Aya disabudereun urang, tapi urang pura-pura teu apal
Wallahu a'lam bishShawab Infopalestina-Al Sahl Lish Shahafah Wal I'lam: Ieu teh dongeng ngeunaan saurang siswi di hiji sakola putri di Palestina. Poe eta dewan sakola kumpul sakumaha biasana. Di antara kaputusan jeung rekomendasi anu dikaluarkeunn dewan dina pakumpulan eta nyaeta pamariksaan ngadadak (sidak) pikeun siswi di jero aula. Jeung inyana, dijieun weh tim khusus pikeun ngalakukeun pamariksaan bari saterusna dipigawe. Geus tangtu, pamariksaan dilakukan ka sagala hal anu ngalarang asupna di lingkungan sakola siga hand phone anu aya kamera-an, foto-foto, gambar-gambar jeung surat-surat cinta atawa ni lianna. Kaamanan dina eta wanci mungguh taya parobahan estu normal jeung stabil, kondisina tenang pisan. Para siswi narima parentah ieu ku hate anu leah. Der weh tim pamariksa ngamimitian ngajalajah sakabeh ruangan jeung aula wangun anteb naker. Kaluar ti eta ruangan asup ka ruangan sejenna. Mukaan tas-tas para siswi di harepeun maranehna. Sakabeh tas kosong iwal ti ngan eusi buku-buku wungkul, pena jeung paralatan kapereluan kuliah sejenna. Tepika akhirnya pamariksaan rengse di sabudereun ruangan iwal ti sesa hiji ruangan. Didieu pisan mimiti kajadian teh. Naha naon sabenerna anu kajadian ??? Tim pamariksa asup ka ruangan ieu bari salse naker sakumaha biasana. Tim menta idin ka para siswi pikeun mariksa tas-tas maranehna. Wanci harita di tungtung ruangan aya saurang siswi nu diuk bangun teu merenah. Manehna mencrong ka tim pamariksa ku pelong nu teu anteb dibarung ku cimata nu nyalangkrung, sedengkeun lengeunna tipepereket nyepeng tas milikna. Pencrongna beuki sekeut ka tim pamariksa ku laratan pamariksaan mingkin dekeut ka manehna. Naha naon atuh anu disumputkeun dina tas manehna?? Tim pamariksa mingkin dekeut wae ka manehna, tim pamariksa anjog ka siswi harepeun manehna, manehna beuki elekesekeng teu puguh rasa, jeung beuki pageuh ngangkeup tas milikna. Saolah manehna ngomong, demi Allah maranehna moal bisa muka tas kula. Waktu teu burung cunduk, giliran manehna anu dipariksa tas na. Sok geura buka tas na anaking, ceuk saurang guru anggota tim pamariksa. Si budak teu langsung muka tas na. manehna mencrong si ibu anu ngajega diharepeuna bari teu lemek dibarung ku nangkeup tas kana dadana. Sok kadiekeun tas na anaking, ceuk si ibu teu weleh someah darehdeh. Tapi ku teu nyangka, budak teh ujug-ujug ngoceak: ulaah..ulaahh…ulaahh…!!!! Jeritan eta budak ngabalukareun tim pamariksa sejenna ngareret ka manehna ditungtungan ku pahibutna nyalamperkeun eta budak siswi. Tepika rame pa adu tanaga: kadiekeun … ulah … kadiekeun … ulah …!!! Naha naon atuh anu sabenerna disumputkeun dina tas eta budak siswi teh??? Saterusna adegan tarung lengeun marebutkeun tas teu bisa di singkahan, manan lesot malah pageuh dina cekelan budak siswi eta. Siswi nu lianna nepika sawaneun ningali pamandangan siga kitu teh, panon ti unggal jalma manco kana kajadian ieu bangun harege-eun. Saurang dosen nangtung bari seug nutupan biwir si budak siswi tea. Sakedapan ruangan jadi rehe simpe, sakur nu aya didinya teu lemek teu nyarek estu sepi jempling. Ya Ilahi, naon atuh sabenerna anu aya dina jeroning tas milik budak etateh?. Naha bener yen si Fulanah (budak siswi eta) teh nyumputkeun………………..??? …. Sanggeus dilakukeun musyawarah, akhirna tim pamariksa mupakat pikeun mawa eta budak siswi eta jeung tas na ka kantor, keur nlungktik pamariksaan anu moal pamohalan ngabutuhkeun waktu anu rada lila … Siswi tadi asup ka kantor bari teu weleh dibarung cipanon