>From: "Rahman" <[EMAIL PROTECTED]> > Di tempat kuring, baheula aya manuk nu disebut sit uncuing... tah ieu > manuk teh mun di sada ngelik cenah eta teh kila-kila bakal aya nu > maot. Bener henteu na mah duka teuing.
Enya kang, sarua jeung di lembur kuring, lamun manuk sit uncuing ngelak wae disada, eta teh totonden bade aya nu maot. Pun Nini kapungkur sok gogorowokan lamun manuk sit uncuing disada : "Kaditu siah, geura indit, ka sabrang ka Palembang" ( ....hehehehe Palembang deui wae nu katempuhan). Manuk sit uncuing, cenah mah manuk migran, nu lembur musim panasna di Siberia(? atawa di dataran Cina). Lamun usum tiris diditu, sit uncuing ngungsi ka Indonesia. Tapi aya oge sit uncuing nu jadi manuk lokal, teu ngilu migrasi deui ka dataran Cina (atawa Siberia). Aya deui di lembur kuring mah, sora manuk nu mere totonden teh, manuk Bueuk (burung Hantu). Lamun manuk bueuk disada wae ti peuting ....eta teh kila-kila, bakal aya wanoja nu lalagasan tapi kakandungan alias reuneuh tapi acan kawin. Baheula di lembur kuring, lamun aya wanoja reuneuh tapi teu kawin ......wah matak gujrud salelembur, ear sajagat, jadi omong mangtaun-taun nu teu anggeus-anggeus, kaasup dongeng manuk bueuk anu ngelak wae disada, dipipir imah si Wanoja anu reuneuh tiheula ..... Baktos, WALUYA
