Ngobrol2 soal laptop, kuring jadi inget baheula, laptop kuring leungit ku babaturan. Caritana kieu, babaturan teh ngagawekeun pagawean di Surabaya. Kulantaran pagaweanana kudu make laptop, nya mamawa laptop kuring. Waktu balik manehna make beus peuting (beus malem). Indit ti Surabaya teh jam 3 sore. Omongna mah manehna geus ati-ati, laptop teh teu diteundeun dina rak diluhureun korsi, tapi dikempit ku dua sukuna. Dina beus manehna sare, maklum sapeupeuting, ngan kahudangkeun teh cenah waktu beus eureun di Cirebon, aya nu turun panumpang duaan.
Tepi ka Bandung, jam 6 isuk-isuk, langsung naek taksi, ngajugjug imah kuring, rek mikeun laptop jeung hasil pagaweanana ka kuring. Tepi ka imah teh manehna angkaribung, mawa alat-alat jeung tas Laptop disorendang. Sok laptop diteundeun di meja. Kulantaran kuring hayang geura ningali hasil pagaweanana, serelek tas laptop dibuka ....ngajenghok .... dijerona lain laptop, tapi aqua (cai nginum botolan) aya lima botol nu 600 ml. Kurang ajar eta bangsat, apal kana beurat laptop. Laptop dicokot tina tasna, terus diganti cai nginum botolan lima siki, nu beuratna ampir sarua jeung laptop. Nu mawa teu curiga ....da rarasaanana laptop masih aya da "beuratna" masih karasa. Ti harita lamun indit2an kana kendaraan umum, kuring tara mawa laptop jeung tas aslina, tapi diasupkeun kana tas sejen ...nu teu ngaharib- harib jeung tas laptop. Baktos, WALUYA --- In [email protected], "Rahman" <[EMAIL PROTECTED]> wrote: > > Tolak Laptop, Hemat Uang Rakyat >
