Urang kocapkeun! Kocapkeun! Di Nagara Pajajaran... Lain Pajajaran nu kiwari! Pajajaran geh anu baheula! Nu jadi Raja?...... Gagah sakti kaliwat saking Nya dia anu ngaranna Prabu Siliwangi Ari anakna? Lobana tilu kali salawe Da bongan , biangna geh saratus punjul satengah Tunda! Urang caritakeun hiji anak inyana nu sakti ngala ka aki nu gagah ngala ka bapa Ari ngaranna? Ki Hyang Santang Aria Cakrabuana! Euwuh pantar euweuh tanding nyarita inyana ka Lengser: " Uwa,...uwa! ngaing teh, ayeuna mah cukup elmu jeung pangaweruh! Tapi hate ngaing, hanteu betah jasa! Sabab, geus lila euweuh teunggeuleun, geus lila euweuh sepakkeun, euweuh lawan sanagara, euweuh musuh ngajak rusuh! Kumaha lawan teh, tinggal sia bae...Uwa!? kumaha, amun aing nyaba jauh, nyiar lawan dinagara deungeun? Ceuk si Lengser: "Ulah Aden, ulah!" ceuk Ki Santang: ku nahaeun diulah-ulah? Sabab Amun Aden miang ka buana luar ka nagara nyabrang lautan Engke dimana Aden mulang Pajajaran teh, ngan kari ngaran! Tapi dasar peuteukeuh, teu beunang diulah-ulah Nya miang inyana ka nagara sabrang lautan.
[Lajengkeuneun]
