MUNDING
Beres jumaahan di masjid desa, ajengan mulang dituturkeun ku santrina. Sabot leumpang aya nu murag kana sorban ajengan, sigana tai manuk. Santri nu ningalieun nyarita ka ajengan. "Ajengan, eta aya tai manuk dina sorban." Ajengan muka sorbanna, terus dikeprukeun, bari nyarita, "Alhamdulillah." Santri kaget, "Naha nyebat alhamdulillah?" Ajengan keom, "Enya, alhamdulillah, Alloh Maha Welas Asih. Anjeuna nyiptakeun nu bisa ngapung teh sabangsaning manuk nu leutik. Kumaha mun nu bisa ngapung teh munding?" Santri gogodeg. Terus ngabirigidig ngabayangkeun mun munding bisa ngapung terus ee...
