Alhamdulillah,
Sami Kang Dur, bagea Kang Hasan. Sim kuring oge parantos rengse 2 surah (An-Naba' sarang An-Naazi'at) tina 3 surah (+ 'Abasa) anu jadi hancengan samentara. Ngarojong pisan Kang Dur kana samudaya usaha salira dina raraga midamel TQBS kalawan basa Sunda anu merenah. Aya ku sapagodos, kamari waktos Abah Surya ku sim kuring ditaros pamendakna, anjeunna oge ngusulkeun sangkan milarian bae tarjamahan AL-Qur'an Basa Sunda anu tos aya kanggo bahan pamiangan mah. Mangga lajengkeun bae heula, perkara kalepatan ketik mah rupina Kang mh tiasa maparinana koreksi. Namung, aya sakedik usulan, manawi bahan katampi, kana TQBS Surah Al-Mu'minun ayat 1 dugi ka 11, leresan ayat 7, 8, sareng 11, sarupi kieu: ayat ka-7, asana langkung pas upami tarjamahana kieu: 7. Tapi, sing saha anu leuwih nuturkeun laku anu satukangeun (di luar) ti eta, nya maranehanana teh jalma-jalma anu ngaliwatan wates wangen (atawa: wates ugeran) ayat ka-8: 8. Jeung (anu ariman teh eta) jalma-jalma anu ngajaga amanat katut jangjina. (catetan: ieu tarjamahan nyoko kana "idhofat" atawa pangbalikan ieu ayat anu ngarujukna sanes ka ayat anu ka 7 tapi ka ayat anu kahiji) 11. Maranehanana di dinya (sawarga)-na teh langgeng Sakitu bae samentawis. Hapunten, pamugi hal ieu heunteu ngirangan sumanget salira dina neraskeun TQBS. Mangga, teraskeun Kang, jalaran kalintan seueur kenehna hancaeun urang teh. Anu parantos disusun ku sim kuring ke dina waktos anu caket Insya Alloh bade dipostingkeun oge kanggo bahan iloeun/koreksianeun sadayana. Hatur nuhun Baktosna, manAR --- In [email protected], "durahman" <[EMAIL PROTECTED]> wrote: > Kalayan asma-Na Allah, nu Maha Murah, Nu Maha Asih > > 1. Saestuna geus bagja jalma2 mumin teh > 2.(Nyaeta) jalma-jalma anu pada khusyu dina salatna > 3.Jeung jalma2 anu ngabalieur tina perkara anu taya gunana; > 4.Jueng jalma-jalma anu nyumponan jakat; > 5.Jeung jalma-jalma anu ngaraksa laranganana (oratna); > 6.Kajaba keur bojona, jeung keur anu dipimilik ku leugeunna (budak belian), > nya eta mah henteu dicela. > 7.Tapi sing saha anu hayang leuwih ti kitu, nya marenaehn jalma2 anu > ngaliwatan wates-wates wangen. > 8.Jeung jalma2 anu ngajaga amanat katut jangjina. > 9.jeng jalam2 anu ngaraksa salatna. > 10.maranehna teh jalma2 anu meunang waris. > 11.anu bakal miwaris firdaus, marenehna dinyana langgeng. > > Wasalam, > durachman ------------------------ Yahoo! Groups Sponsor --------------------~--> Give the gift of life to a sick child. Support St. Jude Children's Research Hospital's 'Thanks & Giving.' http://us.click.yahoo.com/lGEjbB/6WnJAA/E2hLAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
