RE: [Urang Sunda] Kanggo aa Persib vs Euis GIBOL !!

Mon, 03 Jul 2006 23:09:37 -0700

Kanggo Euis GIBOL,

Di Jerman

 

Nitik wanci nu mustari, nincak mangsa anu sampurna, di tungguan ti anggangna, lawas ti lawas, antukna norojol oge serat ti Euis GIBOL anu bakhnoll.

 

Duuuh Euis…

Ampun paralun,neda hapunten anu kasuhun…teu aya maksad aa bade ngaraheutkeun manah anjeun duh jungjunan, sakali deui teu aya……pisan.

Dalah di kumaha, panginten tos takdir tinu kawasa, aa kedah ngarandapak ieu cocoba. Aa tos kabengbat ku panjaga gawang ti tailan, oge ku penyerang ti …(poho deui..heuheu). Aa tos mopohekeun barudak urang, anu aya di wewengkon urang.

Anu balukarna, ayeuna aa aya dina jurang degradasi. Anu teu pamohalan taun hareup aa moal bisa asup deui ka tipi.

Kacian deh aa…..

 

Duh Euis Gibol anu bakhenol….

Aa kacida isina ku para bobotoh, baheula aa di pikasieun ku sakuliah nusantara, oge di sabudureun Asia. Nepikeun ka dilandihan “Maung Bandung”. Tapi ayeuna…..ayeuna maun na parantos ompong, tos teu tiasa deui ngegel ka batur, mung ka Euis GEBOL wae sakali kali…kitu oge ari pas kabeneran euis na kersa…

 

Euis…

Aa tos ngama’lum, upami dina danget ieu Euis tos ingkar tina jangji, sulaya tina basa. Rehna ayeuna Hate euis keur kapengpeongan, kabengbat tur ka edanan ku hiji jajaka gandang ti nagara sebrang, Anu ayeuna keur di eak-eakuen ku sadaya penjuru dunia, nya eta Aa jerman tea.

Tapi tong klhilap….tur aa percanten, moal langkung ti 5 dinten deui, hate Euis bakal nyangkut deui ka Aa, sanaos aa teu sa hebat aa Jerman oge. Aa sono ka euis, aa peryogi dukungan Euis oge bobotoh anu sanesna.

Upami euis GIBOL alim ngahiji, ngalaki-rabi deui sareng aa, wios aa  mah di kandangan wae.

“Maung Bandung Medal ka Sarung”

 

Hapunten anu kasuhun ka Euis GIBOL sareng ka BOBOTOH anu sanesna, bilih aya cariosan aa anu ngaraheutkeun manah anjeun sadaya. Ma’lum aa mah urang kampoeng anu bau lisung, anu teu gaduh tata titi duduga peryoga, tebih tina bangku sakola, komo kudu ngadahar bangku namah.

 

Baktos,

Aa Persib tea……

 

 

 

 

-----Original Message-----
From: [email protected] [mailto:[EMAIL PROTECTED] On Behalf Of sr
Sent: Tuesday, July 04, 2006 8:49 AM
To: [email protected]
Subject: [Urang Sunda] Kanggo aa Persib

 

Kanggo aa Persib

Rumasa baheula kungsi kapengpeongan,kajamparing ati kapentang panah asmara ku aa Persib. Tapi saprak aa Persib ingkar tina kahayang hate, teu jadi kareueus deui malah sabalikna sok nyieun wiwirang, rasa katresna anu baheula ngagunung sagede  galunggung, lambat laun jadi suwung. Padahal ti baheula, teu bosen bosen nyumangetan sangkan tali katresna urang tetep nyangreud. Tapi buktina, beuki deui teh asa jauh ti harepan. Kukituna tong ngananaha lamun abdi milarian deui tempat panumplekan kadeudeuh salian ti aa Persib. Da bongan sorangan sok salah dipikaheman. Sanajan enya cinta teh pinuh pengorbanan tapi ari nepikeun ka ngorbankeun perasaan mah ke heulaanan.

 

Punten nya aa Persib, sanes abdi rayungan sumawona bade midua hate, rumasa dina danget ieu nuju kabengbat ku hiji jajaka anu tiasa nyumponan kahayang hate, matak reueus nu nempo, matak pogot nu nenjo, raray indo, pangawakan jalugjug jangkung tur kuat daya gempurna, nya taya lian aa Jerman tea. Baheula rumasa abdi sok ajrag ajragan poho kaera nyumangetan aa Persib, tapi ayeuna ulah majar kumaha, ulah ngananaha, komo nepikeun ka ngaheab panas, lamun abdi ceuceuleuweungan tur nepikeun ka nyingsatkeun anderok, bakating ku reueus ka aa Jerman.

 

Aa Persib, waktu nu kaliwat urang jadikeun we kenangan, da ayeuna mah abdi tos gaduh pangancikan hate. Ngan omat teu kedah pondok harepan, da saupami aa Persib bisa ngarobah sikep, tiasa nyumponan kahayang hate tur jadi kareueus sarerea, teu pamohalan duriat abdi anu baheula kungsi ngagedur tiasa lelentaban deui. Sakali deui sanes abdi raja tega luluasan megatkeun tali duriat, ieu mah etang etang masihan tanjakan ka aa Persib, sugan wae mikir, pupuriheun atuh tiasa ngungkulan aa Jerman dina sagala rupina. Najan kitu, abdi moal ngaleuleungit, kanyaah,kaheman aa Persib anu baheula kungsi ditembrakeun ka abdi tetep ngancik dina hate. Aa Persib wayahna ayeuna mah urang TTM-an wae nya, Temen Tapi Merana, da bongana ari maen teh sok merana wae. Baktos abdi, Euis Gibol.

 

syam ridwan

Kabaraya anu teu mirasa kana seuri, ayeuna tos medal landong nu mujarab nyaeta ramuan "Keom Sakedap" mangga toel MJ kanggo nebus resepna atanapi kapayuna tiasa digaleuh di TB langganan baraya.

 

__._,_.___

Komunitas Urang Sunda --> http://www.Urang-Sunda.or.id




SPONSORED LINKS
Corporate culture Business culture of china Organizational culture
Organizational culture change Organizational culture assessment Jewish culture

YAHOO! GROUPS LINKS



__,_._,___

Kirim email ke