Ass wr wb wa bil khusus Kang Edy Nugraha, umumna wargi Urang Sunda, dina bagbagan ibadah, ceuk ajengan saurna dibagi kana 4 tingkatan : 1. Syareat Contona maca Al Qur'an, shalat, zakat, jrrd, elmuna sering disebut fiqih, dina maca Qur'an aya hukumna saperti tajwid, qiroat, jst, lamun muslim maca Qur'an sami sareng standar hukumna, tangtu sah eta maca Qur'an, kitu deui lamun shalat, geus ngalaksanakeun abdas, takbiratul ihram, nepi ka salam, jeung bacaan-na sasuai rukun shalat tangtu eta shalat-na sah, ceuk hukum sar'i, syareat, atawa fiqih, tapi dina fiqih eta teu dibahas, kumaha upami cai abdasna meunang maok, maca Qur'anna diselipan rasa ujub, riya, komo takabur mah, syareat ieu wajib dilaksanakeun ku satiap muslim. 2. Tarekat Dina asal basana tina kecap tariqoh, nyaeta jalan, pan dina basa sunda aya kecap tarekahan, nyaeta diakalan, dipikiran sangkan hasilna alus merenah tur nyugemakeun, dina rukun shalat teu dibahas kumaha carana lamun shalat supados khusu, kumaha ngaleungitkeun ujub, riya, takabur, sum'ah, jrrd. Tug nepi kiwari sim kuring can manggihan (punten upami tes mendakan pang wartosnkeun), hiji ayat tina Al Qur'an, atawa hadits, kumaha cara-na ngaleungitkeun ujub, ria, takabur, ngan nu jelas mah loba ayat tina Qur'an atawa hadits nu nyaram kana ieu padamelan, kulantaran kitu seueur ajengan nu narekahan kumaha carana supados shalat khusu, leungitkeun ujub, ria, takabur, contona aya ajengan narekahan ku ngalobakeun zikir, dina zikirna oge aya loba cara, contona aya nu ngalobakeun zikir bada shalat, aya nu zikir bari ningali gunung, laut, tatangkalan jrrd, cindekna cara ieu make pangalaman pribadi nu dibejakeun ka nu sanes, dina ngajalankeun cara ieu ngalahirkeun loba aliran, saperti aliran tarekat qodiriyah, Naqsabandiyah, Satariyah, jrrd. Tah tatapa nu ku Kang Eddi Nugraha sebatkeun tiasa janten lebet kana jalan tarekat. 3. Marifat Jalma nu geus ngajalankeun syareat, tarekat, tangtu bakalan nyaho, ngarasaan kana jalanna ibadah, saperti lamun ti Bogor ka Jakarta, manehna geus nepi ka Jakarta, tangtuna manehna bakalan terang jalan mana nu pangsaena sangkan bisa nepi ka Jakarta, tiasa jalan cibinong, parung, atawa tol, tur terang kana selah-selahna. Antawis Syareat jeung Tarekat mangrupikeun hiji rangkaian ibadah nu teu tiasa dipisah, ceuk ajeungan syareat teu make tarekat, mangrupi ibadah kosong nu teu ngarti naon maksud ibadah, ceuk nabi mah loba umat nu ngan ngarasaan lapar dina puasa, atanapi tunduh dina tarawih, Tarekah teu make syareat, jadina "SESAT", loba aliran kabatinan nu nyimpang tina ajaran Islam lantaran teu ngajalankeun hukum syareat, nu penting mah asal hate eling bae bari teu ngajalankeun syareat, nepi aya oge aliran nu mengpar tina ajaran islam nyieun ajaran sorangan bari nyebutkeun yen Islam teh agama-na urang arab. 4. Hakekat Muslim nu geus ngajalankeun syareat, tarekat, jeung geus marifat ka Allah, dina sapopoe manehna bakalan uningan yen sagalarupi di dunia ieu hakekat-na Allah nu ngajalankeun,
