Kamari kuring nganteur si bungsu ka toko buku, biasa neangan buku pelajaranana jeung karesepna buku komik. Bari nungguan si bungsu neangan komik, kuring tempa-tempo, breh manggihan buku terjemahan " KUDETA MEKKAH, Sejarah yang tak Terkuak", Karangan Yaroslav Trofimov, dimedalkeun ku Pustaka Alvabet. Rada aneh ku maca judulna, dibaca katerangan di cover tukangna, walah buku alus, sabab nyaritakeun kajadian di taun 1979, dimana Masjidil Haram di Mekkah kungsi diserebu jeung dikawasa ku gorombolan bersenjata. Kajadian ieu pas di akhir musim haji (20 November 1979).
Sainget kuring, beja kajadian ieu tepi oge ka Indonesia, tapi ukur hawar-hawar, malah loba jamaah haji Indonesia nu harita acan baralik ti Mekkah, henteu ngartieun sabenerna aya kajadian gede di Masjidil Haram. Loba nu nyangka Masjidil Haram teh diserebu ku golongan Syiah nu harita keur mimiti nanjeur, alatan bisa ngagulingkeun Shah Iran. Carmen Bin Laden dina autobiograhina oge nyebutkeun urang syiah Khomaeni nu nyerebu Masjidil Haram teh. Masjid akhirna bisa dibebaskeun ku bantuan pasukan khusus Perancis nu ngahaja didatangkeun. Tah dina buku ieu, kajadian ieu di "kupas-tungtas". Beda jeung rumor, sabenerna Masjidil Haram teh diserebu ku urang Arab Saudi deui, Sunni, malah wahaabi tulen. Maranehna teu resep ka kulawarga karajaan Arab Saudi, nganggap jaman ayeuna mangrupakeun JAMAN AKHIR nepi ka mucunghul IMAM MAHDI. Maranehna nyerebu masjidil Haram teh ngalaksanakeun niatna ngabaiat Imam Mahdi nu geus datang ka Dunya ....... Saha Imam Mahdi versi maranehna? ceuk buku ieu Muhammad Abdullah Al Qahtani. Tapi "Imam Mahdi" ieu akhirna perlaya sanggeus pasukan pamarentah nyerebu masjidil Haram. Ke dilajeng deui, macana acan tamat ............ Baktos, WALUYA
