Lain pamadegan ekonom, ngan sakadar ngadongeng lalakon dadagangan ... Ti mimiti taun kamari, kabagaen ngurus warung nu nyadiakeun kadaharan halal keur komunitas Indonesia di sabudeureun Gifu. Dina sabulan sakali nguriling mamawa dagangan ka wewengkon ku rada singkur, di dinya aya kensusei - training - urang Indonesia nu gawe di parusahaan Jepun. Tina sababaraha tempat nu didatangan, sihoreng lain parusahaan gede siga Toyota atawa Honda, tapi mun di urang mah meureun nu disebut UKM tea. Nya sok pirajeuneun ngobrol jeung manajer, kadangkala nu bogana. Sihoreng eta parusahaan aya oge nu "support" keur ka Honda, Toyota, Nissan jeung pabrik gede sejenna. Ceuk manehna, kaluar ti pabrik mah can aya merkna, engke dimerk-an kumaha nu mesen. Aya deui pabrik sejen anu ngan nyieunan bagean sisi tina rak nu di dapur, bagean sejenna dijieun ku pabrik nu sejen deui, kabeneran tempatna teu pati pajauh, ngan nu bogana beda, henteu ngan saurang. Barang dagangan anu dibawa, aya oge produk ti Malaysia. Ieu barang mesenna ti importir Malaysia - Indonesia, manehna bisa basa Indonesia. Disaliksik, geuning merk anu asalna ti Malaysia mah rupa-rupa, upamana kecap amisna merk Tamin, kecap asinna merk Aminah Hassan, sausna merk Bingham. Kalapa parutna merk Sejati, bumbu-bumbu jadina merk adabi, brahim, agromas kumaha rasana. Ari anu asalna ti Indonesia, ti mimiti bumbu, mie, sambel kabehna samerk . Indofood. Ieu mah teori saka, Jepang jeung Malaysia babagi dina usaha, nu katempona loba UKM anu maju nepi ka bisa impor, nyieun pabrik di luar nagarana. Meureun ieu mah, ku sabab loba pabrik, loba nu digawe, aya persaingan anu sehat, akibatna kualitas barang jadi nu utama. Ari di urang, hayoh we ngagulang gaper pabrik nu gede bari jeung anu ceuk koran ieu mah hutangna oge teu kurang gedena. Heup ah . bisi beuki loba salahna Baktos, Budhi - kurono kopo 241
[Non-text portions of this message have been removed] Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/