Kapara wargi Kusnet Seoul, sigana peryogi diebrehkeun ieu perkawis, supados pa Yaya henteu janten paneumbleuhan kalepatan. Upami eta disebat kalepatan 100% kelepatan aya di si Emang, naon margina...???
Parantos lami si Emang hoyong nguleum pa Yaya (pa Yaya sareng si Emang gaduh hubungan pibados) ka rorompok, namung nyakitu kukarepotan sewang-sewang, Emang aya waktos pa Yayana teu gaduheun waktos, kitu deui sawangsulna pas pa Yaya gaduh waktos si Emang anu repot atanapi aya acara.
Dina dinten Senen atanapi Salasa kaping 26/27 Juli kantos chatting sareng pasini dina dinten Minggu ping 1 Agustus 2004, diangkir tuang siang dirorompok.
Disaluyukeun sareng dongkapna punbojo ti Bogor, malih harita oge omat-omat ka pa Yaya anu diangkir teh moal langkung tilimaan, margina, rumaos gaduh rorompok mung saageung pelok, ngangkir seueur mah tangtos moal kabagean calik-calik acan.
Buktosna harita dongkap genepan oge mani asa pinuh rorompok teh.
Tah kuayana kitu, si Emang neda agung nya paralun jembar hapunten tipara wargi Kusnet Seoul, sanes ngawilah-wilah atanapi ngabenten-benten.
Malih si Emang gaduh rancana (parantos lami), kantun ngantos waktos anu mustari, hoyong ngayakeun riungan, kanggo wargi Kusnet sanesna, namung nyakitu moal tiasa sakali gus, kuayana fasilitas anu kirang,
Sakitu anu kapihatur, mugi ulah janten aralit manah.
Sakali deui neda jembar hapuntenna.
Pihatur Emang
SSW
Kinkin Mirajul <[EMAIL PROTECTED]> wrote:
keun kang tong jadi matak, pangna kitu ge meureun kang Yaya teh poho yen urang ge warga kusnet, pedah eta meureun tadina mawa ngaran MAHASISWA, pan ari urang mah sanes mahasiswa, tapi maha sewot, sewot nyalametkeun kiper tur sewot mere umpan, bari dihareupna euweuh nu hade, jadi numatek meunang wiwirang ti mahasiswa Korea 3-1, pan kuring ge mere jasa malah kuring pan nu ngasupkeun ka gawang mahasiswa korea teh....
tapi da teu nanaon, malah nu peunting si jadi manjang duduluran ku ayana arena menbal teh.. sok kang Yaya iraha atuh seja nabeh deui tim kusnet di seoul, sugan hiji poe mah mun tas kompak bisa maen bareng jeung Ahn Jung Hwan... he .. he .. he .., sanes kitu kang Den oge kang Ijay..., keun ach tong raheut hate...
ka kang Yaya, mangga sing soson-soson janteun menejerna...
Bravo Kusnet ---------- ti Seoul...
rizallul haq <[EMAIL PROTECTED]> wrote:
rizallul haq <[EMAIL PROTECTED]> wrote:
Kuring cerik baririhan pas maca yen warga kusnet seoul emam jengkol di bumi pak dudung, padahal waktu maen ball jisim abdi teh janteun kiper nu matak kabobolan tilu gol oge, tapi nyalametkeun sapuluh kali tendangan maut orang korea, nepika adug lajer, ngajengkang, tiguling, kokosehan ngan saukur keur mempertajankan gawang, emut kana lagu nu sok dengdangkeun " cihoncewang sumoreang tea"
duh gusti dosa naon abdi ka pak dudung tur kang yaya anu tos tega micen tur tega teu ngajak jengkol party. ieu bener bener pelanggaran hak azasi manusia, punteun jeung tong rewas abdi bade lapor ka mahkamah konstitusi.
wassalam
jay's
jajaka rahet hatena
Komunitas Urang Sunda --> http://www.Urang-Sunda.or.id
| Yahoo! Groups Sponsor | |
|
|
Yahoo! Groups Links
- To visit your group on the web, go to:
http://groups.yahoo.com/group/urangsunda/
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.
