Upami teu lepat, rencana ieu teh asa tos lami, malah kantos ngariung di Tamansari. Mung panginten teu acan tiasa kalaksanakeun. Mugi rencana nu ayeuna mah langkung lancar. -ika-
MSasmita <[EMAIL PROTECTED]> wrote: Sugan we atuh kalaksanakeun, aya rarancang Dina bulan Desember 2007 rek ngayakaeun acara "Legenda Buku Sunda" (ieu judul teh masih keneh tentatif), nyaeta rek pameran buku Sunda, eusina diantarana : mamerkeun buku basa Sunda, buku basa naon bae ngeunaan Sunda, ti mimiti pracitak nepi ka mangsa kiwari. Keur buku pracitak (naskah, bisa tina lontar atawa daluang atawa media lain), keur ngeuyeuban ieu rek aya samodel workshop nyieun daluang tina tangkal saeh, kaligrafi aksara Sunda (Kaganga), mangsi gentur, jeung paparbotanana nyieun daluang. Tempatna rek di gedong YPK nu di Jl. Naripan Bandung. Salian ti eta acara teh hayang dibeungharan ku buku buku basa Sunda indie jeung dokumentasi indie boh foto boh video/film anu aya pakaitna jeung Tatar Sunda. (Kamari kuring teh ulin ka Galeri Rumah Teh di Dago, Taman Budaya, ngadongdon Kang Tedi Permadi nu keur ngayakeun workshop kertas daluang tina tangkal saeh sakalian jeung workshop kaligrafi aksara Sunda, loba hasil karyana anu dipamerkeun). Kukituna ka baraya sadayana : 1. Upami gaduh buku buku Sunda heubeul mugi kersa ngiring kana ieu kagiatan, bukuna tiasa dipamerkeun, kitu deui upami gaduh naskah kuna. 2. Upami aya niat medalkeun buku Sunda karya nyalira ku nyalira boh sajak, carita, kumpulan carita pondok, atanapi kumpulan artikel, hayu urang sami sami dipamerkeun atanapi tiasa bae diical. 3. Upami aya bakat ngadesain, manawi aya waktos mangga ngadesain jilid majalah basa Sunda anu rada futuristik, ieu ge sami urang pamerkeun. Ieu acara sanes murni mung pameran, tapi aya oge ngagelar icaleun buku buku Sunda, sawala, bedah buku sste. Mugi mugi we ieu paniatan tek laksana kalawan lancar, kaping sabarahana dina sasih Desember 2007, teu acan jinek, ieu mah wartos sakadar kanggo tatahar bae. Leres sim kuring teh rada resep ngagulang gaper buku Sunda, ari alesanana mah sederhana ku maca buku Sunda (boh buku basa Sunda boh basa naon bae ngeunaan Sunda) asa katulungan jadi nambih kanyaho kana Sunda, tapi resep maca buku Sunda teh kudu aya bukuna, tah salah sahijina ngalangkungan pameran buku Sunda ieu ngabuktikeun yen buku Sunda teh aya. Insya Alloh. Aeh enya basa sasih Juni ahir, sim kuring ngintun artikel ka Kompas Jabar, geuning dimuat dina ahir sasih Juli artikelna tiasa diaos didieu. http://www.kompas.com/kompas-cetak/0707/28/Jabar/24651.htm MSasmita --------------------------------- Luggage? GPS? Comic books? Check out fitting gifts for grads at Yahoo! Search.