Tah geuning baraya tos aya penawaran husus ti YP Muhun baraya, daripada gaduh naskah dikekempil disimpen dipadaringan mending didamel buku. Naskahna mah bade heureuy tapi seurius mangga, bade nu seurius diheureuykeun teu langkung atawa 100% daria it's oke. Nya mun tiasa mah naskah sunda.
Ngadamel buku indie tea nganggo fasilitas ISBN ngalangkungan YP. Naha kedah nganggo ISBN? nya salain diregister oge penting kanggo kaperyogian pemasaranana, da pami hoyong lebet ka toko buku ageung kedah aya ISBNna. Sareng kunaon kedah nebeng ka YP? salahsapuluh sarat pengajuan ISBN nya kedah aya pamedalna nu tanggel waler, teu tiasa solonong boy nyalira. Daripada gaduh naskah dikintun ka penerbit can tangtu dimedalkeun,komo ka pemula mah kadang sok dilirik sebelah mata, da nu sabeulahna kapeureupeunan he he. Ieu pangalaman abdi nu nuju tatahar oge ngadamel keom sakedap-2, bahanna tikapungkur sami sok dikekempil kadang sok dihaneutkeun diparako da bisi bari, rada pedit ayeuna mah tara dicemplungkeun ka kusnet, atur strategi caritana mah, pan mun medal meh panasaran pada hayang maca. Saterusna utak atik uteuk ngadisain coverna, didangdak didengdek, teu sieup wae, robah deui, nepikeun ka sieup sarta tegep, ceuk uing duka ceuk batur mah he he. Kiwari ku ayana bantosan ti pupuhu YP kanggo persaratan pengajuan ka Perpus-nas, keom-2 tos gaduh ISBN versi barcode tinggal ngantosan udat edit-layout- ngadamel film, nembe naek cetak. Tah kukituna ka baraya nu resep nulis, sok tiayeuna geura ketrukeun, ngadamel naskah, ngadamel coverna, kirang pd ngadamel nyalira, nya pasrahkeun ka ahlina meh gaya, teras dilayout, didamel filmna ka tukang film( kade ulah ka tukang poto keliling), teras milarian percetakan nu mirah. dicetak. beres! lajeng pasarkeun. Pami teu aya waktos ngurus ISBNna abdi tiasa ngabantos asal tos aya surat pengantar ti YP ngeunaan buku nu bade dimedalkeun. Waragadna pami ISBN tok ( ceu urang jawa mah) mung Rp.40.000,kanggo ISBN+barcode Rp.60.000,- kwitansi resmi. Tong mikir naha bukuna bakal laku, enya da bisnis mah rada spekulasi, nu penting pinuh perhitungan, ulah dedegler, nyetakna minimum heula, tapi optimis oge piraku anggota kusnet nu rebuan teh teu ngabarorong. Abong! he he. Ku seueurna baraya nu niat bade ngadamel buku ngalangkungan YP, enya sacara finansial mah panginten teu ngaruh nanaonna ka YP da mung bandera wungkul teu di komersilkeun, tapi sacara produktifitas YP sabage pamedal, nya kalebet produktip pami satahun aya lima aya sapuluh buku nu bade dimedalkeun. Mun seug baraya ka heab ku pangajak ti YP ieu teras bade niat ngadamel buku oge, pan sabaraha puluh taun kapayun aya kenang2an ka incu. "cuuuu....ini buku karangan kakek/nenek lho!" atawa bisa oge jang promo ka kikindeuwan. "yang....smenjak kamu jadi penulis dan bukunya ada dimana-mana aku makin cayang deh n' klo kita dah married nanti pasti deh bakal diogo mitoha...percaya deh ma aku!" heu heu. tos ah bilih majarkeun ngacapruk, padahal mah heueuh! syam ridwan ----- Original Message ----- From: mj To: urangsunda@yahoogroups.com Sent: Friday, July 25, 2008 2:37 PM Subject: [Urang Sunda] Bade medalkeun buku? Ka baraya kusnet nu gaduh naskah basa sunda atawa basa naon bae ngeunaan kasundaan, Seug bade diterbitkeun ku nyalira, bilih peryogi bendera penerbit, tiasa ngangge yayasan perceka. Kanggo kaperyogian ngurus ISBN ka perpustakaan nasional, upamana. Mung wayahna, yp ayeuna teu aya waragad ongkos citakna. Mana kang Syam Ridwan? Sakedap deui insya Allah medal Keom Sakedap 2 karya Syam Ridwan. .
