Sababaraha taun katukang, aya budak mahasiswa jeung mahasiswi heureuy kamalinaan, make direkam ku handycam sagala. Dasar belegug, der rekamanana teh ditransfer kana CD ngaliwatan jasa tukang transfer video. Ku tukang transfer video, eusi rekaman teh dilobaan terus disebarkeun. Akibatna jadi geunjleung.
Nu kuring panasaran, naha perlu sapasang mahasiswa ieu dipariksa terus dihukum ku pangadilan? Lain maranehna teh KORBAN tina kadelekaan, kasarakahan jeung kamunafikan batur. Saha nu kuduna dihukum? Ceuk kuring mah nu kudu dihukum teh nu nyebarkeun rekaman eta, lain korbanna. Watir ...... sabab maranehna salian dihukum ku nagara, oge dihukum ku masyarakat. Tong boro jinisna, dalah kulawargana wae, meunang wiwirang nu luar biasa: Indung budak lalakina tepi ka teu wani kaluar imah, bakating ku era , padahal biasana aktif di pangajian ibu-ibu di perumahan. Tah kuduna UU Pornografi teh ngalindungi korban jeung ngahukum beurat nu nyebar-luaskeun ........ Baktos, WALUYA