Baraya, Kaparengkeun dina lalakon hirup teh si kuring bisa nyaba ka Korea sok sanajan ukur 4 poe kaasup di perjalanan. Nalika ieu email ditulis, si kuring masih di Korea, pasna di Kote Seoul, kl 5 jam kana piwaktueun hiber mulang deui ka Jakarta, Indonesia,
Indit ka Korea teh minangkana mah anggota DelRI (Delegasi Republik Indonesia) dina pajemuhan IKEF (Indonesia - Korea Energy Forum) anu katilu anu dilaksanakeun di kota Seoul, Republik of Korea (RoK), tgl 25-26 Maret 2010. Sok sanajan jadi anggota leuwih loba ukur jadi "pengamat" da bubuhan disawang tina disiplin geologi mah naon anu keur disawalkeun antara DelRI jeung delegasi RoK teh kaasup bidang hilir, tapi kuring sabisa-bisa diajar patuh kana jadual pertemuan, alias teu luas-leos. Keur bidang geologi, relevansi jejer anu disawalakeun teh diantarana energi anu sumberna tina geotermal atawa panasbumi tea. Salila di Korea, alhamdulillah si kuring pependak sareng apih Siddik sareng kang Yaya. Malah apih mah dugi ka mapagkeun sagala ka airport Icheon, Korea (oge rencana bade ngajajapkeun dugi ka bandara deui). Ari kang Yaya mah, bubuhan anjeunna mah sibuk pisan ku ngawulang sareng kagiatan akademis sejenna, ukur tepung kamari peuting dina acara leueut sasarengan balakencrakan antara anggota DelRI sareng warga Indonesia di Seoul anu diayakeun ku Dubes Indonesia di Seoul, RoK. Sakitu heula dongeng nganjang ka nagara sejen. Sugan pareng ka hareup rek ngaguar sababaraha catetan pangalaman salila di Korea, salam, manar