eusining kawih-kawihna, jalaran dua-duana oge tiasa diciptakeun deui. Memang, kawih-kawih salaku karya Mang Koko the penting sabab parantos sakitu maparinan warna jeung ngabeungharkeun ka dunya seni Sunda. Namung, dina lebah eusina atawa pesen-pesen anu ditepikeun ku kawih, sok sanaos lolobana kaitung masih penting dina kahirupan ayeuna, tangtuna oge aya sababaraha anu heunteu sapagodos deui atawa, sakurang-kurangna, merlukeun sawangan deui dihadepkeun kana alam kaayeunaan.
Namung, anu kalintang pentingna dituladanan jeung diteruskeun, saur Kang Nano, teu aya sanes idek-liherna Mang Koko dina dunya atikan. Upama heunteu aya jasa anjeuna dina mateakeun atikan pikeun ngalanggeungkeun seni, pon kitu keneh sabalikna, nya urang sigana moal tiasa patepung lawung siga ayeuna. Nya moal aya aweuhan kawih di sakuliah Tatar Sunda, nya moal aya kreasi-kreasi anyar dina dunya kawih. �Tah lebah dieu pisahn ajen ageungna Mang Koko the anu sakuduna ku urang dipiconto jeung diteruskeun�, saur Kang Nano nandeskeun.
Enya geura, teu rek kitu kumaha. Upama urang ngabandungan kumaha nagara-nagara maju samodel Jepang, neundeun perhatian anu sakitu gedena kana dunya atikan, khususna seni keur barudak, Mang Koko mah geus ti beh ditu mikiran hal eta. Upama Jepang tahun 80-an enggeus nyieun taman kasenian keur barudak, Mang Koko mah 30 tahun sateuacan Jepang parantos ngabidanan sareng ngokolakeun hal eta. Lahirna �Kaca Indihiang�, �Taman Cangkurileung�, �Taman Gandamekar�, jsb., ngarupikeun bukti kumaha ageungna perhatosan Mang Koko kana dunya atikan. Ku ayana eta �taman-taman�, ayeuna kabuktain, regenerasi panembang sareng kawih di Tatar Sunda heunteu katinggaleun teuing, malah tetep langgeng.
Patamanan jasa Mang Koko ieu anu sakedahna diteruskeun ku urang, sangkan budaya urang heunteu jadi �jati kasilih ku junti�. Dunya atikan ngalangkungan seni kawih geus ditaratas ku Mang Koko ngalangkungan �Taman Cangkurileung�, �Taman Gandamekar�, jsb. Ayeuna kantun urang neruskeunana disaluyukeun jeung tuntutan kaayeunakeun, nggigelan jeung ngigelkeun jaman tea. Tina tepung lawung anggota sareng simpatisan taman cangkurileung urang diingetkeun pentingna regenerasi ngalangkungan dunya atikan sangkan budaya urang tetep nanjeur. Kitu kirang langkung biantarana Kang Nano dina sela-sela panineungan anjeunna ka guruna anu kalintang dipikacintana.
Upama regenerasi dina widang atikan seni heunteu diperhatikeun, mangka naon anu karandapan ku Mang Koko anu diketrukeun kana salah sahiji kawihna baris karandapan (saenyana ayeuna asana enggeus karandapan)
Kasenian
1.
Kasenian miwanda kreasi anyar
Mindeng kamalinaan ku maceuh ramena pasar
Lagam India, senggol
Dicampur disusun dipirig gamelan Sunda
Sakapeung diibingan, sakapeung dijogedan
Kawih Sunda nyanding musik
Kawih musik ku gamelan
Pelog jeung Salendro
Nyirorot kurang pasaran
2.
Kasenia jalan kalemesan jiwa
Jalan tarahal nanjak, pinuh goda rancana
Nafsu birahi
Jeung leumpeuh yuni
Mun hese dibendung, seni tanwade mateni
Miasih nu keur ngawih
Mieling nu keur ngibing
Lucu karya senina, disambung ku perkenalan
Medan seni musna, diganti ku peperlipan
3.
Kasenian bersifat non komersial
Bukanlah jual beli, tapi perhitungan adil
Ongkos latihan
Ongkos hiasan
Ongkos ini ituh, jumlahna rada lumayan
Ditambah uang saku
Keur lipstik oge perlu
Ongkos keur administrasi, bayar komisi jeung catut
Reka total jendral, cukup keur meuli treuk butut
Cag.
Baktos,
manAR
Do you Yahoo!?
Win a $20,000 Career Makeover at Yahoo! HotJobs
Komunitas UrangSunda --> http://www.UrangSunda.or.id
Yahoo! Groups Links
- To visit your group on the web, go to:
http://groups.yahoo.com/group/urangsunda/
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.
