Fran Dieguez escrebeu: > > Vexo necesidades específicas para saír de este bache: > > 1) Vexo necesario poñer as cartas sobre a mesa, isto é, mediante unha > xuntanza das principais asociacións que levan traballando (CIF, Trasno, > ...) e por outra banda toda canta persoa independente queira participar. > Con tempo suficiente para que cada quen leve pensado o que > quere dicir e en que rumbo quere que vaian as cousas. >
Eu tamén vexo que esa reunión é necesaria... pero non suficiente. Coincido con Fran en que será necesario tempo para que cada quen madure a súa proposta, mais tamén para reflexionar internamente e fazer autocrítica. Como os meus fallos xa mos sinalaron profusamente, xa aceptei a crítica e xa dixen que vou ir delegando progresivamente responsabilidades de coordenación, vou facer un chamamento á autocrítica dos dous colectivos que estades involucrados nesta confrontación. - Trasno: entre vós temos a moita da xente máis comprometida e grazas a vós temos en galego moitos dos aplicativos máis empregados, mais non por iso podedes esixir a todo o mundo que se adapte aos vosos ritmos nin impoñer a vosa forma de ver as cousas a base de confrontación, conflicto e ataques personais cada vez que a comunidade de galeguización intenta medrar. Foi eso o que sucedeu cando a Xunta montou Mancomún e iso mesmo está sucedendo agora coa proposta g11n.net da Ciberirmandade. De nada servirá un g11n_v4 se ao cabo duns meses volvedes outra vez cabalgar no cabalo da confrontación e da división. Teredes que tomar unha decisión ao respecto, internamente. - Ciberirmandade: sodes a organización de galeguización máis antiga da rede, sodes os únicos que demostrastes ter músculo para involucrar á sociedade na defensa de Mancomún e tamén os únicos que tivestes a capacidade (e a xenerosidade) para compartir os vosos recursos e montar unha infraestructura básica en tempo récord. Mais é importante que comprendades o seguinte: aínda que tecnolóxicamente o movemento do software libre teña capacidade para competir coas grandes multinacionais como Apple ou Microsoft, socioloxicamente atópase aínda nunha fase tribal onde o que predomina é a afirmación da propria identidade grupal fronte ao interese colectivo. Teredes que baixar o pé do acelerador, por que neste contexto sodes percibidos como o inimigo a bater. En resumo: adhiro a proposta de Fran, pedindo ademais un proceso de reflexión interna e autocrítica por parte de cada un dos dous colectivos involucrados. Mais nada. -- http://susinho.pagina.de/