> From: Tessar Wardhana > Coba mun > pencetusna ti ruhayat sorangan mah teu perlu > ngorbankeun rebuan ruhayat sorangan pan?
Ke heula ari nengetan sajarah teh kudu adil, ditempo ti sisi ti gigirna. Kalakuan Daendels, kajadianana leuwih ti 200 taun katukang. Jaman harita masih dianggap wajar ngerahkeun rakyat sina "kerja rodi", komo rakyat jajahan mah. Eta mah masih mending lamun dibandingkeun jeung para pedagang budak belian nu newakan urang hideung siga moro sato di Afrika. Para pedagang jeung "tukang moro" budak belian teh umumna urang Arab. Budak-budak belian dikumpulkeun di pasar budak, di Dar Er Salam, Tanzania. Terus dijual ka pedagang kulit putih, nu masarkeun budak belianana di Amerika Serikat. Mangga geura tingali film "Root" atawa aos novelna, lalakon negro Amerika nu nyusud asal-usul karuhunna. Atuh Kekahlifahan Turki Othoman oge geus kakoncara ku katelengesanana. Salah sahijina, anyar-anyar ieu dibejakeun hubungan Turki jeung Perancis rada tegang, sabab Perancis nuduh Turki jaman Othoman ngalakukeun genoside di Rumania. Tantara Turki Othoman disebut JANESARI, umumna asalna ti daerah Balkan (Bosnia, Serbia, Albania jst). Ieu tantara tadina barudak lalaki nu can pati hideng, dibandang ka Turki, terus dididik sina satia ka Khalifah, sabagian malah DIKABIRI (KASIM). Nu dikabiri tugasna ngajaga istana Sultan, pangpangna koleksi harem (Selir) Sultan nu bisa ratusan urang .... Bangsa urang? Sarua wae, kungsi ngalakukeun katelengesan. Nu paling gede, nu dilakukeun ku Orba (Suharto) ngabantai bangsa sorangan ratusan rebu jalma, kulantaran disangka PKI. Ayeuna anyar keneh, katalengesan malah "dikampanyekeun", aya nu khotbah nu filmna nyebar di Youtube, nitah maehan : "bunuh...bunuh...bunuh ......!" Daendels mungkin enya telenges, ngan bangsa urang teu daek diajar tina sajarah! Baktos, WALUYA
