kuring oge ngiring ngeusian
ah....
Kanggo
kalengkepan, pamugi para wargi kersa ngeusian oge formulir biodata di
handap.
* Wasta: Maria Astati * Nenehna: ku kulawargi mah dilandih Ia
* Alamat/ID di alam maya (pami aya, YM, alamat surelek/e-mail, ramatloka/website, jsb.): Alamat pangumbaraan : 3460 Laval Ave. H2X 3C8
Montreal (Que) Canada
* TTL: 514-842-2768
* Kawit: Sukabumi
* Padamelan: Sementawis
ngasuh budak sareng caroge
* Kasang tukang atikan & bibit buit:
Lahir di Cibadak-Sukabumi, SD, SMP, SMA di
Sukabumi, Kuliah di ASMI, Jakarta. Teras kantos didamel di rupi-rupi perusahaan,
diantawisna, PT. Modern Photo Industry, di jakarta, PT Sumitomo Metal Mining
Electronics Parts di Cikarang, teras nu panungtungan didamel di PT Nikawa
Textile Industry (sa padamelan sareng Kang Kamal)
Ieu mah pikeun ngabantu kana jejer lalakonna, teu langkung ari guluyurna
mah:
* cukang lantaran ngumbara
* geus sabaraha lila ngumbara
* aktivitas/kagiatan
Kunaon pang na ngumbara?; kusabab teu aya deui
jalan iwal nuturkeun caroge ka nagara asalna, seueur sababna nu akhirna abdi
mutuskeun ngumbara ka nagara dimana usum tiisna ampir 7 sasih, diantawisna
caroge teu gaduh padamelan di Indonesia, teras murangkalih teu tiasa janten
wargi nagara Indonesia kusabab sistem di Indonesia mah anak teh ngiring ka wargi
nagara ramana. Janten kacipta upami linggih di Indonesia teh, murangkalih abdi
nu kaluar tina rahim abdi teh janten urang asing, nu hartosna kedah
gaduh ijin tinggal di Indonesia, upami ke lebet sakola kedah ka
international school, jsb jsb.., nu pastina kangge nguruskeunana teu tiasa ku
artos nu sakedik.
Teu acan lami abdi ngumbara teh, dongkap kadieu
ngawitan sasih Agustus kamari, janten nembe 4 sasihan, sanaos teu acan lami,
kangge picaritaeun mah aya sakedik-sakedikmah. Contona perkawis di propinsi
Quebec dimana abdi linggih ayeuna di Kanada, seueur nu teu terang yen di
propinsi ieumah nu dianggo ku masyarakat teh sanes basa inggris, tapi basa
prancis, masyarakatna ampir 90 percen tiasa basa prancis, komo saurnamah
langkung prancis tibatan basa prancis di nagara prancis. Nu janten masalah
propinsi ieu hoyong misah ti nagara Kanada, tos 2 kali diayakeun referendum,
tapi masih keneh eleh ipis enol koma sababaraha persen wae dina referendum nu
kadua kinten-kinten taun 1995 atanapi 1996 kitu, hilap. Nu dijantenkeun masalah
kunaon hoyong misah teh nyaeta kulantaran basa, ku pamarentah kanada basa
prancis kirang di perhartoskeun, contona di sakola sakola di propinsi sejen teu
aya sakola prancis, tapi di propinsi quebec mah aya sakola inggris, nu paling
terkenal di montreal aya universitas Mc Gill (universitas nu nganggo basa
inggris, seueur mahasiswa s2, s3 ti IAIN sakola didieu, nu saurna fakultas hukum
islam nu paling lengkep di dunia) janten licik tea kitu panginten, oge
kitu deui upami urang kanada- inggris (warga
minoritas) carang nu tiasa basa prancis, tapi sabalikna urang
kanada-prancis tiasa nyarios basa inggris. Abdi gaduh tatanggi (kawitna ti
amerika) nu saurna tos linggih di montreal ampir 30 taun, dugi ka
ayeuna teu tiasa basa prancis, janten upami kamana-mana
teh, batur wae nu kedah tiasa basa inggris upami nyarios sareng
anjeuna, piraku salami 30 taun ngan tiasa nyarios ``bonjour``
hungkul. Teras upami aya konferensi perkawis basa di dunia, basa prancis ti
Quebec tara diilukeun, Sieuneun lami-lami basa prancis leungit teras we akhirna
hoyong misah ti nagara Kanada. Cobi we geura upami hoyong imigrasi ka kanada (da
di nagara ieumah masih keneh nampi imigran) rada benten syarat-syaratna sareng
nu hoyong imigrasi ka Quebec, aya syarat dimana kedah tiasa basa prancis nu
hoyong dongkap ka propinsi ieumah. Tah kumaha sareng urang sunda, kedah
misah wae kitu ti NKRI, meh basa sunda teh teu leungit oge tetep
dianggo ku generasi salajengna.
