Geus dua kali acara Tadarusan soal sunda teh. Diayakeun di rumah baca buku sunda jeung sajabana, bumina ua sasmita, jl margawangi 7 no 5. waktuna unggal poe saptu tabuh 15-18 alias ti asar nepi ka magrib. Saptu kamari miluan, nu dibahas tulisan kang Ajip Rosidi, nu asalna timuat di Cupumanik terus dibukukeun. Nu dibahas kamari, nu judulna Heurin Ku Letah jeung Diajar Nyarita.
Tiap artikel dibacakeun kunu hadir giliran saparagraf. Terus dibahas utamana dikaitkeun ka kondisi masyarakat sunda umumna jeung tarekah kira-kira kudu kumaha memenerna atawa ngubaranana, mun dicindekeun yen heurin ku letah teh adat teu alus pikeun kiwari. Ka sugri nu bade ngiringan, mangga sabtu jam 2an ka bumi ua Sasmita, jl margawangi 7 no 5 margacinta buah batu bandung. Nya pikeun kusnet -ki sunda mah bisa oge bari tepang sono bin paamprok jongok.
