Tips Kanggo para tahu sumedang mania, aya tips supados teu kabelejog. 1.Sing waspada upami meser tahu sumedang, tahuna digarang diluhureun katel anu minyakna dihaja cena panas terus. Bisa oge tahuna haneut padahal tos gaaleun. 2.Sing waspada upami nuju ngetang tahu, pas ngetang dikerenyemkeun atawa dihaleuangkeun ku nu ngetangna. Kadang etangan sareng nu dicandak sok benten. Saleuheung pami cengekna nu kirang kumaha mun tahuna. 3.Emut tilu D [3D], Ditilik-Curintik, Dicobian-Ngerekes, Dilamikeun-Tara enggal aseum, tah eta tahu sumedang asli.
Kukituna meh teu kuciwa,meh sugema langkung sae dicobian heula (sabongsang mah) komo kanggo mahugi atawa kanggo nyogok pimitohaeun mah, pilih kios tahu anu tos gaduh nami. [Tips ieu kenging ngawadul sareng ruruntuk tukang tahu anu kiwari tos pangsiun ngan ari utang itung mah tetep we sok dihaleuangkeun, rarasaan ngitung tahu cenah]. Tahu Sumedang Asli Nu jualan tahu diluar wewengkon sumedang, najan dina kiosna atawa didoronganana ditulisan Tahu Sumedang Asli tapi tetep nu asli mah tahu nu asalna ti sumedang. Naon sababna? Basa ngawadul sareng tukang tahu diwewengkon karawang, iyana ngahaja nyandak tahuna ti sumedang. Saurna, salian bahan bahanna pinilih oge paktor cai mangaruhan oge kana kualitas tahu. Dijakarta nu disebat tahu sumedang asli asalna ti pondok gede atawa ti kampung rawa senen. Sanaos curintik, tetep ari dina rasa mah tebih. Tukang Tahu Sumedang Gadungan Di wewengkon kemayoran ngawangkong sareng tukang tahu dina doronganana mah enya ditulisan "Tahu Sumedang Asli" tapi pas diajak ngobrol ku basa sunda, ngajawabna tagtegtog, sareng semu semu rada medok. lami-lami mah balaka yen iyana ngaku urang purworejo. Pas ditaros asli henteuna eta tahu. Anjeuna ngawaler "Orangnya palsu, ya tahunya juga palsu mas dapet beli dari pasar!" Ko pake nama tahu sumedang segala? ceuk kuring. "Numpang ngetop boleh donk!" pokna bari serengeh. cag. sr ----- Original Message ----- From: Gan Lesmana To: urangsunda@yahoogroups.com Cc: | AlumniSmunsa ; | KotaSumedang Sent: Monday, December 10, 2007 1:54 PM Subject: [Urang Sunda] Tahu Sumedang Eudeuh, eta pisan tah ......... Aya anu samodel tahu Sumedang teh di dieu mah, nya eta tahu Lombok. Dina bentuk tur ukuran mah meni persis, tapi angger wae saperkawis rasa mah benten ....... tebih pisan bentenna teh. Kulitna tea anu garing, rangu gurih karaosna, lebetna anu bodas, matak waas mun dicoelkeun kanu sambel kecap cengek haturan, gl.
