Kocapkeun ayeuna di karaton! Karaton mana? Karaton Pajajaran, Karaton Pajajaran ogeh anu baheula! Nu kiwari geh, geus euweuh urut-urutna acan! Datang cenah hiji utusan Mawa surat tilu gembolan ceuk raja: " Lengser!" ceuk Lengser:" Ke heula !" ceuk raja:"Kunahaeun make ke heula?" ceuk Lengser: " Beusi tutung !"
ceuk Lengser: " Pais bakatul deuk nyuguhan semah . ceuk raja:"Heueuh! Beusi tutung! Balikkeun, laju dia kadieu, Pariksa ku dia eta utusan ceuk si Lengser:"Wah, ! Teu mudu dipariksa deui, kula mah, nenjo jelema sarua jeung manggis! Nyaho dicupat, nyaho di eusi, irung kitu mah, geus tangtu moal nyalahan deui, dicicingna sagede lelejing di motahna, bisa sagede honje, panjangna bisa saasta leuwih, !" ceuk raja, :"Lain jelema! Suratna ku dia kudu dipariksa, Laju si Lengser mariksa surat, Lobana tilu gembolan mariksa.......... mariksa.......... lilana tilu poe tilu peuting! Awahing ku tunduh jeung loba teuing surat nu dipariksa, si Lengser jadi nundutan, nundutan bari ngelay Laaaaaaay! Lay keuna surat lay keuna baju, lay keuna mata ucing, nu ngaringkuk dina tumpukan surat! Laaaaaaay.........lay...........lay..........laaaaaaaaaay! ceuk raja:"Teuin! da kula mah apan teu bisa maca!" ceuk si Lengser: Kadieukeun! Tah eta... nu aya gambaran bentang jeung bulan,!" Dorolang raja maca surat macana barian edeg, da ngarana geh raja! Buncelik! Molotot.... Mani sagede-gede kenong Da ngaranna geh, mata raja! Kumisna plaaad kaluhur, plaaaad kahandap. Da ngaranna geh, kumis raja! ceuk raja: "E - eh,..... e - eh! ngomongna bari tetenjrag, tetenjrag datang ka eundeur, brong- breng -brang sora ti dapur tetenong ragrag di pago Da ngaranna geh tetenjrag raja! ceuk raja:" "Lengser !" ceuk si Lengser: "Sumuhun dawuh !" ngomongna barian nyembah, ngan nyembahna barian peureum! Awahing ku tunduh! ceuk raja bari tetenjrag, brong-bring-brang sora ti dapur bareok pago rungkad hawu.... Da ngaranna geh, tetenjrag raja ceuk raja:" "Lengser!" ieu surat dijempolan ku raja sebrang kulon! Geuning, bet ngajak rusuh!" ceuk siLengser:" "Bebekkeun beeeee!" Maenya raja eleh ku suurat! Si Lengser ngomong barian nyembah nyembah barian tikusruk awahing ku tunduh "Deuleu!" ceuk raja bari tetenjrag, Da ngarana geh tetenjrag raja! "Deuleu! ceuk dina surat, ngaing kudu DISUNDATAN! mun teu nurut Pajajaran baris dipagang" [Lajengkeuneun]
