Re: [Urang Sunda] Coklat Mete

[oman abdurahman]

Rampes,
 
Nedunan pamundut Kang Cecep kalayan uluk salam ka Neng Iva, si kurig seja memeres basa amu digunakeun dina jejer postingan "Coklat Mete". Saeutik bae palebah kecap anu dasar atawa anu matak ngabingungkeun . Anapon maksudna eta jejer mah tangtu sakabehna oge maphum.

 
Kecap "pernah" dina kalimah "pernah aya dina tv", eta kecap basa Indonesia. Alusna ieu kecap diganti bae ku kecap "kungsi" atawa "kantos" (ngan kecap "kungsi" eta leuwih loma). Anapon kecap "pernah" dina basa Sunda hartina : hubungan dina pancakaki, upamana: "manehna pernah alo ka kuring".

 
"Basa kapungkur" alusna disingget "kapungkur" bae atawa "ti heula". Sabab maksud kecap "basa" di dinya lain salah sahiji alat komunikasi (saperti dina kecap "Basa Sunda"), tapi nuduhkeun waktu.

 
"Awurkeun" bener sakumaha pangropea ti Kang Cecep, kududna: "awuran" atawa, leuwih merenahna deui : "purulukan" sakumaha dina conto kalimah ti Kag Cecep.
 
Kecap "angkatan" eta kapangaruhan ku basa Indonesia, kuduna: "angkat" atawa "jait". Maksud kalimah lengkepna anu ngandung ieu kecap: kueh anu geus asak teh tuluy dijait hiji-hiji tur saterusna diasupkeun kana keler atawa toples. 
"Gula halus" kuduna "gula lemes" ("halus" mah basa Indonesia). Pon kitu deui, "dibakar" kuduna "dibeuleum", sabab ari "bakar" mah eta kecap dina basa Indonesia.

 
Pamungkas, punten ieu pangropea basa teh darma mraktekeun pangalaman sorangan bae salila diajar tutulisan dina basa Sunda kalayan miharep ka adulur-dulur sangka heunteu hoream memeres basa Sunda si kuring.
 
Baktos,
manAR
 
 
 
 
On 6/17/05, Cecep Wahyu <[EMAIL PROTECTED]> wrote:

abdi anu maos ieu teh rada lieur eung...
rek ngalereskeun sieun salah keneh bae... enya ngan ngarasa rancu, tapi duka anu leresna dina basa Sunda ( Structure na ) nu leres kumaha..
 
sapertos awurkeun, panginten awurannya? dina ditaburi? da meun di awurkeun mah berarti awurkeun kacangna ka gula.. da ieu mah awurkeun ku gula halus?

atanapi anu langkung sae ngangge kecap purulukan ku gula tipung...
 
teras kecap mun tos garing angkatan kana keler atanapi toples.. panginten maksadna.. upami tos garing di angkat teras wadahan kana keler atanapi toples..

meureun eta oge...heheheeee
 
punten kanu tos sae atanapi ngartos basa nu leresna, cobi panglereskeun... supados teu salah hartos..
 
Neng Iva!!.. pi..pisss... ahhh.. ;p
 

-----Original Message-----From: iva wanti [mailto:
[EMAIL PROTECTED]]Sent: Friday, June 17, 2005 10:53 AMTo: urangsunda@yahoogroups.com
Subject: [Urang Sunda] Coklat Mete
Baraya ieu aya resep kueh, hususna kanggo para istri anu sok ngadamel kueh. Tapi pameget oge sigana bakal tiasa ngadamelna da teu patos hese, gampil. Mung punten upami baraya kantos uninga resep kueh ieu, da memang pernah aya dina acara tivi "Oke Rudi" basa kapungkur. Anu mraktekeunana kawawuhan abdi keneh.

Bahan2na nyaeta mung kacang mete, coklat batangan (bade coklat hideung atanapi coklat bodas), gula halus sareng kertas roti.
Perkawis ukuranana eta mah teu langkung baraya. Misalna :
Kacang metena sakilo, coklatna oge kedah sami sakilo. Upami tiasa coklatna anu merek Cholatta, supados langkung raos.
Teras kacang mete eta disiksikan aralit manjang. Tos rengse disiksikan teras dibakar dina loyang sapalih2 dugika warnana kacoklat2an. Tos kitu awurkeun ku gula halus (teu kedah seueur). Parantos rengse ngabakar antepkeun sina tiis kacang metena. 

Teras coklatna dilelehkeun, lebetkeun we kacang mete anu kengeng nyingsikan teh. Galokeun sing rata. Teras cetak nganggo sendok dina kertas roti. Ukurana mah teu langkung, bade alit bade ageung oge. Tos dicitak antepkeun sina garing coklatna, mun tos garing angkatan kana keler atanapi toples. Upami salami nyetakan si coklatna rada garing hese dicitak, lelehkeun we deui. 

Eh muhun teu hilap, si kacang metena tiasa digentos ku kacang sejen nyaeta suuk. 
Sok mangga geura cobian, mun tos ngadamel kintun abdi nya satoples mah....hehehe
 
 
 
Neng Iva
(emut kueh teh emut ka Bu Isye)
Komunitas Urang Sunda --> http://www.Urang-Sunda.or.id


Yahoo! Groups Links

To visit your group on the web, go to:http://groups.yahoo.com/group/urangsunda/  
To unsubscribe from this group, send an email to:[EMAIL PROTECTED]
  
Your use of Yahoo! Groups is subject to the Yahoo! Terms of Service. 




Komunitas Urang Sunda --> http://www.Urang-Sunda.or.id









Yahoo! Groups Links

To visit your group on the web, go to:http://groups.yahoo.com/group/urangsunda/ 
To unsubscribe from this group, send an email to:[EMAIL PROTECTED] 
Your use of Yahoo! Groups is subject to the Yahoo! Terms of Service.