RE: [Urang Sunda] NGIMPI == > Dongeng

[Heryadi, Eddy]

Wah sae pisan dongeng Neng Roro... sigana cocok upami diangkat janten reporter  TVRI Jabar Banten. Mun terang mah dipilarian Neng Roro teh.... da kamari abdi ge ngajajap si Cikal ngiringan Gema Nusa nu ngarenghik wae.... hoyong di jajap da ku guruna kedah kempel tabuh 4.30.... melaan Shalat Shubuh di sisi Jalan -----Original Message----- From: urangsunda@yahoogroups.com [mailto:[EMAIL PROTECTED]On Behalf Of Roro Rohmah Sent: Monday, May 22, 2006 11:58 AM To: urangsunda@yahoogroups.com Subject: Re: [Urang Sunda] NGIMPI == > Dongeng Aeh...Neng Iva damang? Ngadongeng sakedik aaahh...tos lami teu nganggo basa cohag, punten we nyaa...   Kabeneran kuring  miluan Gema Nusa nu diayakeun ku Mama Ajengan Abdullah Gymnastiar tea. Mayar Rp. 10.000,- meunang kaos, nomor, panitih (lumayan urutna bisa dipake keur kudung) jeung iket hulu. Nya itung2 mecakan latihan nu sok dilakonan unggal Minggu, teu meunang lari ge atuh meunang "Hadiah Panto (Doorprize)" nyaeta Xenia & Ceria... pan aya pantoan kabeh ge lain? heheh....   Lomba lumpat sakalumpat lampet ...kuring nyebut kitu soteh pedah niatnamah lumpat, tapi kumaha engke...da ceuk adi misan kuring,"Ceu, mending urang marapah wae nyaaa...bari ningalian nu herang jeung nu hade...heheh". Euh, ieu mah dasar! Ceuk Aa Gym oge sagala rupa mah kumaha niat...lempengkeun niat sampurnakeun ihtiar...   Jol ka Jl. Peta dijaga ku Pulisi, lempang, da teu meunang aya motor atawa mobil ngulampreng kadinya. "Euleuh naon ieu the? Meuni dibunian? Ih, meuni pau peuih!!!" ceuk kuring bari nutupan sungut & irung. Sihoreng runtah disimbutan! make terpal badag oranye & biru, siganamah meh teu katenjoeun ku Gan SBY.   Nepi ka parapatan geus ngagimbung jalma, ti siklukna ti suklakna, ti budak orok nepi ka nini. Subhanallah aya oge nu lolong, meuni sumanget make iteuk... trak... trek... trok. Siganamah para wanoja mah nariat pisan miluan ieu acara, nenjo bajuna meuni "marecing" kaos seragam beureum aya polet bodas, calana beureum, sapatu beureum. Loba nu marawa keresek, nu katenjona beurat pisan, disidik-sidik mah, naha siga timbel? Ieu the lari atawa botram?!!!   Jam 6.00 WIB (Waktu Indonesia Bandung) Gan SBY muka acara. Siganamah nu dihareup mah ti jam tilu subuh geus cinutrung di garis START. Ngaliwatan podium, breh the Gan SBY, Mama Ajengan Gymnastiar, Menkopora Adiyaksa, srrd. Geuning kasep Gan SBY the heheh...karek nenjo ti kadeukeutan, ngan jarak sameter. Di podium hiji deui keur awewe aya Gan Istri, Ani Yudhoyono & The Ninih arimut meuni kareueut...   Clengkeung the aya kolot lalaki,"Kang Dada, kumaha Persiiiib????!!! Kumaha Sampaaaah????!!!" Teuing kumaha indung leungeun kuring otomatis ngadon kaluhur bari beungeut nyanghareup ka si Bapa! Oh....karek nyaho yen lalaki nu nyengir di podium bah ditu the Kang Dada...   Sakumaha nu geus diniatan, lain lumpat tapi leumpang, da kumaha kararagok lumpat oge kunu hareupeun (alesan heheh). Di tengah jalan dibagikeun inuman haratis ti Vitazone, atuh puguh pahibut! Mangpang-meungpeung aya nu nyokot leuwih ti dua... Dibaruka bari lumpat & lempang...biasa lung...tutup & botolna dialungkeun sangeunahna ...ngotoran deui jalan."Bangsa urang mah kieu daaa...dibere inuman the, miceuna dimarana wae!" Ceuk lalaki ditukangeun kuring.   