Mun nginjem kekecapan kolot, naon pangna mun seserahan sok aya sosoangan jeung paparahuan. Hal ieu ngan ukur siloka, yen rumah tangga teh bakal nyorang sagara. Dina nyorangna pan kudu bisa ngojay siga soang, atuh dina teu bisana ge ari geus boga parahu mah, tanwande sagara anu bakal kasorang teh bakal jadi sagara kaendahan. "Jadi mun can boga kabisa jeung kadaek oge can masagi sagala rupana, ulah coba coba hayang ngarumah tangga. Bisi tilelep!" kitu ucapan ua semar basa sicepot ngagerejeg hayang kawin. Kitu deui naon pangna seserahan urang sunda tara make roti buhaya, lain nanaon jeung deui henteu ari nepi ka cadu mah. Ieu mah meureun inggis kubisi rempan kusugan tea, pangpang na mah bisi aya nu sing kecewis kieu ka calon panganten "Beu eta buhaya diiringkeun buhaya!"
Jaman kiwari lamun aya nu seserahan asa geus jarang ningali sosoangan jeung paparahuan, komo nepikeun ka mawa dongdang mah. Kanu can apal, dongdang teh hiji tanggungan anu dijieun tina awi, masagi juru opat, unggal juruna ditalian pikeun ngaitkeun rancatan jang ngagotong. Dongdang teh dina seserahan mah sok dipake mawa sarupaning, kadaharan katut paralatan dapur timimiti seeng,dulang katut hihidna. Tujuan utamana mah, matak sagala diringkid ge meh teu ngarisikeun nu boga imah lamun dina emprona, saheulaaneun bakal netep dikomplek "mitoha indah". Salain dipake seserahan,jaman baheula dongdang oge sok dipake jang ngagotong nu gering mun nek ka rumah sakit atawa ka pa mantri (dokter), kawantu baheula mah jaman werit ku kandaraan. Seserahan anu didadarkeun diluhur ku ayeuna mah asa geus teu lumrah. Enya ari baheula mah jodo teh apan tara jauh jauh teuing cukup ku ALAP( antar lembur antar padesan) jadi mun sagala diringkid ge moal barabe teuing. Ayeuna mah jodo ge nyaluyukeun jeung kaayaan jaman teu cukup ku ALAP tapi AKDP( antar kota dalam propinsi) nepi ka AKAP(antar kota antar propinsi) malahan aya oge ANAB ( antar nagara antar benua) komo ayeuna mah jaman tehnologi jeung impormasi canggih aya kalana jadi AAK (antar anggota kusnet).Kiwari dina ayana ge seserahan cukup ku simbolis, cukup mawa konci kontak tur dibungkus ku kanjut kundang atawa cukup dibawa tulak pantona wungkul mun nek babawaan mangrupa imah. Tah kitu omongan ua semar bari dituungtungan ku ngomong ka si cepot. "Pot nya geus boga konci kontak kitu, make hayang kawin sagala?" Ditanya kitu sicepot kalahka serengeh bari pok ngomong. "Ari ieu lain konci kontak kitu?"bari nuduhkeun ka lebah kolorna. syam ridwan --- In urangsunda@yahoogroups.com, "M. Apri" <[EMAIL PROTECTED]> wrote: > > Naha nya mun seserahan kitu bet kudu nyandak sosoangan sagala??? Aya sajarahna kitu, siga sajarah roti buaya ti betawi mun pas acara nikahan? asa panasaran, mun saupamina sosoangan digentos ku oontaan, aya nu protes moalnya? hehehe..... > > baktos, > apri Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/