sim kuring kantos ngumbara ka daerah tangerang aya kana 2 tauna, gaduh
rerencangan urang pandeglang
ngiringan MLM teras ngiringan nguruling nawarkeun barang harita teh obat2an,
kieu ceunah nyariosna teh...
"Tah ibu lamun nu ieu mah "dihakana", sapoe sakali..." awal2 mah asa karaget
merhatoskeun basa urang kulon
tapi da eta teh salah sawios beungharna bahasa sunda panginten nya, nambihan
kang kanggo informasi
pami di kulon mah "sampeu" janten "Dangdeur" janten tong kaget pami ameng ka
tatar kulon
aya nu nawisan "Dia beuki kulub dangdeur teu?.. tras cai herang janten "Kulub
Cai" jadi
ke pami nganjang ka kulon insyaAllah mendakan Kulub Dangdeur plus kulub cai,
geseh saalit sareng kulub cau
cag ah...
________________________________
From: Kumincir Wikidisastra <kumin...@urangsunda.or.id>
To: Kusnet <urangsunda@yahoogroups.com>
Sent: Monday, February 23, 2009 6:52:14 PM
Subject: [Urang Sunda] Fwd: Basa Sunda Urang Malingping
---------- Forwarded message ----------
From: avid rollick septiana (via Multiply)
Basa Sunda Urang Malingping Feb 22, '09 11:45 AM
for everyone
BASA SUNDA URANG MALINGPING
Baheula mah, keur anyar datang, sok loba kerang-kerung mun pareng ngobrol jeung
urang Malingping teh. Komo nu di pasisian mah, sabab salian ti loba kecap-kecap
nu teu kaharti, lentongna oge aneh. Orokaya, jadi hese nangkep maksud
omonganana.
Tapi lila-lila mah biasa deui. Ku mindeng tatanya jeung remen ngadenge mah bisa
oge geuningan. Malah mun balik ka Bandung atawa Ciamis sok loba nu
ngageuhgeuykeun, geus jiga urang Banten cenah. Kutan?
Na kumaha kitu basana? Nya beda we. Munasabah sabenerna mah,da di unggal daerah
ge sok pasti boga basa wewengkon masing-masing nu teu kapanggih di daerah
sejen. Jadi lain di Malingping atawa Banten bae.
Nu puguh mah, rata-rata urang Malingping mun ngobrol basana kasar, ceuk ukuran
urang priangan mah. Basa pamajikan anyar pindah kungsi reuwas pedah aya
pamajikan anak buah nu nyebutkeun hulu, lain mastaka, ka manehna. Basa ku
kuring dijelaskeun yen memang basana kitu, lain maksud nyinggung, karek
ngartieun. Malah sok kagugu mun ngadenge deui teh.
Padahal cenah, aslina basa Sunda mahmemang kitu. Nu hartina egaliter, teu
ngabedakeun saha nu diajak ngomong. Ngobrol ka cacah jeung ka menak nya sarua
bae. Ayana undak-usuk basa -nu nyababkeun basa aslina karasa jadi kasar /teu
nyakola- mah hasil pangaruh basa tatar priangan kaereh ku Mataram.
Tapi teu saeutik oge urang Malingping geus ngarti kana undak usuk basa. Utamana
urang puseurna nu kungsi sakola jeung remen hubungan jeung urang priangan
pendatang. Sakola memang salah sahiji 'sarana berkembangna' basa nu 'mriangan.'
Sabab guru-guruna, utamana guru-guru senior, lolobana memang datang ti tatar
priangan, saperti Ciamis, Tasik jeung Garut. Baheula mah can loba urang
Malingping asli nu bisa sakola luhur nepi ka jadi guru.
Tah, nu ngartieun mah, mun nyahouen ngomong jeung urang nu datang ti priangan
teh sok milu lemes, sanajan ari ngobrol jeung papadana mah biasa bae beledag
beledug. Aya oge nu jadi ngadadak mindel. Basa diseleksek, sieun salah omong
pokna.
Ku sabab lentong mah hese ngagambarkeunanan, nu bisa dicaritakeun di dieu mah
kecap-kecap nu kuring di anggap aneh bae. Urang tataan geura:
Urang Banten, umumna nyebutkeun ka dirina (jalma ka hiji) teh kami. Sedeng ka
nu diajak ngobrol dia. Kecap kami, di priangan aya oge, tapi teu ilahar atawa
arang langka dipake jang nyebutkeun sorangan. Biasa kadenge teh sok dipake jang
nyalin sesebutan diri Pangeran dina khutbah. Sedeng kecap dia mah jigana ngan
aya di tatar banten wungkul.
Urang Malingping/Banten oge nyebut akang (milanceuk) teh ku kaka. Akarna mah
jigana sarua, neneh tina kecap raka
Tong heran mun urang Malingping remen nyebut burung. Lain hartina nyebutkeun
urang gelo, atau nyaritakeu nu teu jadi, tapi burung teh kecap panganteb nu
fungsina kira-kira sarua jeung atuh.
"Kadieukeun burung bukuna bade disimpen mah!"
Kecap-kecap sejen:
Lila : kebel
Hese : gati
Da : ja
Ngambek : marah
Jiga : doang
Tara : telok
Tukang : buri
Ribut : haliwuh
Ngobrol : cacahan
Loba gaya : lalagaan
Embung : endung
Sukur : kamayangan
Anjir : bagor
Engke : engkin (ieu mah ilahar di daerah Cianjur, Sukabumi, bogor ge)
Aya oge kecap-kecap nu arang langka dipake ku urang priangan tapi ilahar di
Malingping mah:
Geuwat : geura
Lalaonan : Anca
Pisan : Amat
Terus : laju
Hade/Alus : Endah
Aya nu tibalik. Isin, di priangan mah lemes, tapi di Malingping mah kasar.
Sabalikna jeung era.
Mun urang malingping nganahakeun (naha bet) cukup ku kecap pan?
"Pan, motorna diparkir di dieu?"
Aya deui nu aneh. Rarangken –na di Malingping mah jadi –an. Mun nyebut
pangkasepna teh jadi pangkasepan.
Kahade atawa mangka hade jadi nu hade
Nu aneh deui mun nyebut pamajikan atawa awewe cukup ku ewe bae. Jorang ceuk
urang priangan mah. Tapi biasa bae ceuk urang ditu mah.
Jadi tong heran mun hiji mangsa urang Malingping ngomong "pamajikan keur di ewe
Lurah" bari kalem-kalem bae. Tong mikir nu lain-lain, da manehna mah keur
ngobrolkeun yen pamajikanna keur aya di pamajikan pa lurah. Kitu.
Cag! --
sikandar
su.wikipedia. org
www.urangsunda. or.id
