Ngaos pedaran mj, janten emut palajaran basa sunda waktos di sr/smp, punten
bade nostalgia palajaran basa sunda sakedap.
Sakedik nambihan pedaran mj.
Panginten nu dipedar mj dina palajaran basa sunda disebatna ngararangken nyaeta
proses ngawangun kecap ku jalan nambahkeun rarangken kana wangun dasar.Hasilna
disebat kecap rundayan.
Rarangken (afiks) basa sunda aya opat rupa nyaeta rarangken hareup (prefiks :
awalan, 17 rarangken), tengah (infiks : seselan, 3 rarangken), tukang (sufiks :
ahiran, 6 rarangken) jeung barung (konfiks : barungan, 13 rarangken).
Nu dipedar ku mj kalebet ngararangkenan hareup nyaeta proses ngawangun kecap
rundayan ku ngantetkeun rarangken hareupeun wangun dasarna.
Contona rarangkeun hareup :
1. Rarangken di-
Ngararangken hareup di fungsina ngawangun :
a. kecap pagawean
1) kalakuan aktif : dibaju, digawe,diajar jrrd
2) kalakuan pasip : dicokot, diala, dipiceun jrrd
b. kecap sipat (fungsi ajektival)
1) dibere : diogo, dihormat, dipercaya jrrd
2) kakeunaan : diancam, dikabul, dideugdeug jrrd
2. Rarangken ka-
Ngararangken hareup ka fungsina ngawangun :
a. kecap pagawean
1) teu dihaja di-.. : kageleng, katincak, kagebuk jrrd
2) beunang di-.... : kabawa, kabaca, kaangkat jrrd
3) anu di- ... : kasebut, kasabit jrrd
b. kecap barang
1) hal nu patali jeung : kabisa, kasakit, kamampuh jrrd
2) hal nu dipi- : kaasih, kaceuceub, kadeudeuh jrrd
c. kecap sipat
1) kakeunaan : kapincut, katohyan, kagagas jrrd
2) bisa di- : katenjo, kaerong, kaampeuh jrrd
3) teu dihaja di- : kakeueum, kadupak jrrd
d. kecap bilangan
tahapan jeung bagian : kahiji, kadua, katilu jrrd
3.dst Rarangken hareup ba ; barang ; pang ; pa ; dst
Punten ieu mah mung saukur nostalgia keur waktos di sr/smp
Hapunten
Gagak Hideung
________________________________
From: mj <ja...@itenas.ac.id>
To: urangsunda@yahoogroups.com
Sent: Wed, October 7, 2009 2:33:41 PM
Subject: RE: [Urang Sunda] Re: Di Toel Ku
Jadi meureun kieu
TOEL
Pasif : make di di awal,
Ditoel
Aktif : hurup hareup luluh jadi m atawa ny, Noel
Teu kahaja : make ka di awal, katoel
CABOK
Dicabok
Nyabok
Kacabok
CABAK
Kacabak
Nyabak
Dicabak
KADEK
Dikadek
Ngadek
Kakadek
PICEUN
Dipiceun
Miceun
Kapiceun
PALING
Dipaling
Maling
kapaling
