Assalamu'alaikum.
Ieu mah ngan ukur patarosan sim kuring kana diri nyalira, mugia tiasa aya
nu ngawartosan ti kidulur anu sanesna. Duka teuing ieu hal teh parantos
dibahas di lembur atanapi teu acan.
Naha leres ari ngaran pilemburan di tatar sunda teh seuseueurna tina
tanagkalan, sasatoan atanapi tina ngaran kawit walungan. Ieu patarosan
ujug-ujug aya dina emutan basa kuring penelitian di TN. Gunung Gede Pangrango.
Di dinya sim kuring teh manggihan mangrupa-rupa tatangkalan anu asa kenal. Ari
dipikir-pikir teh hal eta teh mangrupa ngaran hiji pilemburan. Contona,
Kiparay, pan di Bandung aya ngaran Ciparay, jrrd. Ti dinya sim kuring
ngaluarkeun hiji "hipotesis" meureun ari ngaran 'kerenna' mah yen baheula
kolot-kolot urang teh ngaranan hiji lembur teh saluyu jeung karakteristik eta
lembur. contona, baheula di ciparay teh loba tangkal kiparay......nya meureun
kieu ari kolot urang ngomongna teh. Dimana si Anu teh, atawa di beulah mana
neundeun anu teh........Jawababna tah eta anu beulah loba tangkal kiparay. Nya
mashur eta tempat teh di ngaranan Ciparay. Kitu atanapi sanes nya.
Tah kumaha kana hal eta teh baraya?
Aya teu buku atanapi literatur sanes anu tiasa dinjantenkeun bahan rujukan.
Sim kuring ngaraos panasaran pisan kana hal eta teh.