Aktifitas abdi ayeuna nyaeta ngurus murangkalih we da
masih keneh alit (8 sasih), teras ngiring kursus basa prancis saminggu
sakali, nu sanesna padamelanana nongkrong dipayuneun komputer noongan milis
urangsunda. Sababaraha kali tos tepang ketah sareng masyarakat indonesia nu
linggih didieu dina acara buka puasa nu kalangkung, sareng halal bihalal,
alhamdulillah balalageur gening, ngan hanjakal urang sundana saalit, komo
seuseueurna teu tiasa nyarios sunda deui, aya nu kawitna ti Cisaat
(malihan upami ditingali dina pancakaki mah masih keneh wargi), basa harita
mani asa waas tiasa nyarios nanggo basa sunda sareng anjeuna, tapi moal lami
deui anjeuna bade wangsul da kuliahna sakedap deui rengse. Saleresna mah salian
ti kang Kumi sareng Neng Puppy, abdi oge sami mendak sareng mantan kabogoh teh
di milis urangsunda, malihan tiheulaan abdi nikahna, ngan seueur nu teu
terangeun panginten. Nu hoyong uninga kumaha tiasa tepangna sareng mantan
kabogoh urang asing di milis urangsunda, mangga japri wae ka abdi, bilih aya nu
panasaran he..he..he..
Insya Alloh sanaos abdi linggih di nagara nu tebih
pisan (minggu nu kalangkung abdi tos resmi nampi permanent residence didieu)
abdi moal hilap ka basa sunda, nu matak abdi masih rajin noongan milis
urangsunda, komo bade diterapkeun oge ka murangkalih abdi, supados upami
mudik ka sukabumi teh murangkalih abdi tiasa komunikasi sareng aki-ninina,
bibi2na, ua2na, sareng misan-misanna.
Mung sakitu, hatur nuhun.
Kangge kang Kumi, upami tos medal bukuna, ulah hilap
sesakeun kangge abdi, ke pami mudik dicandak ku abdi ka bandung oge upami aya
buku-buku sunda pedaran enggal sesakeun oge kangge abdi, sakantenan ngalongok si
utun inji.
Komunitas Urang Sunda --> http://www.Urang-Sunda.or.id
SPONSORED LINKS
YAHOO! GROUPS LINKS
|
- [Urang Sunda] urang sunda ngumbara Maria Astati
- Re: [Urang Sunda] urang sunda ngumbara mamat rachmat
- Re: [Urang Sunda] Urang Sunda Ngumbara Tito Suryana
- Re: [Urang Sunda] Urang Sunda Ngumbara ->Kang T... joko tingkir
- Re: [Urang Sunda] Urang Sunda Ngumbara ->Ka... Tito Suryana
- RE: [Urang Sunda] Urang Sunda Ngumbara -&g... Yosep Hania
- Re: [Urang Sunda] Urang Sunda Ngumbar... Tito Suryana
- [Urang Sunda] Urang Sunda Ngumbara Budhi Setiawan
- Re: [Urang Sunda] Urang Sunda Ngumbara joko tingkir