> H Surtiwa <surt...@...> wrote: > ngepro jeung nontra keun poligami mah pasti moal patepung..kulataan > madudengkeun ajaran /kayakinan...jeung analisa pragmatis kahirupan > sosial....terus wae bakal aya pro jeung kontra...naha MUI rek > ngaluarkeun fatwa deui yen anu anti/teu resep poligami teh > kafir/islam teu baleg ?
Ari nu jelas mah nyandung teh teu pati ditarima ku masyarakat urang, pangpangna ku kaum Hawa. Aya artis, lamun teu salah mah Dewi Yull, nu nyebutkeun nyandung teu masalah. Ari pas salakina nyandung mah, tetep teu bisa narima, menta dipirak. Poe saptu kamari kuring ka ondangan, papanggih jeung kawawuhan, kabeneran nu nyadiakeun katering resepsi teh indung tere (pamajikan nu ngora) ti almarhum bapana. Kawawuhan kuring teh reueus pisan, yen manehna bisa narima dulur-dulur sabapana. Tapi angger we kuring nempo kaanehan, indung terena kacida mamandapanana ka kawawuhan teh. Mere dahareun khusus dibakian, bari popoyongkodan. Keur nu teu nyaho, bakal nyangka eta pembantuna atawa urut pembantuna tibatan indung terena!. Status salaku pamajikan nu ngora oge anak-anakna nu lahir umumna sahandapeun ti nu kolot, komo lamun nu nyandungna geus ngantunkeun. Jadi? keur para wanoja, tong daek dicandung. Mungkin waktu si akang jumeneng keneh mah, teu pati masalah. Tapi umpama geus teu aya, tah mimiti mucunghul masalah ti warisan tepi ka perkara "sepele": status nu dianggap " salawasna handap" ku pihak tinu kolot. Baktosna, WALUYA