> From: Abu Kasya > Da lain FPI wae nu teu satuju ayana ajaran ahmadiyah, dalah di nagara > dengeun wae ampir kabeh ngalarang tur nyesatkeun ajaran ahmadiyah.
Salaku urang Islam kuring teu satuju ajaran Akhmadyah, kuring sering macaan debat golongan ieu jeung Islam nu panglobana di millis-millis. Memang keur kuring leuwih teu dipikaharti. Ngan masalahna lamun jelema geus boga KAYAKINAN hese nagrubahna, kabuktian di millis-millis nu madungdengkeun hal ieu, ih sarua we papada ngotot. Malah aya nu milih "paeh" tinimbang kudu ngaganti kayakinan. Akhamdyah dibubarkeun, terus aya jaminan kitu, aliran ieu bisa leungit? Kayakinan aya di hate masing-masing jalma teu bisa diukur ku jalma sejen .... Memang leres Pakistan oge, tempat lahirna Akhmadyah, teu ngaku Akhmadyah teh Islam. Tapi Pakistan lain keur conto, ieu nagara keur nuju "nagara gagal" , jelema silih serebu, silih paehan, masjid didurukan, pamimpinna silih dipaehan. Tah kuring mah embung Indonesia, komo Tatar Sunda mah siga Pakistan. Hayang damai we ......, moal maju-maju lamun terus-terusan kitu. Urang Pakistan jalmana palalinter, tapi kulantaran nagarana ribut terus, nu palalinter ngabrul kalaluar negeri jiga Prof ABdus Salam, saurang Akhamadi jeung ahli fisika nu meunang Nobel. Nagara Pakistanna mah angger we nagara nu "Kakoyak-koyak" ku masalah kayakinan rakyatna (Sunni, syiah ...jrrd). Naha Indonesia nuju saperti kaayaan di Pakistan? Kuring hariwang, mangga we aos warta-warta dinten ieu markas-markas FPI diserbu ku Garda Bangsa jeung Anshor. Marebutkeun naon atuh ieu teh? Baktos, WALUYA
