Punten sateuacana, sim kuring tos 8 sasih teu posting di ieu milis, sibuk yeuh. Kedah ngenalkeun diri deui teu? Ngabandungan Ely-Case, kuring hayang mairan seutik. Kumaha atuh ieu teh siga nu parasea bae.Tibatan arahna negatip mah, mending ge pohokeun we ulah dibahas. Atuh perkawis esensina pasualan nu dibahas, ceuk sim kuring mah, mending ge soson soson dina widangna masing masing. Ka nu peryogi basa inggris mangga diajar basa Inggris sing getol, pon kitu deui basa sunda, ka nu bade diajar duanana oge langkung sae. Sok ah ulah parasea mending silih eusian ngalengkepan ide ide nu sae. Soal etika, ka sing saha bae, teu dipilah pilah, kuring satuju ulah ngomongkeun kagorengan batur. Moal panjang panjang sieun dianggap anyar datang deui geus noroweco. Wasalam, kang Santosa
Jalak Pakuan <[EMAIL PROTECTED]> wrote: Waduuuh...asa rareuwas ieu teh, karak nonghol tos tijonghok ku Ely-Case. Tipayun sim kuring mah pesen ka Kang Dudi ulah bet jadi asup kana pola 0n-Off, nyieun opsi rek ninggalkeun milis, lebar....santai we najan ieu masalah cukup seurieusss. Masalahna mah dijieun babari jadi babari dijieun hese bisa jadi hese. Ari ceuk kuring mah masalah pokona mah "Mekanisme Nalapung" nu can aya atawa can diajegkeun konsisten. Dijieun babari, nya eta mah masalah kuncen/moderator nu biasana ti nu ngadegkeun milis grup. Tangtuna kuncen nu apal visi/misi/aturan ngadegkeun milis grup, nu boga rasa miboga kana milis group. Jadi....nya kumaha kuncen we, mun aya nu kaluar ti visi/misi/aturan rek ditalapung atawa rek diantepkeun. Dijieun hese? Bisa oge najan lain hese sabenerna mah ngan perelu energi ekstra. Ieu mah model badami, jadi mun aya nu mahiwal....der dibahas babarengan ieu teh masih saluyu atawa geus mengpar tina visi/misi/aturan milis grup. Tidinya ditangtukeun statusna, terus tangtukeun sanksina, kuncen kantun ngajelegurkeun SK-na. Tina Ely Case (najan teu apal samemehna), mangga ka para kuncen ajegkeun kalayan transparan aturan-aturan nu rek diterapkeun nu saluyu jeung visi, misi ieu milis group. Mun aya nu mengpar mangga diprit, dipapatahan. Mun masih ngarengkas bae nya diprit terus bere kartu naha koneng atawa langsung beureum, ditalapung. Mangga urang sasarengan neang deui "Value Sunda" nu saur alm. mang Ayat aslina US teh pan egaliter, demokratis. Sakitu ti sim kuring, kurang leuwih nu teu merenah atawa salah eta mah estu ti sim kuring. Atuh anu benerna eta mah meunang mulung ti batur. salam JP / tirtawidjaja dudi mulyadi <[EMAIL PROTECTED]> wrote: Kang MJ, leres teh ( kang ) Ely teh tos "ditalapung?". Sim kuring manghanjakalkeun pisan upami kitu mah. Leres leres hanjakal pisan. Sok sanajan eusi tulisanna aya nu ngaco , tapi keur kuring mah masih aya pulunganeunnana . Sim kuring teu yakin lamun teh(kang) Ely bakal leungit tina Kusnet ieu. Mungkin wae datang deui kalayan make ngaran landihan sejen, salila kaanggotaan millis ieu terbuka keur umum. Sedengkeun samasakali kuring teu nyaho saha atuh sabenerna teh/ kang Ely teh? ( sarua jeung anggota kusnet lainna oge) Satadina mah , tara pisan hayang maca tulisan teh Ely teh.Aya sababaraha tulisanna anu ku kuring langsung didelete bari teu dibaca heula. Tapi gening bet rea padundengan ngomentaran hal tulisanna, akhirna kuring ge jadi panasaran. Nya sakali waktu kuring maca oge tulisanna . Memang tulisanna rea anu teu asertive . Togmol , teu aya etika. Tapi sok sanajan kitu, keur kuring mah masih aya pulunganeunana. Minimal keur introspeksi diri. Ceuk kuring mun dilenyepan mah Insya Allah bisa ngadorong kana ningkatkeun karakter kuring sorangan ( tingalina nu positifna ulah nu negatifna) Keur nunjukeun kahanjakalan sim kuring kana "ditalapungna" teh (kang ) Ely, kuring jangji dina saminggu ka hareup moal rek nulis nanaon dina millis urang sunda ieu. Keur nunjukeun deui oge kahanjakalan kuring ku leungitna hak kuring maca tulisan ti salah sahiji "anggota" kusnet ( sok sanajan nyamarkeun identitas dirina), nyaeta Ely Evalita ( teuing jalu teuing awewe), kuring rek mikir deui dina sajeroning saminggu ieu tina tuluyna ngilu atawa teu ngilu deui jadi anggota millis urang sunda ieu. Mungkin moal aya nu manghanjakalkeun kana kaputusan kuring kitu. Keur kuring teu jadi soal. Kuring nu hanjakal pisan mah, can bisa sakali oge panggih atawa sasalaman jeung para anggota millis ieu. Kahayang mah dina acara Kopdar atawa HBH engke kuring bakal bisa panggih jeung sababaraha urang anggota millis ieu ( kitu oge mun pas waktuna kuring aya di lembur) Bisi salila ngilu millis ieu aya kecap atawa tulisan kuring anu nyinggung atawa teu merenah , kuring menta dihampura ka sakabeh baraya kusnet... Hatur nuhun kana sagala kontribusi anggota kusnet salila ieu. Rea anu bisa dipulungan tina ngilu millis ieu pikeun kuring mah.. Sakali deui nuhun pisan ka sadayana Hampura Wassalam Dudi Mulyadi Asgar --------------------------------- Don't get soaked. Take a quick peek at the forecast with theYahoo! Search weather shortcut. Makarya Mawa Raharja --------------------------------- Looking for earth-friendly autos? Browse Top Cars by "Green Rating" at Yahoo! Autos' Green Center. --------------------------------- 8:00? 8:25? 8:40? Find a flick in no time with theYahoo! Search movie showtime shortcut.