Nenjo nu kaperegat macet, geus pasti atuh jaramedud....tungtungnamah bakat ku lila jadi ngaradu bako di sisi jalan, aya nu maca koran, aya nu ngalamun...meuni rupa2! Ceuk adi misan kuring, "Ceu, mudah2an urang teu disumpahan ku aranjeunna nyaa...!" Jam 08.30 WIB karek nepi ka Finish, aya SMS ti babaturan kuring. "Urang nepi jam 6.30, neangan maneh teu kapanggih.. bah mana?" Di bales ku kuring bari heureuy, "Ih, urang mah geus nepi ti jam 6.25 keneh".Heheh...   Eh, aya Kang Opick keur nyanyi Tombo Ati! Disampeurkeun weh rada jauh ti panggung da geus kapiheulaan ku jalema rea. Meuni reueus ningali bule nyanyi lagu,"Bersyukur..kepada...Alloh...". Diumumkeun saha-saha wae nu mareunang lomba kaasup urang deuengeun (ekspatriat) aya nu ti Amrik, Inggris, Korea jrrd.   Keur resep2 ningali acara, aya santri awewe tiluan marake seragam mawa karung runtah. Subhanallah! Dipulungan hiji-hiji make leungeun, atuh kuring mah ngarasa era teuing nu sejen mah da hare-hare...nya dibantuan nu aya disakuriling kuring mah...meuni karayungyun eta santri, jeung arimut bari mulungan runtah. Tapi da dikumahakeun deui ngarana ge "Pesta Rahayat" pasti moal  inget-inget acan nu ngarangana runtah!   Acara ngabagikeun hadiah dimimitian ti sepedah, kulkas & motor. Diselang-seling ku Padi, dibewarakeun deui bagi-bagi hadiah...nu teu eweuh jalemana diganti kunu sejen, nyokot deui nomor tina kardus...didedengekeun,lain deui .... lain deui...Tungtungna nepi ka acara "Hadiah Panto"... Ceria geus aya nu meunang...Tah, ayeuna Xenia...Aa Gym macakeun ngarana...Roooo...(aduh, kuring meureun nyaaa....???!!!) Rohiimmmm....     cr ngalaporkeun langsung ti Bandung        >>> [EMAIL PROTECTED] 05/20/06 11:26AM >>> Untung ngimpi si cepotna teu sareng luna maya nya. Sigana moal ngimpi soal runtah, tapi gelut.....hehehe Kaleresan dinten ieu aya acara Gema Nusa di Tegalega. Jalan nu sadidinten kalangkungan pami abdi damel. Sihoreng presiden SBY nu janten pambuka acarana. Ngadadak sakitar jalan anu dilangkungan ku SBY teh, runtah ngalaleungit.....heuheuheu. Saminggu we SBY aya di bandung, lumayan panginten runtah dimana2 bakal seep. Mung rugel we ketang, salami saminggu telat ka kantor wae :D     Neng Iva   Komunitas Urang Sunda --> http://www.Urang-Sunda.or.id SPONSORED LINKS Corporate culture Business culture of china Organizational culture Organizational culture change Jewish culture YAHOO! GROUPS LINKS  Visit your group "urangsunda" on the web.    To unsubscribe from this group, send an email to:  [EMAIL PROTECTED]    Your use of Yahoo! Groups is subject to the Yahoo! Terms of Service. IMPORTANT NOTICE: The information in this email (and any attachments) is confidential. If you are not the intended recipient, you must not use or disseminate the information. If you have received this email in error, please immediately notify me by "Reply" command and permanently delete the original and any copies or printouts thereof. Although this email and any attachments are believed to be free of any virus or other defect that might affect any computer system into which it is received and opened, it is the responsibility of the recipient to ensure that it is virus free and no responsibility is accepted by American International Group, Inc. or its subsidiaries or affiliates either jointly or severally, for any loss or damage arising in any way from its use.