Nuhun Kang Toha ...eh ... Kang Emod, oge Bah Surtiwa. Sanes nanaon ngajak ngobrolkeun sonar teh, pedah we ayeuna keur rame diwartoskeun dina koran. Ari kuring mah, sabenerna acan pisan nyekel alat sonar teh, ngan ari magnetometer mah sering, tapi survey didarat, keur struktur geologi/ eksplorasi. Di taun 1997, kuring diajakan ku babaturan nu nyobat jeung urang Bule, supaya nyekel jeung nginterpretasikeun hasil data ti magnetometer boga urang bule eta. Survey ieu lain keur nempo dikajeroan, tapi nempoan dasar laut deukeut basisir Situbondo, bisi aya barang nu ngabahayakeun kana kapal-kapal nu engkena bakal asup ka kilang minyak. Baheula cenah didinya rek diwangun kilang minyak, tapi teu jadi (panginten Bah Surtiwa mah terang perkawis ieu).
Hihihihi .... dasar nu keur butuh supaya dapur ngebul, ditarima we pagawean teh sanajan acan boga pangalaman dilaut oge. Ripuh geuning dilaut mah, sanajan dideukeut basisir oge. Rada sieun, maklum teu bisa ngojay..hehehe, pelampung teh dipapake we, sieun tikecebur. Kakara ge meunang satengahna pagawean teh, dieureunkeun, nagara keuna gonjang- ganjing krisis moneter. Atuh teu jucung pagawean teh, tapi untung tetep dibayar "full" .....hehehehe Dua taun ti harita, teuing kulantaran resep ka kuring, teuing hese neangan jelema, eta juragan bule teh nawaran deui pagawean tapi pagaweanana diluar Indonesia, sarua dilaut, dititah ngilu kana kapal survey nu keur survey kabel serat optik ti Hongkong tepi ka Korea selatan. Dititah ngurus paspor, nya digugu. Dititah ngilu kursus "safety" dilaut, ngahuleng, komo indungna barudak mah, kalahka ngomong, nanaonan nyusah-nyusah maneh, inget umur teh geus kolot, boga darah tinggi deuih. Pan didieu ge masih bisa hirup, teu susah-susah teuing. Dasar mental goreng, nurut we ka pamajikan teh, kuring teu jadi indit, tapi kulantaran "era" kunu nitah, ngadigdig ka urut sakola baheula, nempungan babaturan nu jadi guru didinya, sugan aya nu kakara lulus. Kabeneran aya, jeung daekeun digawe dilaut. Nya ku kuring teh dibere surat, dijurungkeun ka jakarta nepungan nu nitah. Tah jadina teh "budak" eta ....nu angkleung2an dilaut. Ti harita kuring ngan papanggih sakali jeung manehna waktu libur, manehna ngahaja nepungan. "Kumaha dilaut teh?", ceuk kuring teh. "Dua minggu mah, utah uger Pak, mabok , ngajoprak we, baroraah didamel", pokna teh", "tapi lila-lila mah biasa...." Baktos, WALUYA --- In [email protected], Emod Morales <[EMAIL PROTECTED]> wrote: > > Bah Willy, bade ngiring mairan > > Leres Bah Wlly, SONAR tiasa ngadeteksi obyek dina / > dijero cai, oge tiasa ngukur jarak. >