anu nyurulung lir cihujan. Teteupna nguriling ka sabudereun arah mencrong ka kabeh nu hadir di eta ruangan ku teteup anu pinuh ku kacua jeung kageleuh. Sabab maranehna nu bakal nyingkabkeun gorehelna rusiah dirina di harepeun jalma loba. Ketua tim pamariksa marentah budak siswi eta sangkan diuk jeung nenangkeun diri. Antukna manehna tenang oge. Disambung ku rector ku patanyaan, naon sabenerna anu di sumputkeun dina tas eta budak siswi teh….? Di dieu, dina wanci anu pait peheur jeung kacida beurat na, manehna muka tas anu salila lila di kekeweuk teu lesot. Ya Ilahi, naon atuh nu aya dina eta tas ??? Lain….lain…. Geuning taya hiji oge barang anu dilarang katut jadi kacurigaan dina jero tas na teh. Taya banda haram, taya handphone kamera, gambar atawa foto-foto, komo deui surat cinta mah. Demi Allah, teu aya nu matak uruy di jero tas teh iwal ti potongan sesa-sesa roti, enyaan, ngan eta wungkul !!!. Sanggeus ditanya ngeunaan sesa dahareun (roti) nu aya dina tas na, si budak siswi antukna ngajentrekeun bari teu wudu rada seunggah, katempo narik napas panjang naker samemeh cacarita teh. “Ieu nyaeta sesa roti sarapan para siswi didieu, anu masih sesa sapotong atanapi saparapatna dina bungkusna, ku abdi dikumpulkeun disarengan sabagianna di tuang ku abdi. Sesana ku abdi dicandak uwih sanggakeneun ka kulawargi abdi du bumi …Muhun, kanggo pun biang, sareng saderek-saderek anu ay adi bumi..supados aranjeunna tiasa tuang dina waktos siang sareng wengi. Abdi sareng kulawargi kalebet kulawargi miskin, teu kagungan sasaha deui anu tiasa dipuntangan tulung. Kulawargi abdi sanes sasaha da memangna taya anu naros ngeunaan abdi sareng kulawargi abdi. Alesan abdi nyaram muka tas, supados abdi teu isin dipayuneun rerencangan abdi” Saterusna hing weh si budak teh ceurik meni balilihan. Sakumna anu nyakseni pangakuan ieu budak siswi taya nu teu kagagas, kabeh nu aya didinya ngarumbay cipanon netelakeun kaduhungna kana kalakuan maksa ka budak eta supaya ngagorehelkeun rusiah anu salama eta di pendem. Ieu teh salah sahiji tina kajadian-kajadian anu teu ka itung lobana di Palestina. Jeung teu pamohalana mun kajadian sarupa oge ay adi urang, dina jeroning kahirupan urang enggoning nyakseni katatanggaan. Urang teu nyaho, mereun salama ieu urang teu nolih ka maranehna. Pidu’a jeung leahna hate urang, sahenteuna bisa ngaringankeun bangbaluh anu nimpa maranehna, hayu urang rereongan sauyunan ngangkat darajat kapeurih jeung kasedih maranehna jadi kagumbira tur kebek ku kanyaah lan babarayaan. Khususna keur dulur-dulur urang di Palestina anu tepika ayeuna masih keneh di doja di rogahala ku jajahan Zionis Israel (seto) ----------------------------------------- This e-mail (including any file attachment) contains confidential information and/or may also be legally privileged. It is intended solely for the use of the named addressees and any unauthorized dissemination or use by any other person or entity is strictly prohibited. If you are not the intended recipient you should not transmit, copy, print, disclose or otherwise make use of and/or place any reliance on this e-mail and its contents. If you have received this e-mail in error, you should immediately notify the sender by return e-mail and delete all copies from your system. The views, opinion or advice as may be contained herein are those of the sending individual and do not necessary represent that of SABIC or bind SABIC. E-mails can be corrupted, altered or falsified and SABIC shall not be liable for any alteration or falsification on this e-mail.
