Unsur2 tatakrama Sunda teh salian ti undak usuk basa Sunda, saur abah Surya kedah diperhatoskeun hal anu sanesna diantawisna : 1. Wirahma Nyarita (Lentong) 2. Sikep awak (Rengkuh) Sikep awak nu hade sok disebut rengkuh, tapi lain moyongkod.Sikep nu rengkuh nyaeta sikep nu katenjo jeung karasa yen ku sikep kitu teh ngajenan ka batur bari heunteu ngalalaip diri pribadi.Tapi sanajan urang kudu rengkuh, tetep we aya takeranana, naha nyanghareupan jelema nu geus loma, anyar pinanggih, sasama, saluhureun, kaayaan resmi atawa teu resmi jsb 3. Paroman Ku lantaran tatakrama mah taya lian ngan pikeun ngantengna silaturahmi,tangtu bae paroman teh kudu darehdeh, someah, amis budi pinuh perhatian,henteu kucem, tungi, kuraweud, keding hangit atawa tiis camewek taya sari2 hayang silaturahmi. 4. Tata cara gaul. Campur gaul manusa teh kacida pisan jembarna, kukituna kamaheran tata cara gaul mah gumantung kana pangalaman sosialisasi eta jelema jeung lingkungan nu rupa2.Tambah lega cacampuranana, tambah lega kanyahona ngeunaan tata cara gaul, jelema nu kurang tata gaul disebutna kurung batok atanapi kuper. 5. Tata busana (dangdanan) Tata busana busana atawa cara barang pake teh henteu padu rap padu napel atawa asal make, tapi puguh aturanna,pangpangna upama rek tepung jeung batur dina kaayaan anu resmi., kudu sopan tur luyu jeung kaayaan. 6. Kualitas pangaweruh. Kaweruh kana sagala hal, pangpangna nu keur jadi catur balarea, ngeunaan naon bae, nu kira2 bisa dipake nyambaraan obrolan, kacida perluna urang terang.Henteu kudu apal ka jero-jerona, asal urang bisa nuturkeun obrolan batur jeung milu ngembohan, sautak saeutik. 7. Itikad Ngeunaan itikad mah estu leuwih nyumput,leuwih lemes,leuwih hese diteuleumanana.Tapi saenyana nya itikad pisan nu ngadadasaran hiji jelema daek ngagunakeun tatakrama pikeun alat campur gaul teh. Upama urang geus ngaitikadkeun hayang silaturahmi jeung ngajenan batur, tinangtu dina prakpakannaoge bakal nyumiratkeun rasa silaturahmi, anu engkena ngawujud dina paripolah tatakrama.
Cekapkeun sakieu Gagak Hideung ________________________________ Dari: Adi Sundayana <ephi...@gmail.com> Kepada: kisu...@yahoogroups.com Terkirim: Sen, 15 Maret, 2010 23:51:40 Judul: Re: [kisunda] Basa Sunda lemes - kasar Ngabandungan nu keur adu catur dina perkara ngagunakeun basa kasar,conggah jeung basa lemes dina basa Sunda sasieureun sabeunyeureun rek milu aub.Itung-itung lauk buruk milu mijah bae ieu mah. Mun teu salah baheula beh ditueun kapungkur basa keur di SR kungsi meunang katerangan yen kasar ,conggah jeung lemesna nyarita ku basa Sunda teh diwangun ku tilu hal : Kahiji pilihan kecap,kadua lentong ari nu katilu rengkak jeung paripolah nu marengan ( gesture ) kaasup paroman jeung sorot mata. Geura sok rasakeun kalimah di handap ieu : " Mulih ti mana,Mang Ahdi, mani bangun rarusuh ?" Mimiti ku lentong anu merenah ningalikeun sopan santun,tuluy coba ku lentong anu teureugeus saterusna rasakeun deui mun eta kalimah diucapkeun ku lentong sopan tapi paroman bari jeung nyureng,komo saupama kecap "Mang" diganti ku kecap "Sia". Bandingkeun jeung kalimah nu marentah atawa nu ngambek ieu :"Sieuh..... sieuh.... na aya hayam ku bangkawarah balik deui balik deui". Ucapkeun ku nu ngambek lantaran cape sapopoe moe pare di nu panas.Heg pek cobaan ku lentong "Arjuna" dina pawayangan. Ku kituna ceuk pangrasa kuring mah,keur saayeunaeun mending ajak para nonoman Sunda sina nyarita ku basa Sunda.Merenah jeung teu merenah na mah da kacida pisan gumantung kana "SIKON".Ulah dikondisikeun teuing ku rasa "sieun salah" tungtungna mumul nyarita ku basa indungna. Cag. Ti pun Adi. ----- Original Message ----- >From: Abbas Amin >To: kisunda >Cc: Dudi Herlianto >Sent: Tuesday, March 16, 2010 10:04 AM >Subject: [kisunda] Basa Sunda lemes - kasar > > >Lamun aya Basa nu dianggap rada garihal, nya dilelemes ku nyiptakeun kecap >nu dianggap cek Expressi Basa Sunda Lemes. > >Tah nya dina ngalelemes ieu aya katangtuanana, nya eta : >sisipan tea; boh awal , tengah atawa akhir. >Tapi tujuan utamana nya eta : Basa Sunda ulah kasar teuing. >model : gering - udur - teu damang. >sare - mondok - kulem sst > > "Coba Yahoo! Mail baru yang LEBIH CEPAT. Rasakan bedanya sekarang! http://id.mail.yahoo.com"