Deudeuh Teuing Anaking
Aya
hiji lalaki papanggih jeung hiji jalma..
Lalaki
jangkung gede beungeutna heuras nandakeun hate jeung sifatna nu heuras..
Sedengkeun lalaki hiji deui katingali cicing,
leutik jiga
piit.
Nu heuras
mangtaun-taun ancrub ka dunya nu kalintang poek mongkleng,
jauh tina
ibadah jeung kaalusan,
ngudag-ngudag
harta karun nu cenah titipan eyang.
Beu.. Deudeuh
teuing anaking..
Teu dipikir
rek kumaha,
kudu kumaha,
naon
balukarna,
hukumna
kumaha,
si heuras apruk-aprukan
ngawut-ngawut kahirupan manehna jeung anak pamajikana..
Kuring
ngalakonan ieu teh bakating ku nyaah ka anak pamajikan kuring kang,
pok na teh..
Beu,deudeuh
teuing anaking..
Naon wae nu
tos dilakonan ku akang?
Ceuk si piit..
Sagala kang,
sakabeh jalma nu ngajangjian bisa
ngadatangkeun duit jeung emas ti alam gaib ku kuring didatangan..
Menta ieu
ditedunan,
menta itu
dibere,
nepi beak
jutaan,
nu penting
laksana,
cenah ceuk si
heuras.
Si piit ngan
ukur hook mata simeuteun,
nempo manusa
ngarempag aturan agama jang ngudag-ngudag dunya..
Beu,deudeuh
teuing anaking..
Ngawangkong
henteu terus,
si heuras
neruskeun lengkah ngudag maksud tujuan,
si piit ukur
diuk jiga nu teu ngarti naon kahayang si heuras.
Sababaraha
waktu deui dua lalaki eta ditakdirkeun patepung jonghok deui…
Si heuras
cumarita satengah menta satengah maksa..
Kang kuring
ngadenge akang bisa narik harta ti alam gaib,
cenah bari
mencrong ka si piit.
Si piit ukur
seuri leutik..
Ya Allah
karunya teuing..
Hatena
ngagerentes..
Kieu we
kang,ceuk si piit..
Akang balik
shalat tobat jeung laksanakeun shalat,
sok bebeja ka
Allah,
ke dibantuan
ku kuring..
Mangga
kang,ceuk si heuras..
Teu sawatara
lila,
si heuras
mulang ka lemburna..
Mawa bekel
carita ti si piit,
hatena teu
ngarti,
kunaon si piit
kalah kalah nitah shalat?
Lain menta
syarat apel jin,
minyak hanibal
sawah atawa nu sejena saperti nu biasana?
Ah duka
teuing,
naon salahna
dicoba,cenah..
Di
hiji peuting nu istuning sepi..
Si heuras
wudlu,
nu geus lila
teu kungsi dilakonan deui..
Terus disarung
nyanghareup kiblat..
Gerentes niat
shalat tobat..
Na ari jedud
teh hatena ngarakacak..
Gusti Allah
abdi nyuhunkeun dihapunten gusti..
Ya Allah..
Si heuras
nyawang mangsa-mangsa katukang..
Ninggalkeun
anak pamajikan jang ngudag-ngudag kamusyrikan..
Beuki ting
sereset na hatena,
gusti abdi
tobat ya Allah ya robbi..
Ampun Gusti..
Abdi rumaos
lepat,
abdi rumaos
sasar..
Hatena beuki
ngarakacak..
Dosa-dosana
beuki katenjo negrak..
Panon rembey
ku cimata,
inghak-inghakan
ceurik hareupeun Nu Kawasa,
asa loba-loba
teuing dosa,
boa teu
kabagean sawarga..
Beuki lila
ceurikna beuki tarik,
kersaning Nu
Kawasa hatena kageuing..
Awakna
ngarumpuyuk sumujud dipayuneun Nu Kawasa,
hatena
ngajerit menta diampunan dosa,
dosa nu teu
kagambar gedena..
Abdi sieun
Gusti,
ampun abdi
Gusti,
moal
sakali-kali deui..
Sababaraha poe
saenggeusna,
si heuras
mimiti robah sipatna,
loba ceurik,
loba
nalangsa..
Nepi ka hiji
mangsa tepung deui jeung si piit..
Kang,nuhun
pisan akang masihan abdi pituduh..
Ah wios kang,
nuhun ka Allh
nu tos ngajait deui akang..
Teras kumaha
harta karun teh?
Ceuk si piit..
Si heuras
kalah nginghak ceurik..
Kang,abdi moal
kikituan deui..
Abdi mah bade
ibadah we ayeuna mah..
Nyiar rejeki
nu sawajarna,
nu nyata,
wios alit namung
nyata..
Alhamdulillah,
si piit
nyarita...
