Lamun noongna ( rada ti luhur bari nyagigir, long shot, terus fade out....he he....) kieu : Urang Sunda sikep politik, sosial, kekerabatan geus leuwih maju batan seler sejen komo lamun geus jadi inohong tong boro nasional lokal we geus kitu, contona : 1. Moal mamawa, moal nyebut-nyebut seler sorangan (Sunda), lantaran sieun disebut nepotisme, beda deui jeung seler sejen, upamana Jawa, Batak, Minang, batur mah lamun ngarasa geus jeneng bakal ngajak batur salembur pikeun digawe ditempat manehna, atawa dijeujeuhkeun ku manehna, contona supir angkot di Bandung loba Batak, lantaran bisa bae Dephubna loba Batak nu mere ijin operasi angkot, padagang PKL loba urang Minang, pagawe pabrik loba Jawa. Batur mah teu gimir disebut nepotisme, malah apan sok togmol pokona batur salembur kabeh diaku dulur Urang Sunda tara kitu, da teu resepeun disebut nepotisme, doa na keur dulurna atawa batur salemburna, sok sakola anu junun, sing pinter sing bener sing bageur sing cageur, da lamun cageur bageur bener pinter (jaman ayeuna kudu ditambahan ku wanter jeung wanian) mah bakal kapake ku saha bae, jadi merena ngarupakeun papatah (bisa disebut inner, leuwih condong kana sikep budi). Ngumbara (merantau) urang Sunda beda jeung nu sejen, urang Sunda mah macakal sorangan, sanajan euweuh tuturkeuneun wani amprung-amprungan, beda deui jeung nu sejen kudu we aya tuturusna, kudu aya nu dituturkeun jeung nu sejen mah lolobana ngabubuhan (rombongan). Tah lamun kitu atuh alus Urang Sunda teh. Palebah supir angkot jeung PKL di Bandung, kapan eta teh area sumbu pondok (lamun tentara mah tamtama), leuwih nyoko kana tanaga, leuwih loba adu otot batan uteuk, tapi eta area teh loba pisan ngawadahan pagawe anu sifatna informal, lamun ditempat kitu kadeseh ku seler sejen, pikahariwangeun teh adu otot tea, silih babuk silih beubeutkeun, jadi weh bencah antar etnis, kuduna diwatesanan sektor informal mah teu perlu ngadatangkeun tanaga deungeun.
2. Lamun urang Sunda korupsi tara mamawa batur, eta mah risiko dirina, kitu deui urang Sunda tara aya nu pasang badan keur idolana, rek tikusruk, rek anegleng, rek diberok rek diterebkeun eta risiko sorangan teu kudu mamawa batur.(teuing tah bener henteuna mah, da can ngajaran korupsi kaburu pangsiun). 3. Dina widang pulitik urang Sunda ge geus maju ( tapi rada korodok jeung paradok), korodokna leuwih deukeut kana moyodok, enya geura ongkoh hayang loba anu manggung, tapi hasil survey nyebutkeun yen urang Sunda mah teu pati resepeun kana pulitik, paradok pan. Pangna kuring nyebut alus lantaran urang Sunda teu resep pacoregan, teu resep intrik teu resep paheuras heuras genggerong adu argumen, gorengna urang Sunda lamun aya nu ngiritik rada seukeut sok neuteuli, lantaran teu biasa adu argumen tea Geus aaahhh.....geus mimiti merelek heuay......!! MSasmita "......Mang J...aya uleman buka puasa bareng ti Kompas...?, isukan urang bareng yu, diantosan di kios jam 3an sore.....!!!" ----- Original Message ----- From: "ane veriane" <[EMAIL PROTECTED]> To: <urangsunda@yahoogroups.com> Sent: Thursday, September 28, 2006 10:30 AM Subject: RE: [Urang Sunda] (kompas) warga sunda, warga dunia > > > --- "Krisnanegara,Yassin" > <[EMAIL PROTECTED]> wrote: > > > Punten ngiringan : > > > > Kuring mah sok ngaraos sababaraha inohong sok > > nyarios yeun maneuh na teh > > urang sunda mun keur butuh urang sunda nu > > lain........misalna mun keur jadi > > terdakwa, rek jadi anggota dewan atawa rek jadi > > calon presiden.....tp mun > > geus jadi...kadang poho deui ka urang sunda nu > > lian.. > > > pami urang silih tulungan teu kengeng ngaharepkeun > nanaon panginten nya, iwalti ikhlas sareng niatna sae. > tah panginten pami tos janten pejabat kan waktosna teh > terbatas, sanes hilap atanapi kumaha..tapi hiji tos > kajebak ku sistim birokrasi anu ribet(karaos ku abdi > nyalira), teras kirang manfaatkuen fasilitas > teknologi...keun ke ku abdi urang diharewosan ka > inohonh2 anu kenal saren abdi suipados ngamanfaatkuen > fasilitas teknologi kanggo silaurahmisareng wargi2 > sadaya. > > Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> Your email settings: Individual Email | Traditional <*> To change settings online go to: http://groups.yahoo.com/group/urangsunda/join (Yahoo! ID required) <*> To change settings via email: mailto:[EMAIL PROTECTED] mailto:[EMAIL PROTECTED] <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
