Pirbados kantos ka Turki, persisna ka Antalya (Anatolia) ti ping 21 dugi ka ping 24 November 2006. Saptu, ping 25, wangsul tapi transit sadinten di Istanbul. Salami di Turki, anu kapendak ku pribados: Urang Turki tiasa miara basa aslina (basa Turki) sareng budaya warisan karuhunna (kalebet titinggal kapurbakalaannana, henteu diancurkeun teras digentos ku nu anyar). Basa Arab dianggo dina hal-hal kaagamaan. Urang Turki tetep ngagem Islam sanaos basa sareng budaya lokalna dicepeng pageuh. Tiap anu ditaros ku pribados naon agamana, pada ngawaler Islam. Teras masjid meni seueur pisan, katingalina langkung seueur ti Endonesia. Jigana peran Mustafa Kemal ageung dina ngalanggengkeun budaya asli (muatan lokal) di Turki. Mangga diantos pedaran salajengna, bah.
Waluya <[EMAIL PROTECTED]> wrote: Kemal Attaturk, lahir di Salonika, daerah bagian Yunani nu aya di wewengkon Turki, di taun 1881. Aran keur budak Kemal sabenerna MUSTAFA, aran Kemal ditambahan ku guruna nu katarik ku kapinteran Mustafa. Di umur 20 taun Mustafa Kemal asup sakola Militer Pamarentah. Mustafa pangpinterna dianatara babaturanana, tapi manehna oge boga sifat "Dingin" jeung angkuh. Turki di jaman Mustafa keur ngora, geus lain deui Turki anu "perkasa", tapi ukur mangrupakeun karajaan leutik , SATENGAH DIJAJAH ku kakuatan-kakuatan asing. Turki sering disebut " Manusa Eropa nu keur sakarat". Sultan, saurang TIRAN nu kakawasaanana geus rek PAREUM, hirup dilingkungan KAUM RADIKAL nu hayang ngarobah Turki jadi nagara modern. Mustafa nu geus jadi perwira ditempatkeun di Damaskus (Suriah baheula asup ka wewengkon Turki) di taun 1906. Didinya manehna ngahiji jeung perwira2 revolusioner sejenna, nu sok disebut "YOUNG TURK" (TURKI MUDA). "Young Turk" akhirna ditaun 1908, bisa NGAGULINGKEUN SULTAN, Sultan heubeul diganti ku ALO SULTAN, nu sabenerna mah ukur boneka sabab pangawasa nu sabenerna mah JENDRAL ENVER PASHA. Sikep Enver Pasha nu pro ka Jerman teu dipikaresep ku Kemal. Omongna teh :" TURKI UKUR KEUR BANGSA TURKI" Enver Pasha kacida ambekna, Mustafa Kemal satengah diasingkeun, manehna dikirim ka medan peperangan waktu Perang Dunya I ngajelegur. Di medan peperangan ieu, Mustafa Kemal nunjukkeun kahebatanana, manehna BISA NGELEHKEUN ANGKATAN LAUT INGGRIS. Waktu di Gallipoli manehna ngomong ka anak buahna: " Lamun maraneh nempo kuring gugupay, pasang sangkur tuturkeun kuring". Salila tilu bulan peperangan nu pinuh ku getih, akhirna resimen Inggris nyerah jeung akhirna ngundurkeun diri. Mustafa Kemal jadi pahlawan keur bangsa Turki, pangkatna naek jadi Jenderal. Elehna Jerman ku sekutu di taun 1918, nyababkeun Enver Pasha ragrag tina kakawasaanana. Kemal sorangan nolak ngabubarkeun pasukanana. Di Anatolia manehna barontak, ngalawan Sultan oge INGGRIS nu ngawasa Konstantinopel (Istambul). Mumusuhan Sultan jeung Kemal tambah gede. Sultan nepi ka mere hadiah ka saha wae nu bisa maehan Kemal. Dina perang sadulur ieu, kadua-duana-boh Sultan atawa Kemal, sarua telengesna : Ngagebugan, nyiksa jeung ngagantung tawanan-tawanan anu beunang. Di taun 1920, Kemal ngadegkeun Majelis Nasional di Angkara. Kemal dilawan ku sainganana kulantaran ku KATELENGESANANA, KABIASAAN NGINUM-NGINUM jeung sikepna nu "ingkar" ti Agama Islam. Tapi kamasyuranana salaku pahlawan nasional jeung patriot bangsa, Kemal akhirna kapilih jadi PRESIDEN di pamarentahan tandingan Sultan. Kemal akhirna nyerebu Istambul (Konstantinopel) keur ngusir pasukan Inggris. Inggris ngirim kakuatan militer ratusan rewu tantara nu asalna ti YUNANI keur ngalawan Kemal. Pasukan Kemal panik jeung bubar mancawura. Kemal kacida ambekna ka pasukanana. Manehna nitah nembak tantara-tantara nu kalalabur. Kemal ngangkat diri jadi GENERALISIMO". AkhirnaTantara Yunani eleh di taun 1922. Dihareupeun tawanan-tawanan Yunani manehna susumbar: " Tuan-tuan, didieu maraneh kabeh bakal nempo kamajuan-kamajuan nu dijieun ku SATO AJAIB ieu" Sato Ajaib teh Kemal sorangan, nu keur siap-siap jadi Diktaktor mutlak. Inggris ngacir ti Turki. Kemal balik ka Angkara, manehna dianugrahan gelar GHAZI (penakluk). Di konferensi Damai di Versailles Perancis, ku kameunangan2 militerna, Turki akhirna dianggap "sobat" ku sekutu nu papada sarua ditaklukeun ku Jerman. Sultan dipecat jeung Turki robah jadi Republik. [Disarikeun tina Buku : "Kisah Para Diktaktor, Biografi Politik Para Penguasa Fasis, Komunis, Despotis dan Tiran", karangan Jules Archer, 1967] (Ke lamun keyeng disambung deui) Baktos, WALUYA Asep --------------------------------- Pinpoint customers who are looking for what you sell.