Para Wargi sadaya, anu pang pikahariwangeunana nyaeta Urang Sunda teh ngarasa era ngaku dirina Urang Sunda. Boro-boro rek make budaya sorangan.
Pangalaman diri anu kabeneran rada jarambah nyanyabaan, mun manggih urang wetan, rek di Solo, rek di Tokyo atawa di Zurich, teu era-era ngomong ku bahasa manehna. Heureuy guyon teh pok we ku bahasa indung maranehanana. Sabalikna mung pareng balik ka Bandung, ngajak ngomong nu ngaladangan di toko naon wae, di mana wae rek di pasar Kosambi rek di Factory Outlet di Riau atawa Dago, eta mah rek nepi keun ka weureu ngajak ngomong ku bahasa indung maranehanana (enya eta bahasa Sunda tea, bahasa urang!), hiiih....., da hantem we ngajawab ku malayu deui, malayu deui. Hese rek disebut Bahasa Indonesia ge, da lentongna keukeuh kandel bangsa kieu: "Iyah, yang itu mah harganyah memang segituh. Oh..., Bapa teh mau fraid poteto'? Tadi minta hot cili juga, yah?" Nepi keun ka dijentrekeun :"Yeuh, Geulis, urang teh urang Sunda, sanes? Ti tatadi teh sanes diajak basa Sunda, sanes? Naha ngawaler teh ku Bahasa Indonesia deui, Bahasa Indonesia deui? Lebar keh upami lali ka bahasa sorangan?!" Tapi da keukeuh kumaha karep. Hantem mamaksa ngajak bahasa nu Indonesia lain, Sunda komo! Di Bandung eta teh. Komo mun geus di Jakarta. (Coba geura ka Warung Ampera di Jl. Kusumah Atmaja, ajak barudak nu ngaladangan ngomong bahasa Sunda. Masing enya ge lentongna moal salah deui urang lembur Parahyangan, moal boa daekeun ngajawab ku bahasa Sunda!) Alesanana mah teu pira. Paur salah, pajar teh! Euleuh, paur salah teh ongkosna meuni mahal-mahal teuing atuh. Bahasa lamun tara dipake, lain beuki puguh bakal saralah makena,lin? Jadi nya taya lain carana, nyaeta ku ngabiasakeun dipake. Tur bari jeung kudu agul makena teh, da henteu sakabeh suku bangsa Indonesia boga dialek anu enya-enya bahasa beneran. Lain saukur dialek anu hartina lentong! Cag, ah! Nyanggakeun, Iwan -------------------------------------------------------------------------------- ----- Original Message ----- From: Waluya To: urangsunda@yahoogroups.com Sent: Monday, February 05, 2007 8:48 PM Subject: Re: [Urang Sunda] tulisan Encep Dulwahab > From: mj > "Ngarunjat" Eksistensi Sunda > Oleh Encep Dulwahab > ====dikeureut========= > Hiroshima dan Nagasaki hancur lebur, tetapi bisa bangkit berkat penguatan budaya lokal dengan mengadopsi ilmu dan > pelajaran dari luar . Jepang dan India kiranya dua negara yang kuat dalam > memegang tradisi. Kita tahu Jepang merupakan > satu-satunya negara Asia > yang bisa bersaing dengan negara-negara adidaya. Dalam bidang apa pun, > mereka tetap menjadi > pesaing permanen, bahkan sangat ditakuti Amerika > dalam hal teknologi. > Tidak jauh berbeda juga dengan India. Meskipun secara ekonomi dan > teknologi tidak sepesat Jepang, India memiliki > sesuatu yang patut dibanggakan dan tidak sedikit di antara beberapa negara > lain mengimpor produknya, apalagi kalau > bukan produksi film-filmnya. > Kedua negara ini layak kita tiru dalam penguatan budaya lokal. > ====dikeureut==== Ke ...ke ....heula, diurang mah rada hese oge dina ngalanggengkeun budaya lokal teh, kahijina mah serbuan kabudayaan kulon nu kacida agresifna ditambahan deui pan diurang mah, sok aya larangan kana budaya sorangan oge. Dina Kompas edisi Jabar minggu kamari, diwartoskeun aya pro jeung kontra soal tradisi "kuda kosong" di Cianjur. Aya oge Perda di sababaraha kbupaten di Jabar nu akibatna bisa ngaleungitkeun cara make wanoja Sunda, nyaeta Kabaya jeung gelung (sanggul) ...... pan teu meunang cenah nembongkeun gelung (sanggul) teh. Gelung pan tina buuk, lain tina lawon ...... Jadi, kuring satuju jeung kalimah kang Encep Dulwahab dihandap ieu : "Kalau dicermati, orang Sunda itu lemah dalam hal penguatan diri. Sementara di sisi lain kuat dalam akulturasi. Ketika melihat budaya lain hebat, langsung diadopsi dan melekat tanpa memperkuat budaya yang pernah didapatkannya, seperti bahasa, pakaian, dan model." Urang Sunda teh memang gampang pisan tura-tiru, nurutan batur .... Baktos, WALUYA
