Eta anu dicatet ti taun 1960 dugi ka taun 1974 ( taun 1960 mung aya 1, taun 1974 mung aya 2), janten periodena dina eta catetan mung ti taun 1960-1974. Sedengkeun sastra Sunda tos aya ti 1860an nu munggaran Wawacan Panji Wulung kenging H.Muhamad Musa. Nu aya dina eta catetan seuseueurna roman pop ( dugi ka ayeuna katingalna teu acan aya nu nalungtik kumaha pangaruhna kana kamekaran basa Sunda padahal waktos taun 1970an kacida kawentarna dongeng enteng pasosore dina radio, nu seuseueurna nyandak tina roman pop sapertos kitu),mung eta catetan teu sadayana anu janten sabiwir hiji mangsa harita sapertos Neng Elah teu kasebat, kitu deui Sirod Jelema Gaib. Pangarang moyan sanesna teu kasebat sapertos Moh Ambri, Olla S Sumarnaputra, SA Hikmat, Candrahayat, Aam Amilia, Abdulah Mustafa, Usep Romli HM, Iskandar wasid, GS, Yuhana, RAFsjte, komo pangarang entragan ayeuna mah teu aya deui bae. Eta mah katingalna mung catetan pangarang Sunda nu aya di inyana, mung anu salut eta buku tos teu aya dipasaran, mun mendak ge sok tara lengkep bari parantos butut, sedengkeun inyana aya di Malaysia. Paingan atuh paingan mun hoyong diajar Sunda, ayeuna kiblatna teu kedah ka Walanda tapi cekap ka Malaysia, eta teh sok aya dina paguneman para pangarang Sunda.
Nuhun kang Dudi, tos masihan alamat web-na, janten referensi kanggo abdi. Insya Alloh engke kaping 21 Pebruari 2007 bade ngayakeun pameran buku Sunda, dina acara mieling poe basa indung, tempatna di Aula Unpad Dipati Ukur, mangga didongdon da terbuka kanggo umum. MSasmita ----- Original Message ----- From: Dudi Herlianto To: Kusnet Sent: Wednesday, January 31, 2007 3:07 PM Subject: [Urang Sunda] daptar koleksi sastera sunda teu kahaja, manggihan daptar ieu ti http://pkukmweb.ukm.my/~patma/HOMEPAGEBARU/SENARAI%20KOLEKSI%20SASTERA%20SUNDA.doc.. geuning dina daptar eta mah sastra sunda teh ngan ukur 275 judul... dh -- ~:ngadék sacékna, nilas saplasna:~ :.nu dipalar lain pamuji, panyepét nu dipénta!.: