> "yudi_irmawan" <ade...@...> wrote: > ku data kumaha bangsa2 nu geus maju tetep miara basa2 minoritas > wewengkon. Contona di Inggris Basa Wales dimajukeun deui jeung bisa > hirup bareng jeung B Inggris (ayeuna kira2 25% utrang Wales > bilingual). Aya oge ihtiar pikeun ngahirupkeun Basa Cornish
Haturan Kang Yudi. Kamana wae ieu teh? Masih di Inggris atanapi parantos mulih ka Indonesia? Hatur nuhun info ti Inggrisna. Aya hiji hal nu ku urang kudu diconto teh ka nagara-nagara maju teh, sikep ngahargaan kana budaya. Sanes wae kana budaya maranehna tapi oge kana budaya sejen, kaasup budaya bangsa nu ku maranehna dijajah. Contona Walanda, sanajan ngajajah, loba ngalestarikeun budaya atawa sesa budaya di urang. Waktu maranehna manggihan tumpukan batu, nu geus teu dianggap ku penduduk sabudeuranana, maranehna panasaran. SInghoreng eta tumpukan batu teh urut candi. Geus kitu ku maranehna disusun deui ...jleg weh jadi candi Borobudur, salah sahiji "kaajaiban" Dunya.... Di Tatar Sunda, panasaran kulantaran aya basa sejen salian ti Basa Jawa di Pulo Jawa, maranehna naralungtik basa ieu, ngadorong pribumi supaya make basa eta. Hasilna Basa Sunda "hudang deui" ( tingali buku "Semangat Baru"). Sikep model kieu nu teu kapimilik ku urang Indonesia (kaasup urang Sunda). Sakapeung urang gampang pisan robah katarik kunu anyar, ninggalkeun nu heubeul. Nu heubeul teu ditempo deui. Komo lamun "nu heubeul" teh teu aya pakaitna jeung urang contona nya komentar Helmi Yahya ieu. Keur saurang Helmi Yahya, Basa Sunda teu aya pakaitna jeung manehna sabab manehna lain urang Sunda jeung Basa ieu teu mere kauntungan nanaon ka manehna, keur naon dilestarikeun? Keun we tumpur oge, ganti kunu anyar, nu sarwa global. Hasilna? Nya jadi Indonesia nu teu puguh.... Meureun budaya urang, budaya pragmatis, ngan make teuing alias kaleuleuwihi ..... Baktos, WALUYA