Tah kumaha ayeuna urang geus nepi ka mana ? wallahu alam ----- Original Message ---- From: Eddy Nugraha <[EMAIL PROTECTED]> To: kisunda@yahoogroups.com; urangsunda@yahoogroups.com; baraya_sunda@yahoogroups.com Sent: Thursday, November 16, 2006 8:25:58 AM Subject: [Urang Sunda] TAPA: SUMANGET KAUM AHNAF KEUR JAYANA SUNDA (4) IV Naha bet karitu heula? Sakali deui eta para inovator, pelopor, inventor, pembebas, tuturus, gunung pananggeuhan jalma rea diluhur, saencan migawe tapa di nagara/di jalma loba teh nyingkur heula. Saenggeus hasil karek turun deui /asup deui/balik deui bari make eta hasil keur ngomean jalma bangsana. Nyatana nyingkurkeun maneh teh, bisa jadi, Hiji upaya pikeun ngaleupaskeun maneh (heula) tina pangaruh nu geus aya di lingkungan alam masarakat jeung saniskara nu biasa aya. Lamun geus aya di luar sistem biasana leuwih gampang, eces, ningali naon-naon alus/gorengna kajadian di jero sistem, leuwih gampang mikiran sabab teu kagugulung ku sistem/pola pikir nu aya sapopoe. Atawa,…. Kujalan ninggalkeun (heula) tina pangaruh nu sapopoe aya, bisa leuwih khusu mikiran hiji hal sabab nyingkur teu rea kaganggu. Atawa,… Kujalan ngaleupaskeun maneh (heula) tinu pangaruh nu geus aya/diluar sistem paling henteu jadi boga tilikan nu beda, nu lamun bari kapasihan hidayah ti nu murbeng alam mah nya jadi boga ‘sulthonal nashira’ nu leuwih bener jeung enya, leuwih kapake ku jalma rea, ngomean dunya nanjeurkeun dangiang jaman. Atawa,…. Kujalan ninggalkeun heula pangaruh nu sapopoe aya dinu nyingkur, uteuk jeung jiwa na teu kabeungbeuratan terus, memory bisa cukup deui teu beurat lir ibarat di ‘restart’. Ahirna jadi teu pakujut pikeun narima/pagawean urusan lain. Memeh leuwih jero neuleuman cara nyingkurkeun maneh kaum ahnaf ieu, kayaning kamana madep jeung naon bae pacambalana, urang tengetan heula conto-conto leutikna: Saenyana kabiasaan nyingkurkeun maneh ti ‘jalma rea/pikiran jamak’ nu jadi ’masyarakatna/ lingkunganana’ dina sawatara waktu teh mangrupakeun hiji kabutuh jeung kabiasaan jalma modern dina kahirupan sapopoe. (1) Sakabeh jalma ayeuna aya dina rutinitas pagawean sapopoe. Supaya bisa terus kuat jeung sehat teh dibere waktu libur ninggalkeun pagaweanana. Poe libur ‘kaluar/nyingkur’ ti ‘masyarakatna/ pagaweanana’ supaya bisa ‘rest’ jeung ‘refresh’, nu ku kitu teh lamun bener migawena kakuatan tur kasehatan jeung sumanget na ningkat atawa paling henteu timbul deui. Nu teu bener ‘nyingkurna’ tina ‘suasana pagawean’ dina poe sabtu/mingu, senenna sok masih cararape haroream gawe kongas aya omongan “I hate Monday”. (2) Ayeuna, keur urang kantor loba program ‘outbond’. Ieu dilakukeun pikeun diantarana ningkatkeun gawe bareng, refreshing jeung ngalatih kaahlian mutus pasualana dina waktu nu samporet. Outbond ieu nyaeta tea ninggalkeun rutinitasna biasa di kantor sawatara waktu nyungsi ka tempat lain nu beda kayaning pileuweungan/ pagunungan. Lamun bener program jeung ngiluanana dina balikna teh kabukti aya hasilna ningkatkeun kamampuh pagawe di lingkungan tempat gawena engke. (3) Dilingkungan kampus, di luar nagri para lecturers sok dibere waktu ninggalkeun ‘kampusna’ (masarakatna) /’sabbatical live’ sawatara waktu. Supaya dina balikna deui teh aya karyana nu bisa ‘publish’ sabab lamun henteu diputus ‘perish’. Kitu teh sabab kapanggih kunu palinter yen dimana dibere waktu sabbatical ti lingkungan rutinitasna kamampuh ‘inner’na bisa ‘optimal’ jeung leuwih produktif dina ideu timanan terus ngagugulung jeung kagugulung ‘urusan’ di lingkunganana. Tapi naon bedana cara nyingkurna “Kaum Ahnaf” ?? Urang teraskeun upami pareng. ____________ _________ _________ _________ _________ _________ _ Sponsored Link Mortgage rates near 39yr lows. $420k for $1,399/mo. Calculate new payment! www.LowerMyBills. com/lre ____________________________________________________________________________________ Sponsored Link Mortgage rates near 39yr lows. $420k for $1,399/mo. Calculate new payment! www.LowerMyBills.com/lre