Uing mah paling sieun ku jurig, setan jeung jin anu sok ngadaharan duit rahayat.... jadi lamun asup ka kantor pamarentahan atawa dinas sok maca heula taawudz sieun kasurupan atawa kusakaba-kaba. Da eta pernah kaalaman, hiji mangsa asup ka hiji kantor dinas malahan jeung Kang Darpan Harjawinangun anu kasep tur kasohor tea. Harita teh rek muguhkeun proyek, mere ngaran jalan2 di kota garut make aksara ngalagena. Tah, pas dijero kantor teh geus nyampak kabid...Haji ... jeung tilu urang bawahanana. Dina proyek eta, geus disaluyuan jeung geus turun dana 45 juta perak. Tah, ari pas harita eta duit rek dipasrahkeun. Kuring, Darpan, Budi jeung Ilah guntreng heula jeung eta kabid. Teu guntreng kumaha. Ari kuitansi anu ditanda tangan 45 juta, tapi duit anu katarima ngan ukur 30 juta! Gunem catur, adu argumen... eta Haji anu Kabid tea mere alesan cenah duit anu 15 juta teh geus dicokot ku kepala dinasna, ku bendahara dinas jeung bagikeuneun ka kabeh pagawe di eta dinas! Daripada loba omong bari kabau-bau sungut jeung milu dosa. Antukna Kuring jeung Darpan saparakanca SAPUK nolak eta proyek. Duka kumaha eta duit anu 30 juta anu harita geus digolerkeun di luhur meja 3 gepokan lima puluh ribuan teh....jigana mah lapur we...da buktina geuningan di garut nepi ka ayeuna ngaran jalan teh tetep we maka aksara laten. Tah kitu pangalaman kuring jeung juring, jin jeung setan. Jadi nepi ka ayeuna paling hoream lamun asup ka hiji kantor pamarentah atau dinas. Dina kapaksana oge sok taawudz heula...bari babacaan sabisa-bisa
--- In urangsunda@yahoogroups.com, "Waluya" <waluya2...@...> wrote: > > > From: "mh" <khs...@...> > > zombie mah asana ti china. ceuk balad uing nu babah, cenah zombie teh > > aya sasakalana. keur zaman harita nalika can aya kandaraan sabangsaning > > mobil, kareta api, komo kapal ngapung mah, urang china resep ngumbara > > ngadon nyiar kasab ka tempat jauh. ngan lamun pareng nu ngumbara tilar > > dunya keukeuh sok hayang dipulangkeun ka lemburna cenah. tah kulantaran > > walurat, keur nganteurkeun mayit ka lemburna, tara nyewa ambulan cenah > > da can aya tea, nya nyewa dukun (teuing naon istilah china na, poho deui) > > nu > > bisa mere komando ka mayit sangkan bisa leumpang aclog-aclogan tea. > > eta mayit teh ngan bisa ngaclog mun peuting hungkul, upama beurang mah > > cenah istirahat heula, memeh nepi ka nu dijugjug. tah kitu cenah dongengna > > teh. > > MH lain di Cina wae, urang Toraja oge kitu. Cenah lamun aya urang Toraja > wafat di pangumbaraan, heug rek dikuburkeun eh sabenerna ukur diteundeun > dina liang dina gawir luhur, mayitna sina leumpang sorangan ngajugjug > lemburna. Kapercayaan ieu loba dicaritakeun ku urang Toraja sorangan atawa > ku etnik-etnik sejenna di Sulawesi selatan. > > Bener henteuna mah nya duka teuing ..... > > Baktos, > WALUYA >